رانيا .. ردا على المثال اللى اوردتيه يا حبيبتى عاوزة اقوللك انى قريت ان ذاكرة الاطفال قصييييييييييييييييييرة المدى للغاية وده اللى بيخليهم مش بينفذوا الاوردر بسرعة ويخزنوه فى راسهم او يعنى بلغتنا احنا مش بيسمعوا الكلام وهما فى الحقيقة مش مش بيسمعوا الكلام هما نسيواااااااااااااااااااااااااااااااااااااااااااا
يعنى لما بقول لهنا لا على حاجة لازم اقعد اكررها كل ما نتعرض للحاجة دى عشان تثبت فى دماغها
الموضوع صدقينى محتاج صبر جبال وطولة بال مش بالساهل خالص وانا بصراحة ساعات كتير بشد عليها عشان عاوزة اربيها كويس واطلعها باذن الله ذرية صالحة بس ساعات ببقى ظالماها ومزوداها وبباها هو اللى بيفكرنى بكلامى ويقوللى مش انتى اللى قلتى الكلام العلمى عن ذاكرة الاطفال امال قلبة البيت حريقة ليه؟؟؟؟؟؟؟؟؟؟؟؟؟؟؟؟؟؟
متشكرة اوي ياأم عتريسة
خلاص ربنا يسهل واقدر اعمله بعديييييين بقي بس سؤال اخير معلش ممكن الحامل تعمله؟؟ولا فيه ضرر؟؟
ومتشكرة كمان يارانيا انت عندك حق بس انا عمري ماكنت اتمني شعري يبقي حقل تجارب بس يالا محدش بيتعلم ببلاش انا ان شاءالله ههتم بيه ويارب يبقي كويس
سلامتك يازئردة...مالك ياقمر مش مظبوطة ليه
سي السيد واخد علي خاطره منك ولا ايه؟؟؟والله انا كمان مش مظبوطة ربنا يطمن قلب الجميع
خلاص ربنا يسهل واقدر اعمله بعديييييين بقي بس سؤال اخير معلش ممكن الحامل تعمله؟؟ولا فيه ضرر؟؟
ومتشكرة كمان يارانيا انت عندك حق بس انا عمري ماكنت اتمني شعري يبقي حقل تجارب بس يالا محدش بيتعلم ببلاش انا ان شاءالله ههتم بيه ويارب يبقي كويس
سلامتك يازئردة...مالك ياقمر مش مظبوطة ليه
سي السيد واخد علي خاطره منك ولا ايه؟؟؟والله انا كمان مش مظبوطة ربنا يطمن قلب الجميع
الصفحة الأخيرة
بالنسبة للفرد ففي عدة انواع ..
نوع على شكل امبوب يشبه امبوب الصبغه وفيه مادة كيماويه ريحتها اجاركم الله في امبوب احمر كده اسمه جلاد او نوع تاني مش فاكره اسمه دلوقت المهم الانواع دي مش كويسه ابدا لانها بتنشف الشعر ومع الوقت بتتلفه ويبقى مينفعش يتفرد تاني .. دي ممكن تستخدميه في حاله وحده فقط لو جوزك اتجوز عليكي لان ده هيكون احسن عقاب ليه لما يفضل شعرك ريحته زي ريحة ال.. ولا بلاش
نوع تلاقيه عند الكوافيرات بس وبيقولوا لك ده خلطه خاصه وكلام نصب من الانواع دي وكل دي حاجات بيعملوها بنفسهم كانت وحده كوافيره قالت لي على مكوناتها بس نسيتها المهم الحاجات دي بتحرق الشعر واشد ضررا من النوع الاول ..
نوع ثالث وهو الاعشاب الي بيقولوا عليها طبيعية وهي عبارة عن شبه مخلوطه بحنا سوده وملوخية ناشفه ( محدش يستغرب فيها ملوخية فعلا ) ودي بتفرد الشعر وتسوده بالمرة ودي مش كويسه برضه وميغركيش انها طبيعية لان حتى سم الثعبان مادة طبيعية ..
النوع الرابع وهو بيت القصيد والي بنصح بيه وهو بييجي على شكل علبة كرتونية مكعبه صغيرة ومرسوم عليه وحده زنجية او اطفال زنوج على حسب النوع واسمه اما سوفت آند بيوتيفول او دارك اند بيوتيفول مش فارقه السوفت من الدارك المهم يكون بيوتيفول :)
اول حاجه قبل ماتبدئي تفكري تفردي شعرك انك تتاكدي انك مصبغتيهوش قريب .. مكتوب في التعليمات المرفقه مع الكريم ان مثلا تكوني بقالك اسبوعين مصبغتيش بس الصحيح انك تكوني بقالك شهر ولا ثلاثه اضمن .. وطبعا يكون بقالك مده معقوله برضه مفردتيش شعرك على الاقل اسبوعين .. عن نفسي لاانصح بفرد الشعر الا بعد ست شهور لان اصلا هو بيبقى مفرود من المرة الاولى ست شهور على الاقل . وبرضه ميكونش فيه اي اثر للحناء سواء الي بتفرد او العاديه الي بتصبغ لان مش هتجيب نتيجة ..
المهم بتشتري الكريم ده من اي محل بيبيع تجهيزات كوافير بس يكون محل نظيف يعني اي محل بيبيع حمام زيت وصبغات والذي منه هتلاقي فيه ده .. على كل حال انا لقيته في فتح الله ماركت ووحده قريبتي اشترته من الشواربي .. وهو برضه مشهور اوي في الدول العربيه.. هو سعره هنا في مصر بـ 45 جنيه عند فتح الله ماركت وفي السعوديه اظن في حدود 25 ريال . وبالمناسبه هو هنا في مصر كان زمان اول مانزل بـ 70 جنيه بس معرفش رخص ليه .
قبل ماتبدئي لازم تكوني غسلتي شعرك بالشامبو كويس قبلها بثلاث ايام او على الاقل مر 24 ساعه على آخر غسيل ..ومتكونيش حطيتي على شعرك اي زيوت او كريمات بعد غسله .. واكيد طبعا يكون شعرك ناشف قبل ماتبدئي ..
هتلاقي العلبه فيها برطمان كريم وعدد من الزجاجات البلاستيكيه الصغيرة وجوانتي بلاستيك . . احيانا يأتي معاه كيس صغير زي كيس الكاتشب الصغير كده فيه ماده لزجه زل الجل بتحطيها على المنطقة الي بيلتقي فيها الشعر مع الجبهة وورا الاذن باختصار بتحطيها داير مايدور الشعر عشان مينزلش شئ من الكريم على الجلد فيلهبه .. ولو مكانش الجل ده موجود ممكن تحطي اي ماده من عندك زي الفازلين مثلا ..
بعدين في 2باكيت بتوزعيهم على الشعر وهو جاف وتتاكدي ان الشعر تشرب بيهم ..
بعد كده بتاخذي البرطمان البلاستيكي الموجود وعادة بيكون اسمه A أو B وبتضيفي عليه محتويات الزجاجه التاليه له في الترتيب والي عادة بتكون C أو B . طبعا التعليمات مكتوبه بالتفصيل في العلبه بس احيانا بتيجي بالانجليزي ..
المهم تخلطي الاثنين دول باي حاجه مش معدنية بلاستيك او خشب وغالبا بيكون جاي معاه قطعه خشبيه للغرض ده .. بعد مايمتزج ويبقى زي الكريم نبدأ استخدامه..
السر بقى والي بيفرق في جوده الفرد هو في الآتي ..
اولا بتقسمي الشعر اربع اجزاء .. فرق في النص زي عماد حمدي بعدين فرق بالعرض وتربطي كل جزء لوحده ببنسه او توكه . .
بنبدأ بالشعر الي ورا .. ناخذ الربع الاول ونسحب منه خصله صغيره .. ندهنها بسرعه من ورا وقدام بالكريم ونملس عليه مرة او اثنين من فوق لتحت بعدين نتركها ونمسك الي بعدها .. وهكذا لغايه مايخلص الربع الاولاني نمسك الربع الثاني الي ورا .. وهكذا .. واهم حاجه بمجرد مانحط الكريم على اول خصله اننا نبدأ نحسب الوقت ..
بعد مانخلص ونحط الكريم على الشعر كله تبدأ الحبكه الفنية
تبدأي تمشطي الشعر من اعلى لاسفل يعني من منابت الشعر لغايه اطرافه باستخدام ظهر المشط .. او كف اليد .. المهم ان الشعر يبقى في حالة سحب مستمرة .. كانك بتملسي على شعر قطه .. هتلاقي ان مع الوقت بدأ الشعر ياخذ شكل مستقيم بقى قطعه وحده ..
كل ده وعينك على الساعه لازم متتجاوزيش المده المقرره ..
المده بتكون مكتوبه في جدول في ورقة التعليمات وفقا لنوع الشعر ..بالنسبة لي بستخدم اقل مده خالص وهي 15 دقيقة وممكن المده توصل لغايه 25 دقيقة بس ده غالبا مش عندنا ده للشعر الزنجي .. كمان في نقطه هامه ان في نوع خاص بالاطفال عن نفسي بستخدمه لانه مش بيؤذي الشعر اطلاقا .. وفي كل الاحوال اوعي تتركيه على شعرك اكتر من الازم والا هتلاقي ابراهيم نصر يوماتي بيصبح عليكي من المرايه ..
بعد ماتنتهي المده المقرره بسرعه على الحمام وتكوني مجهزه السخان على ماء دافئ وتغسلي شعرك كويس .. بعد ماتتخلصي من كل الابيض العالق بشعرك هتكون في زجاجه شامبو مرفقه مع الكريم استخدمي منها شويه بنفس مقدارك العادي في الشامبو .. اغسلي شعرك ورغي .. لو طلعت رغوه زهرية او بمبي يبقى لسه شعرك محتاج غسيل .. اشطفي كويس .. وحطي شامبو تاني .. كرري لغايه ماتتاكدي ان الرغوه بقت بيضاء تماما يبقى كده شعرك تخلص من بقايا الكريم .. متحاوليش توفري في الشامبو ده لان ملوش استخدام بعد كده يعني هو مش شامبو عادي زي كل الشامبوهات الي بنستخدمها هو فقط لاكتشاف بقايا الكريم ..
بعد كده في زجاجه تانية فيها بلسم بتحطيه على شعرك خمس دقائق بعدين تشطفي وخلاص نشفيه واستشوريه عادي عشان تتمتعي بالتسريحه ..
بالنسبة لترتيب الزجاجات فهي مرتبه ابجديا من اول حرف A وانتي استخدميها بنفس ترتيب الحروف .. وغالبا بيتفضل باكيت ملون كده ده على مااظن مجرد دعايه لمنتج من منتجاتهم لاني شخصيا عمري ماستخدمته ومش لاقيه له استخدام في التعليمات ..
وفي نقطه هامه جدا جدا انك متغسليش شعرك لمده اسبوع على الاقل بعد الفرد عشان تضمني انه يثبت .. وانك تعامليه بلطف بعد كده وانتي بتغسليه وتسرحيه لان بيكون فيه نوع من المطاطيه بعد الفرد ..
كمان في نقطه مهمه ان الهدف الاساسي من الفرد انه يحول شعرك من شعر عادي او خشن الى شعر ناعم وبالتالي لازم له برضه عنايه يعني لو اهتميتي بيه بعد الفرد وعملتي له حمامات كريم ولفيتيه باستمرار وقصيتيه قصه مناسبه هيطلع اروع بكتير من لو تركتيه على حاله .. وكمان نقطه هامه ان الفرد بيختلف حسب طبيعة شعرك الاصليه يعني الي شعرها اساسا مابين العادي والمجعد بيدي معاها نتيجة مذهله كان شعرها اساسا ناعم والي شعرها اساسا خشن جدا بيتفرد بس مبيكونش مظهره طبيعي اوي ..
وتعودي نفسك بعد كده كل ست شهور او سنة بالكثير تفردي شعرك وتحافظي عليه طويل قدر الامكان لان الفرد بيبقى في الشعر الطويل مده اكبر , والسبب ان الشعر الي بينموا جديد بيدي مظهر مجعد للشعر ككل بينما المفرود بيفضل ناعم وبالتالي كل مازادت نسبه المفرود إلى نسبه الجديد ظهر الشعر ناعم والعكس صحيح ..
وبالنسبة لفرد جذور الشعر فانا سالت فيها الكوافيرة ايام لما كنت فارده بالاعشاب وكنت عاوزه اصبغ شعري ماشيت , قالت لي شعرك هيسيح زي مية النار لو تفاعلت الصبغه مع الجزء المفرود بالاعشاب .. المهم انا محاولتش اجرب بس وحده قريبتي كانت فارده بالاعشاب وجربت تفرد بالكريم وفعلا النتيجة كانت سيئة جدا ..
بالنسبة لك ياكهرمانه استني لغايه آخر السنة كده بعدين قصي شعرك وافرديه بالكريم الي قلت لك عليه وفي خلال السنة دي هيكون شعرك جميل برضه وناعم بس طبعا مش زي اول مافردتيه المهم انه مش هيكون زي حاله من غير فرد .. وبرضه انتي اهتمي بيه من ناحيه الاستشوار كل مده والكريمات المغذيه ويفضل تستخدمي شامبو خاص للشعر التالف او المتضرر .. واطمئني فانتي اساسا لو حصل حمل في خلال السنة دي شعرك هيقرفك من كتر ماهو ناعم وسايح ومش قادر يثبت في توكه لان الحمل بيعمل سحر في الشعر ..
يااه انا تعبت اوي من كتر الكتابه بس معليش قلت مش هنام قبل ماكتب لك عشان اكفر عن ذنبي لما خوفتك على شعرك .. واتمنى يكون الي كتبته مفيد ليكي ولكل الاخوات الي سألوا على موضوع الفرد .. واي استفسار انا في الخدمه ..