مرحبا بنات ,........انا اعرف مركز في جدة ..اسمه دايت سنتر اعتقد هو الي يرسل الاكل ما ادري في احد سمع عنه .........:27:
افيدوني جزاكم الله خير...........:26:

السلام عليكم
اسمع ياستي بالنسبه للدايت سنتر
هو في التحليه تروحيلهم ياخدو وزنك وطولك ويعملولك تحليلوبالنسبه لرجيمهم هوا مدته شهر تنزلي فيه من 4 الى 5 كيلو بـ2400 ريال
يدوكي منيو تختاري منو الاكل حق اسبوع وكل يوم يرسللولك التلات وجبات
وكل اسبوع تروحي تاخدي الوزن وتختاري منيو الاسبوع الي بعده
مرت خالي جربتو كان وزنها في التسعين ووصل لستين بس اتمرت كذا شهر
وتقول انو اكله مره طعم لانو في حلا وكل شي متنحرمي بي اهم شي تلتزمي باكلهم وماتاكلي شي زياده0

انا عارفة إني ازعجتك ....(ايش هذة الصقة ):D
بس اعذريني ........hatoon
مو كنو غالي......, طيب الي مايكفيه شهر ويبغئ ينزل 10 كيلو يدفع 4800 ريال صراحة ايش النصب هذا :30:
وإذا عندك فكرة ثانيه عن هذا الموضوع ياريت تفيديني,,,,,,,,,,, اكون لك من شاكرين :33:

السلام عليكم
عادي ترا اسئلي زي ماتبغي الناس لبعض ومصيري يوم اسال وتجاوبيني0
شوفي انا لمن وصل جسمي لمرحله عملي اكتئاب وزنيت على جوزي اني ادخلو مارضي اول شي انا كنت ابغا انزل 30 كيلو وكان يقولي اعملي رجيم بنفسك لانو ممكن تشتركي وفي الاخر ما تلتزمي باكلو وتغشي0
وفعلا لمن فقدت الامل بدات انا اقوي ارادتي والصراحه ماانكر دور المنتدى الرائع 0
اسمعي اذا نفسك تعملي زي كدا نظام ليه ما تشنركي في نادي رياضي في مستشفى وتابعك اخصائية تغذيه تكون في النادي0
اذا تبغي كده قوليلي عشان افيدك وادلك على نادي كويس وسعرو كويس0
وفي كمان مركز ليندورا للتخسيس في ابراج الفارسي يعملولك نظام غذائي ويتابعوكي دكاتره وترحيلهم 3 مرات في الاسبوع يعملولك تحاليل عشان يشوفوكي مستمره على الرجيم ولا بتغشي0 واسعارهم احسن من الدايت سنتر انا ايام ما كلمتهم وكنت ابغا اشترك فيه تقريبا طلعلي اني انزل ال30 كيلو ب6000 ريال بس برضو جوزي مارضي وضحك عليا لاني كنت ابغا اقص شعري فقلي اختاري ياام3 القص او الليندورا فانا اخترت القص 0
واي سؤال انا في الخدمه0

مرحبا أختي..........., hatoon :26:
مشكورة على ردك بس انا ماقد سمعت عن ابراج الفارسي ..
ياريت توضحي لي اكثر ..........., وايش يستخدمو في التخسيس وكم ياخذ في الشهر :27: