السلام عليم ورحمة الله و بركاته

عزيزتي أتوووني ..

أهلا و سهلا بك .. بالنسبة لسؤالك .. الجزء المتعلق بالشفاء .. له صلة بالعلاج بالطاقة ..

للعلاج بالطاقة اسم آخر وهو الريكي .. اتمنى اني أفدتك ..

أشكرك على المرور :)

_ _ _

عزيزتي قلوب .. شكرا لك :)

_ _ _

عزيزتي وليدة اللحظة .. وجزاك الله خيرا على مرورك الكريم .. شكرا لك :)

_ _ _

أخي الفاضل .. وقفوا شوي .. فعلا هذه الدورات و الندوات جدا رائعة .. و يستفاد منها كثيرا .. شكرا لك :)

السلام عليكم
اختى مراءة نفسي موضوعكي رايع وشكرا لكي على هده المعلومات المفيدة
اختي الغالية هل تقدرين ان تحلي لي مشكلتي وهي لدي خمول وكسل واريد ان ادرس لاني محتاجة ضروري لهده الشهادة ولكنني يايسة وليس لدى حماس للدراسة
وايضا اعاني من الخجل في التعامل مع الاصدقاء خجل شديييييييييييد

:42: :02: :o

السلام عليكم و رحمة الله و بركاته

أختي العزيزة الطيبات ..

اسعدني مرورك .. ويسعدني أني أساعدك باللي أقدر عليه :)

بالنسبة لمشكلتك الاولى .. وهي مشكلتك الدراسية ..

شوفي عزيزتي .. في أوقات يحس فيها الانسان بالملل و الكسل و الخمول ، ويفقد حماسه سواء للعمل أو الدراسة .. وممكن مر في هالوقت بصعوبات خلته يحس بالفتور .. أو انه طريقته في الدراسة أو الشغلة اللي يمارسها فيها نوع من الملل .. فهو بحاجة لاساليب جديدة .. وطرق تساعده بأن يطور نفسه و بالتالي ما يحس بالملل و يفقد حماسه ..

وقبل ما أبدأ في نقطة مهمة و هي التوكل على الله تعالى .. توكلي على الله و الله راح يساعدك ..

والحين راح أعطيك خطوات تساعدك بأن ترجعين روح الحماس ..

الخطوة الاولى .. سألي نفسك هالسؤال شنو هدفي من هالدراسة ؟ لان هذا السؤال جدا مهم .. وإذا ما كان عندك هدف .. ارسمي لك هدف معين تحبين توصلين له ..
وأنا أفضل إنك ترسمين لك أهداف قصيرة المدى و بعيدة المدى ..

الأهداف قصيرة المدى اللي تتحقق في اسبوع أو اسبوعين أو نهاية الكورس يعني مثلا انك تبين تاخذين امتياز في مواد ..

أما الاهداف طويلة المدى .. اللي بعد التخرج .. مثلا تبين تصيرين دكتورة او مهندسة .. أو مثلا تبين تكملين دراستك ..

وحاولي انك تسعين في تحقيق هذي الاهداف ..


الخطوة الثانية .. هي التأمل في هالهدف .. يعني كل يوم في الوقت اللي ترتاحين فيه اوقبل النوم .. أنا أفضل قبل النوم تمارسين هالتأمل ..

غمضي عينك و تصوري نفسك تحققين الهدف اللي ودك تحققينه .. تخيلي نفسك تعيشين هالوضع ..

رددي عبارات إيجابية .. مثلا آنا قادرة أحقق هدفي .. آنا عندي مواهب أستغلها في تحقيق هدفي .. أنا شاطرة .. أنا مبدعة وغيرها من العبارات الايجابية .. واشطبي على العبارات السلبية ..

وصدقيني هذا التأمل كثير بأن يعيد لك حماسك ، و راح يصير عندك الاصرار القوي في تحقيق أهدافك ..

الخطوة الثالثة .. لازم تثقين في قدراتك الشخصية و الذاتية .. وهذا عامل مهم و متطلب أساسي للنجاح ..

فكري في قدراتك الذاتية و الوسائل و الاساليب.. و اللي ممكن تساعدك في تحقيق نجاحك الدراسي و أهدافك ..

الخطوة الرابعة .. كافئي نفسك ليمن توصلين لهدف .. مثلا إذا كان هدفك انك تاخذين امتياز في المادة الفلانية .. وإذا حققتي هدفك .. كافئي نفسك بشيء تحبه .. مثلا هدية معينة ودك تحصلين عليه .. او أي شي تحبه نفسك ..

وهذا جدا مهم لان المكافآت هي اللي تساعدك بأنك تصرين على تحقيق أهدافك ..

الخطوة الرابعة .. قعدي مع ناس تحب الدراسة .. وعندها طموحات .. وأهداف تسعى ان تحققها .. و هذا راح يساعدك .. و يشعل عندك الحماس ..

الخطوة الخامسة.. طوري نفسك و نميها بمهارات و أساليب الدراسة المتنوعة .. اطلعي على القسم العلمي .. أكيد راح تلقين مهارات و أساليب للدراسة ..

الخطوة السادسة .. حطي خطة للدراسة .. تمشين عليها .. و من خلالها توصلين لهدفك ..

اتمنى تفيدك هذي الخطوات .. و صدقيني اختي العزيزة انك راح تحسين في لذة النجاح ليمن توصلين لهدفك ... و بعد ما تشوفين الشهادة في إيدك راح تحسين ان هالشهادة تستاهل التعب اللي تعبتيه .. وإنتي قدها و قدود ..

ومبروك مقدماًَ:)

بالنسبة لمشكلك الثانية .. اللي لازم أعرفه عشان أساعدك .. نسبة الخجل اللي عندك ..

ممكن تصفين مشكلتك أكثر .. و شنو اللي تحسين فيه ليمن تحسين بالخجل في موقف معين .. ممكن تصفين لي هالخجل أكثر ؟

وحياك الله عزيزتي :)

_ _ _

عزيزتي rim alcham

أشكرك على المرور :26:

والله يفرج عنك همك و كربك بالقريب العاجل .. آآمين

حبيبتي مراءة نفسي جزاكي الله الف خير على ردوكي والله يكتب لك حسنات واجر في ميزان حسناتك
عزيزتي عندما اتكلم مع صديقاتي او مع اي شخص اشعر بانني لا اجيد التعبير بالكلمات مع الشخص ومرات كثيرة صديقاتي لا يفهمن مادا اقصد عندما اتكلم معهم بخصوص موضوع
وايضا اشعر باني ليس لدى ما اقوله لهم فاغلب الاحيان عندما التقى معاهم اكون ساكتة لانني اشعر ليس لدي ما اتكلم به معهم
واحيانا اشعر بعدم التركيز عندما يتكلمون معي واشعر بالنسيان لكل ما تكلمو فيه