مرحبا ياحلوات وحشتوني حيل انقطعت عنكم اسبوعين كنت مسافرة تايلند وانبسطت عدل عدل عقبالكم ..
ندخل بالموضوع بنات في شهر سته جاتني الدورة بعد ماسقطت بأربع شهور وخلصت الاربعين قلت يالله خل نصير زي الناس اللي يحملون على الاربعين وانا الحمد لله دورتي منتظمة وحملي الاول بعد خمس شهور من زواجي وبدون علاج .. قمت سويت استنفار اول يوم جاتني الدورة على طول السوبرماركت وفضيت ثلاجة الربيع من عصير الاناناس وبعد أروح وادي النحل وخلطة تنشيط المبايض اخذتها من خامس يوم الدورة لين سابع الدورة مع الحليب وعين الجمل وكملت بعدها على العسل لوحده ملعقتين على الريق وقبل النوم وغير الميرامية اللي شربتها من اول يوم دورة لين التنبويض وماشاء الله حسيت بالتبويض عدل غير افرازات التبويض اللي كانت قوية ومع هذا كله كنت مداومه على الاستغفار بنية الحمل بالتوأم لأني قلت سبحان الله تبويضي سليم ويمكن تضبط معاي توأم ..
المهم انا دورتي كل خمس وعشرين يوم وايام ثمانية وعشرين يوم عدت الخمس وعشرين يوم وانا اشطب على التقويم وعدت الثمانية وعشرين وسويت تحليل ومافي حمل قلت يمكن ماراح يبان الا بعد شهر خلصت شهر ومافي فايدة المهم كانت معاي افرازات شفافة قلت خلاص هذي افرازات الحمل ومره حسيت بلوعة فجأة زي الافلام المصرية قلت يوه خلاص المدام حامل.. المهم قررنا نسافر تايلند وانا مالي نفس اروح لاني متاكدة اني حامل مع ان اختي تشتغل في مختبر الولادة والاطفال وسوت لي تحليل وماطلع حمل وانا مصدقه نفسي ومكذبه التحليل ..قلت لزوجي خلاص احجز واللي الله كاتبه بيصير وسافرنا وانا انتظر الدورة ومافي شي حتى لما كنت افطر الصباح كنت اشوف الاناناس واتحسر عليه لاني خايفه اني اطلع حامل ويصير شي لاسمح الله
المهم اشتريت تحليل من صيدليتهم وسويت مافي حمل .. وفي راسي ألف فكرة وفكرة كيف وليش مع هالمشي وماتنزل لين شلت موضوعها من بالي وانا اقول اكيد حامل لان اول مره تصير لي في حياتي تتاخر المهم بعد اسبوع من سفرتنا نزلت الهانم وشرفت والتاخير ليش مدري المهم ..
الزبدة يابنات ان احيانا بعض الخلطات مع بعض يمكن يسوي لخبطة هرمونات زي مااتوقع صار معاي إضافة إلى القلق في سالفة متى يصير الحمل ..ولوجريت جري الوحوش غير رزقك ماتحوش ..
تقبلوا تحياتي :)
عمةالبدر @aamalbdr
محررة
يلزم عليك تسجيل الدخول أولًا لكتابة تعليق.
الغرام الحزين
•
الله يرزقك بالذريه الصالحه يااااااااااارب ,,
جونسره
•
الله يكتبلك اللي فيه الخير ويرزقك باللي تتمنيهالله يكتبلك اللي فيه الخير ويرزقك باللي تتمنيه
الصفحة الأخيرة