هلا وغلا ام الحلوين وامورة الدنيا
وجزاكم الله الف خير
ام الحلوين ياليت اذا ما عليك امر تكتبين الاسم والعنوان وكم الايجار بالاسبوع وفعلا عشان كذا انا استبعدت الفنادق لان ما تدرين كم المدة اللي بتلاقين فيها السكن الدائم وفعلا انا اسمع انه من الاونر افضل
عموما الله يسهل لنا ولكم ويبلغنا رمضان واحنا بصحة وسلامة ويغفر لنا ولكم
ام الحلوين ايش رايك من خبرتك احسن دراسة اللغة في التيف والا المعهد تبع كيرتن؟؟؟؟؟؟؟؟
وياليت تقولولي ايش افضل خط السير عن طريق ماليزيا والا دبي والا سنغافورة انا احس انه عن طريق دبي متعبه خصوصا مع الاطفال


صحيح بغيت اذكر المغتربات بكتاب من جرير اسمه الدراسه في الخارج بس ماني فاكره اسم المؤلف اعتقد طالب شي زي كذا مفيييييييد ............نعسانة ومافي اروح اشوف اسم الؤلف خخخخخخخخخ

وكمان كتاب لا تحزن لسلمان العودة

بنات كم الوزن المسموح لكل شخص طبعا حسب الناقل الثاني اللي جيتوا عن طريقه لان الخطوط السعودية مسموح تقريبا 30 كيلو بس الماليزية سمعت 25 كيف تصرفتوا وكيف شحنتوا الوزن الزايد

http://www.stayinwa.com/

هذا الرابط احد خيارات السكن المؤقت واذا لقيت غيره ان شاء الله بنزله عشان الكل يستفيد

هلا ام اللوس وتجون بالسلامه ان شاء الله
والعنوان ابغى اجيبه لك حرفيا بس استني علي شوي
والدراسه انا مالي تجارب فيها لا معهد ولا جامعه بس نصيحه ادا بتدرسين كمرافقه والملحقيه بتغطي مصاريفك خودي شهادتك اللغه من الكليه لاتيف ولامعهد ..وكيرتن على ماسمعت انها اقوى برامج من المعاهد ..
واتوقع اصعب واطول في ايام الدوام يعني من الاثنين الى الجمعه ..والتيف فيه اربع ايام وفيه ثلاثة ايام ..
بس انا لو ادرس مااتوقع ارضى بغير كيرتن بديل ..مع ان فيها وفررره ماشاء الله من الشباب السعودي عكس المعاهد بس بنظري سعودي حاله حال اية رجل ....حتى لو سوى زحمه مصيره يتعود على وجودي ويحترمه ...والشباب مو مثل بعض ...
بالنسبه للطيران انا ماجربت سنغافوره ..
جربت خط دبي والماليزي ...واتوقع انتي بتجين على خطوط دبي لان الدوله صارت تغطي هدا الخط بسسس لانه اقصر الطرق ..
وهو متعب مرررررررررررره وخصوصا لما كانو عيالي صغار بس اتحسن الوضع شوي يوم كبروا ....
وانا بعد صرت خبره خخخخ في السفريات ..يعني صرت اجهز نفسي بحق نفسيا ومعنويا ...واجهز اطفالي ..
والماليزي بعد فيه حقه والله صح اقصر مدة الطيران بس يسوون لك حوسه ادا صارت طيارتك بعد 7 او 6 ساعات ..
مايمديك تخلصين اجراءات المطار وتمشورين لحد ماتوصلين الفندق الى انتهت 3 ساعات و3 ساعات الباقيه تروح وانتي تتجهزين للرحله اللي بعدها ..
الزبده ....لو بتاخدين طريق دبي وعندك ميزانيه وخصوصا دبي لان 16 ساهع مهي سهله ارفعي السعر شوي وخدي الدرجه الاولى والله تنسين هم السفر واعباءه ...وهم يوفرون لك الاقامه في المطار وفندق خمسه نجوم وبوفيه مفتوح ...
ولو اخدتي طريق ماليزيا حاولي تاخدين الرحلتين متباعده ...علشان ترتاحين وتنومين وتستعدين للرحله الجايه ....
اما العفش ومن تجاربي المريره مع السفر والغربه والبهدله ....صرت اشحن التمر والبهار والقهوه والاجهزه معي والباقي ارسله تبع المؤيد للشحن مكتب شحن ...لانك ترتاحين ادا سوولك الكشف في المطار بدل بهدلة مكتب الشحن ادا وصلتو والتفتيش ..
ولاتنسين خدي غيارات لك ولاطفالك لمده اقلها اسبوعين وانا لو كان الوقت شتوي اخد غيارين للخروج ثقيله والباقي ربيعي لانك ادا كنتي جوا السكن لازم تولعين الدفايه او المكيف على الحار ولو كان صيف الحمد الله تساهيل من ربي ..
ولانك احتمال تقابلين احد تاخدين لبس مرتب مو تغلطون غلطتي جايه ملابسي ملابس بيت واول طلعه رحت للسوق ..بهدله ..
توصلين بالسلامه ولو فيه اشياء تدكرتها رجعت اكتب لك من جديد ..
تحياتي .............

جزاك الله الف خير ام الحلووين ما قصرتي وانا بانتظارك

معلييييييييش يابنات متى تبدا الاجازه الصيفيه عندكم؟؟؟في بيرث