منى انا معلش مش بدخل من البيت دلوقتى علشان كده بكتب الرد على طول من الشغل مش بلحق اقرى حاجة سلامة هنا انا لسه شايفة دلوقتى الرد من هبة قوليلى بقى تعرفى حته كويسة فى وسط البلد فى اسكندرية كنت عايزة ناجر شقة تكون نضيفة و اسعارها مناسبة
منى انا معلش مش بدخل من البيت دلوقتى علشان كده بكتب الرد على طول من الشغل مش بلحق اقرى حاجة سلامة...
يا صباح الفل و القواعد المرورية!!!
ام عتريسة، بجد بجد ما شاء الله عليكي دمك زي العسل و شكرا عالايميل المنقول بجد فطستيني على نفسي من الضحك و عقدتيني من المشي في الشارع!!!! ربنا يخليلك مخيمر و لو ان عتريسة احلى كتير ههههههههههههههههههه على فكرة انا متابعة كلامك عن التعامل مع الاطفال و عاجبني جدا بتفكريني باللي باعمله مه ولاد اخواتي لما بيكونوا عندنا و يصمموا يدخلوا معايا المطبخ!!!!! باخليهم يساعدوني في اي حاجة خفيفة عليهم و في نفس الوقت بعيد عن اي اذى، بس وقت ما الوش بيزيد و يتجمعوا و يفتكروا المطبخ ملعب كرة قدم، باشيل كل واحدة و واحد فيهم من قفاه و ارميه بره المطبخ عند مامته تتصرف فيه!!!! >>>>>> و نعم التعامل!!
روزاريو، نورتي، بس احكيلنا بالتفصيل متغربة فين و ندلعك بروزي و الا بايه و انتي بتدرسي و الا بتشتغلي و الا بتعملي ايه، من الاخر نزلي السي في بتاعتك و احنا نتصرف!!
سلامة يوسف يا ام يوسف و خلوا بالكوا يا امهات على اطفالكم الفترة دي متعبة و امراض الصيف سخيفة و انتبهوا اوي للحاجات الساقعة و الايس كريم و النوم في التكييف او تحت المراوح، و الف سلامة على كل اولادنا العيانين و يقوموا بالسلامة ان شاء الله
احلام، ما شاء الله عليكي انا استفدت كتير من كلامك متحرميناش من المشاركات الحلوة المفيدة دي
كل حبايبي الباقيين اسما اسما، ازيكم و عاملين ايه؟؟ ان شاء الله الكل بخير
ياللا اشوفكم على خير