مروة يا شباب في بيتها ومعندهاش كمبيوتر في بيتها بس هي بتسلم عليكم كلكم والله انتوا واحشينها قوي
علي فكرة يا دون مروة عزمتني علي الغدا في بيتها وتربيتك نفعت فيها جدا""""""""" :icon28: :icon28:

السلام عليكم و رحمة الله و بركاته

انا قريت اللي فاتني و رجعت تاني

اولا ميشو الف سلامة على والدتك و الف لا بأس عليها، ربنا يشفيها يا رب و تقوم بالسلامة هي الكسور بتكون صعبة في حالة السن الكبير و ربنا يعينهم بيكونوا مش طايقين حد ييجوا جنبهم، معلش واضح انك اتلخمتي في شغل البيت و خلافه بس كله عشان عيون ست الكل

وسووسة حبيبتي، انا موجودة اهه، و على فكرة مسمعتش عن المنتج اللي بتقولي عليه بس ان شاء الله البنات يفيدوكي

كهرمانة، البنات كلامهم صح يا حبيبتي بلاش خدع الكوافيرات دي لان هدفهم هو ربطك جنبهم و سلب اموالك في حمامات كريم متتالية بعدها سشوار متتالي يقصف الشعر و بعدين ترجعيلهم تاني و يكملوا الحدوتة، مفيش امانة. و ما شاء الله البنات مبخلوش عليكي في الوصفات الطبيعية و هي احسن حاجة و جربي الوصفات اللي هبة قالت عنها لان فعلا الطبيعي احسن حاجة للشعر، بس النفسية كمان مهمة فحاولي تهدي نفسك و تاخدي شعرك كده بالراحة و بالعقل من غير توتر عصبي و ان شاء الله يتحسن و بعدين بلاش تشغلي تفكيرك بان شعرك مشكلة لان ده بيزود لك التوتر، يعني ايوة المهم طبعا يبقى شعرك شكله حلو لعريسك بعد الجواز بس لو شعرك ضعيف و تعبان دي مش مشكلة و لا نهاية العالم و مش حاجة مؤثرة اوي، عشان كده باقولك انتي بس هدي اعصابك و اهتمي بتغذيته و اهتمي بالوصفات الطبيعية و كله حيبقى تمام ان شاء الله من غير ما نعيط و لا نفسيتنا تتأثر و لا حاجة يا جميل

أحلام عصفور، اخبارك ايه؟ ان شاء الله تكوني بخير و ربنا يشفي مريضك و يفرج كربك و همك. بصي يا قمر، انتي عارفة اني باقف مع الحق و باقول كلمة لوجه الله، طبعا اختنا الكبيرة دون دايما كلامها معانا بيكون لمصلحتنا و لها اسلوب مميز في الكلام بيغلب عليه الطابع الساخر او الفكاهي احيانا للتخفيف من حدة الموضوع اللي بنتكلم فيه و احيانا عشان تشد ودننا و تنبهنا لتفاهة تفكيرنا في بعض الامور او تضخيمنا لبعضها، بس هي اولا و اخيرا عمرها ما تقصد انها تضايق حد حتى لو شدت في كلامها علينا، و هي اكيد مش زعلانة منك بس تلاقيها انشغلت شوية اليومين اللي فاتوا لان النت ساعات بيبقى بايخ و المنتدى احيانا بيبقى تقيل في التصفح.

ام يوسف، جزاكِ الله خيرا على التنبيه، انا فعلا كنت قريت عن الكتاب ده من فترة في جريدة الحياة لكن كنت متوقعة انه يمنع من النشر هنا لانه شئ بديهي، بس كون انه لم يمنع و وصل فعلا لادين الناس يبقى حسبي الله و نعم الوكيل في المسئولين عن السماح بنشره.

لاروزا، ازيك يا قمر وحشتيني جدا، ام احمد و رواء الاسلام فينكم؟؟

كل البنات وحشتوني جدا و يا رب تكونوا كلكم بخير

ماش ماش لو تقدرى ابعتيلى صورة الفستان اللى بتقولى عليه ده
تماتيا انا كمان عايزة رقم التليفون بتاع البنت اللى بتقص دى
وتعبت اقولك طمنينى عليكى انا مبقعدش على مكتبى غير نادرا واليويمن دول مبروح البيت قبل 11 بالليل وانتى ولا معبرانى
انا بس لما بلاقيكى بتشاركى وبتتكلمى بقول البنت كويسه
ممكن تعبرينى

ماماش ايه حكاية الفساتين دى ؟ يعنى الواحد ممكن يأجرهم منك و لا ايه ؟ ياريت لو فى حاجة تدخليها ملف العروض التجارية علشان يبقى سهل الكلام فيها . انا جبت فستان سوارية مطرز كله من فوق لتحت بس على خفيف من ادام و من الظهر ب 400 جنيه من اسبوعين و لبسته لبسة واحدة ياترى ممكن الواحد يروح اتيليه و يبيعه و لا هيخفسوا بيه الأرض؟

صباح الخير يا بنات
اية يا جماعة فى ايه انتو لو ملقتوش مشكلة تقعدو تحكو فى حاجة ملهاش اساس
مين اللى قال ان دون زعلانة تلاقيها بتجرى ورا عيالها بالشبشب وعلشان كدة مش فاضيلنا صح يا دندون
بت ياهبة
انتى لسة زعلانة من احلام يا دنتى قلبك آسى قوى وخدى بكس كمان
كهرمانة
مش عارفة كل البنات خايفين من حكاىة القص دى ليه بالعكس بقة دة انتى مع العلاج لو قصيتى شعرك هتحسى بتحسن شديد وكمان هتعملى نيو لوك محصلش إسألينى انا ده انا كل سنة أقص شعرى قصة مختلفة وبحس ان نفسيتى مرتاحة جدا وكمان عشان ازغلل عنين حبيب القلب مش كدة ولا ايه
أم باسل
هل فيه دعاء عشان ربنا يجمعنى بجوزى فى الجنة يا ريت لو فيه تقولهولى وجزاك الله خير عنى وعن جميغ الأخوات
أم عتريسة
حرام عليكى احنا عملنالك ايه الصفحة ريحتها اتقلبت بس دمك خفيف