لا سى السيد عازملى واحد صاحبه انهارده علشان مش عملت أكل امبارح أعوض انهاردة

ازيكوا عاملين ايه
انا متضايقة اوى وبعيط كمان
متضايقة ومتغاظة
امبارح نزلنا النادى وكان فيه عيلة قاعدة جنبنا والبنات الصغيرين فيها كانوا حيتجننوا على هنا وقاعدين يلاعبوها.. المهم لقيت البنت بتسالنى هى عندها 3 سنين يا تانت صح قلتلها لا يا حبيبتى حتكمل سنتين فاتدورت وقالت لمامتها فسمعتها بتقولها ( لا بس دى جسم 3 سنين )
الكلمة ضايقتنى وكنت عاوزة اقولها سلامة الشوف دى خاسة وحالتها بلا من ساعة ما فطمتها ثم افرضى انها مثلا طويلةشوية افرضى قولى ما شاء الله زى ما الواحد بيقول على ولاد الناس
المهم روحنا وكانت ...
البنت طول الليل بترجع وتعيط ومنيمتناش دقيقة واحدة وكمان اسهال رهيب وحتى لما عطيتها ادوية الاسهال والترجيع لسه تعبانة
هى نامت دلوقتى وانا قلت اقعد افضفض معاكو
بالذمة مش حرام عليها تحسد البنت
انا مش سيئة الظن بس عندكو تفسير تانى
البنت ماكلتش اى حاجة بره امبارح وانا رحت النادى ساعة بس ومشيت عشان اجيب داتا معينة من الادارة لهبه
ليه كده بس
الناس بقت كده ليه
الحمد لله
حقول ايه بس
الحمد لله

معش يا منى الف سلامة على هنا
للاسف فى ناس كده حتى لو مش بقصدهم مش بيسمو على الحاجه اللى بتعجبهم
عموما دايما اقرى المعوذتين وقولى بسم الله ماشاء الله ولا حول ولا قوة الا بالله لما حد يشوف اى حاجه تخصك وتحسى انها عجبته ومسماش وربنا يحمى يارب

معلش يامني....اقرائي قران جنبها كدة واقراي سورة ياسين وادعي بعدها ربنا يشفيها ويحميها من عيون الناس
ممكن تقراي قران علي مياه وتشربهلها بعدها

لاروز .. ميرسى اوى على كلامك الرقيق
تنيل الف شكر ولو انى مفهمتش اوى اتف فى عينهم ازاى ( ضحكتينى )
كهرمانة الف شكر ليكى وانا فعلا حدخل اقرا جنبها قرآن وهى نايمة ويارب تقوم كويسة
حسستونى انى مش ندمانة انى دخلت احكيلكوا اللى مضايقنى
الف شكر