غاليتي مزاج:
تسلمي ياحبيبتي من كل شر
الزلابيا المفروض اول لما تطلع من الزيت تنحط في الشيرة لانها لما بتستني برة مش بترضي تشربه
الاهم علشان تفضل ناشفة :
من الواضح انك بتقلي علي نار عالية ..شوفي ياقمر احنا بعد لما بنشكلها وتبدا تتنفخ اقلب واوطي النار وكل دقيقتين اقلب واول لما تاخد اللون الدهبي اعلي النار واقلب شويه لانها بتكون استوت ومقرمشة بس شاربة زيت لكن تعلية النار حتخليها تنزل الزيت تاني
اقلب واطلعها علي الشيرة
مهم جدا توطية وتعلية النار والنتيجة حتلاحظيها انا عندي بناكلها تاني يوم مقرمشة برضه هي بتاخد وقت بس افضل من اللي بيحطوا نشا وفيه بيحطوا بطاطس مسلوقة ...جربي في نص المقدار وقوليلي علي النتيجة

حبيبتي زولة:
شكرا ياحبيبتي ربنا مايحرمنيش منكم وانتوا كفاية علية
السينابون كان عايز يستني شوية علشان الصوص يجمد ويبان بياضه استعجلت علي التصوير بس المهم ان الفكرة وصلت
انا منزلاه في الجروب بتاعي كل اللي نفذوه نجح معاهم

السلام عليكم ورحمه الله وبركااته
صباحكم سكر وكراميل .. كيفكم خوااتي اطباقكم تفتح النفس تسلم اياديكم
الحمدلله ان الدوره تمددت .. ابله ليلى مايهون علينا زعلك هذي سحابه صيف وبتعدي واحنا كلنا خواتك
والله يجمع كلمة المسلمين تحت لوائه ولا يمشت فينا الاعداء
اخيراااا امس عملت القطايف لاول مره الحمدلله عجبت عايلتي وضيوفي وام علي كمان سيده السفره
لذيييذه وحبوها الصغار كثيير انا عملتها زماااان برقايق السنبوسه بس الطريقه هذي اطعم وسهله ماعندي الاطباق الصغيره لكن رح اجيبها باذن الله
التصوير كان سرييع ان شاء الله تكون الصور واضحه
الكنافه والسينابون شي ماشاء الله تسلم ايديك ابله ليلى

الغالية وردتنا:
شكرا ياغالية علي شعورك الجميل ربنا يخليكم ليه وانا خلاص مش زعلانة بس بطلت ادخل قسم المقبلات ههههه احسن يضربوني
بس كفاية ادخل الاطباق المجربة واشوف تطبيقاتكم اللي تفتح النفس شوفت تطبيقك ماشاء الله علي القطايف وفعلا بتبقي حلوة بالدجاج واحيانا بحشيها بحشوة البيتزا طماطم وزيتون وفلفل وملعقة موتزاربللا ونقانق وطبعا كله مقطع صغير
وفكرتك حلوة في ام علي الروعة دي صينية كبيرة وكل واحد يقطع علي قد الاحتياج .تسلم ايديكي وتعيشي وتبدعي
الغالية عبير المسك:
ايه الفطيرة التحفة دي تسلم ايديكي بسم الله ماشاء الله (عرفتوا اللون اللي بحبه )وام علي مظبوطة ولونها حلو وشكلها يفتح النفس بالف عافية عليكوا
وبالنسبة لفطيرة التفاح ماقولتبش عايزة اي نوع فيه فطاير صغيرة زي القطايف وفيه تارت التفاح وياريت تردي ياقمر بسرعة علشان الحق احضرها علشان انا عايزة اخلص في الوقت المتبقي كل اللي انتوا عايزينه
الغالية ام غانم:
اقول ايه يوفي تطبيقاتك الرائعة
دونات تحفة وواخد اللون المحمص اللي بحبه وهش اما ام علي فهي حتخرج من الصورة شكلها مشهي لايقاوم ماشاء الله
تسلم ايديك وبالف عافية عليكوا

الغالية ماسة المجد :
بسم الله ماشاء الله كل تطبيقاتك احلي من بعضها تسلم ايديكي وربنا يحفظك ويحميكي
بتغيبي علينا وترجعي بالشغل الجامد بالف صحة وعافية
الغالية عبير المسك:
غالي والطلب رخيص