دموعك وضيقتك وعيالك !!!!

هلا ومسهلا باللي زارنا وميت هلا

امس اخواتي قعدت افكر بيني وبين نفسي واحترت شوي وقررت انقل لكم الموضوع اللي فكرت فيه علشان نتبادل الراي ووجهات النظر ..

بضرب لكم مثال ( من نسج الخيال ) وابي تصرفكم في هالموقف :
زوج تخانق مع زوجته .. وصارت بينهم مشكله ( بغض النظر عن حجمها ) طلع الرجال من البيت متضايق وترك ام العيال في البيت وضايق صدره ومسكره الدنيا بوجهها
في هالوقت جا ولدها ( او بنتها كله واحد ومهما كان سنه ) وشلون بتتصرف ؟؟
هل بتصيح قدامه ؟؟
هل بتطلع حرتها فيه ؟؟ ( طبعا هذا اذا كانت معصبه .. بس حنا الحين حالتنا ضايق صدرها وزعلانه )
هل بتمارس حياتها طبيعي وتخفي عن عيالها ( هذا اذا كانت تقدر وشخصيتها قويه )

يعني اللي ابيه وشلون تقدر تمسك نفسها وماتدخل عيالها في نفسيتها !!؟

ونكمل الفيلم رجع الزوج ولا تصالحوا وظلوا على ذا الحال كم يوم
وشلون بتصير النفسية على عيالها !!!؟

بالنسبة لي :
اذا كان الطفل عاقل يفهم لاززززم اقوي نفسي قدامه ولا احسسه بشي علشان نفسيته وغير كذا مو لازم افضفض له واشكي له ( طبعا في وقتها بتكون الحاله عدم ومايعلم بها الله وتبي بس احد تشكي له ) ليه لان الزعل موب دايم انشالله وبترجع المياه لمجاريها ووقتها بتتمنى انها ماقالت شي وظلت ساكته
اما اذا كان الطفل صغير اصغر من سن التمييز برضه مو لازم احسسه بشي واضغط على نفسي علشانه ..

انتم وشلون تتصرفون في هالحاله ..
ابي من خلال عشرتكم مع ازواجكم وحصل لكم موقف وزعلتوا من بعض او تضايقتي منه لاي سبب .. كيف كانت نفسيتك مع اطفالك ووشلون قدرتي تتغلبين على ضعفك قدامهم وتخفين دموعك <<< خاصه اذا كنت راعية :06: ؟؟؟

انتظر ردودكم :27: