في انتظارك اخت ننوش وياريت متغبيش علينا

مرسي يابنات جدا" على ذوقكم والله مش عارفة فعلا" أشكركم أزي أو أعبرلكم بأيه مرسي خالص
وبالنسبة لغيابي والله مش مقصود لأن برجوع الأستاذة الراجية لاأستاذة بوجودها فكنت هنضم لكم وأستفيد من الدورة كتلميذة للأستاذة الكبيرة الراجية
لكن والله اليوم أبني الصغير مريض فمدخلتش المنتدى الا الأن
وفوجئت بالحب الكبير ده ربنا يخليكم وفوجئت بالراجية بتطلب مني التكملة وطبعا" طلب الراجية أوامر فسأعرض الأن الدرس الأول
بس لي طلب عندكم علشان الأستفادة تكون صح لازم تطبقوا الدروس أول بأول لأن شلكم بالأيد هيفيدكم أكتر من المتابعة بدون تطبيق
أوك أتفقنا .............. يالا نبتديييييييييييييييييييييييي

الدرس الأول

التعرف على المفرش والغرز المختلفة للاسيه
وده النموذج اللي هنشتغل عليه



من النموذج والأرقام اللي عليه يتضح أن

رقم ( 1) غرزة مربعات الشطرنج
رقم ( 2) غرزة النسيج
رقم ( 3) غرزة رجل الغراب
رقم ( 4) غرزة قشر السمك
رقم (5 ) الخطوط بالفوستونات اللي هتربط شريط القيطان ببعض لتكون
هيكل المفرش
رقم ( 6) غرزة عش النحل

خطوات الشغل

أولا" ) نبطن المفرش بقماش الفازلين اللي بنستخدمه في تبطين الياقات في
الحياكة بالكوي
أوبسراجته بورق مقوى( الجلدة الخارجية للكشاكيل )
أو بسراجته بعدد من ورق الجرايد
كما بالشكل

الصوره دي من الوجه



ودي من الظهر


ثانيا" سراجة شريط اللاسيه ( شريط القيطان )


متحدد في النموذج نقطتين ممكن نبتدي السراجة من واحدة والتانية
طبعا" مع لف الشغل ونهايته هننتهي عندها
ولاداعى للقلق من كتر التوصيلات بالمفرش لان كل عمليات التوصيل والتقفيل والخيوط الزايده هتكون فى النهايه بعد فك السراجه هي ضهر المفرش مختفية
نبدأ فى سراجه اللاسيه ( القيطان ) فوق الرسمه باستخدام أبره رفيعه وخيط سراجه او خياطه بلون مختلف ا عن لون اللاسيه ( القيطان ) علشان يكون مميز بوضوح عند فك المفرش
كما هو موضح فى الصور


نقطة بداية السراجة لشريط اللاسيه



السراجة بلون مختلف علشان يكون واضح عند الفك




ونستمر في التشبيك بنفس طريقة الصورة التانية

سراجة الزواية
لازم نسرج الزواية بغرزة أضيق من الأجزاء المستقيمة أو الواسعة علشان أحكام التثبيت وكمان لازم تاخد الزواية شكل دائري وده هيديلها شكل جميل

كما بالصور











[
استنوني لسه باقي الدرس .......... رجعالكم

سنتابع مع التطبيق باذن الله يا أستاذة

تسلمى يا ننوش على الدرس الرائع
ولى عوده مع التطبيق باذن الله



وبفكر البنات مره اخرى فى الصفحه السابقه يوجد صوره للادوات المطلوبه فى الدوره

تسلمى يا ننوش على الدرس الرائع

والف حمد لله على سلامة الصغير

وتشوفيه عريس يا رب


الراجية نورتى

والحمد والشكر لله على شفاء ابن اختك وعقبال زوج اختك