السلام عليكم
ابراج الفارسي تعرفي دوار السفن اللي عند بنده العزيزيه مو في هناك شارع لمن تروحي منو توصلي لعماير الاسكان وفي كمان عمارة الشربتلي هو هناك في نفس الصف عماره كبيره وفيها زجاج0
بالنسبه للدايت تبعهم حاكتب اللي انا فاكراه لاني سالت عنو قبل سنه ونص
تروحيلهم يعملولك تحاليل ويكشفو عليكي يعملولك نظام غذائي تمشي عليه ويدوكي فيتامينات ويدوكي علبه كل اسبوع محتويات العلبه (كبتشينو-هوت شوكليت-شوربات -حلويات )كلها تبعت رجيم عشان لمن تشتهي تشربي وفيها شي يصد النفس0
ولازم تروحيلهم في الاسبوع كم مره على الاقل 3 مرات عشان يحللولك ويشوفوكي ماشيه مظبوط على النظام ولالا0
وهم اكتر شي معتمدين على روحاتك لهم عشلن يتابعوكي0
بالنسبه للسعر هوا مقسم لكذا برنامج كل برنامج لو سعره
1- البرنامج الاول اظن مدته شهر او شهر ونص والله مني فاكره بالضبط وسعره اظن في حدود ال200 وتنقصي على مااظن 10 كيلو
2- التاني برضو مني فاكره المده بس المهم تنزلي فيه 20 ك ب 4 الاف
3-التات برضو مني فاكه كم المده بس تنزلي تقريبا 30 كيلو ب 6الاف
برضو انتي اذا تبغي اتصلي واسالي لانو انا صراحه هادا اللي فاكراه ممكن يكون في شي غلط0
واذا تبغي رقمو في دعايه لو في طريق المدينه وانتي نازله في المحمديه ورايحه على حراء لوحه كبيره مكتوب عليها الرقم وبرضو انا انشاء الله اذا بكره مانسيت وانا رايحه الكليه في الصبح اخدلك هوا واذا نسيت خدي من السنترال 905 قوليلهم ابغا مركز ليندورا0

مشكورة ياقمر .....................:40:
بس لا يكون غلطي في السعر حق مدة الشهر 200 ولا 2000 ريال
طيب في احد استفاد منه .............قصدي هو كويس ولا نصاب :01:
اشكرك مرة ثانية واتمنى اردلك الخدمة يا عسل ....:26:

وانا سمعت عن هجر يمدحونه اما المحيش ماعندي فكره
وان شاء الله اكون افدتك :26:

السلام عليكم
السعر 2000 معليش
وبالنسبه لاحد جربو مااعرف انا بس قريت الدعايه وسالت0
وتسلمي يارب

اهليييين بنات
عفواعلى العنصريه مو قصدي بس ابسأل ابي ادخل نادي ريااضه حلو ومكان مريح مو شرررط يكون فخم زي عيادات التخصصيه لا يعني ابي وحده دخلت نادي واستفادت وتقولي عليه وعلى المكان والمدربات وكم نقصت وكم المدة والاسعار لو سمحتوو
وشكرا
انا من سكان الرياض