ام قسمت حبيبتي باين عليا مش نافعه معايا موضوع الحفظ ده ربنا يسهل واقدر ,كنت عايزه اسألك لما ننقص ناحية اليسار يفرق في الشكل عن التنقيص على اليمين اصلي اول مره اعرف انه فيه تنقيص من جهه الابره اليساروايه الفايده من ذلك ولك جزيل الشكر.

اهلا بيكي ياواحه الخير والغرزه جميله تسلم ايديكي

حبيبتي ام اباء
التنقيص جهه اليسار يفرق عن التنقيص جهه اليمين في شكل الغرزه وماتشغليش بالك انتي لما تترجمي معايا الباترونات حاتحفظي

ربنا يطمنك يا رب انا بصراحة كنت مكسوفة جدا من اني مش عارفه احفظ لاننا ودعنا الكلام ده من ايام الجامعة ولكن قلت احفظ الاختصارات على الاقل وربنا يسهل ريحتيني ربنا يريح بالك يارب ,انا مريت على الحاجات الجميله اللي انت عاملاها في صنع ايديا ولقيتك عامله حاجات فوستون من تحت ياترى ده تريكو ولا كروشيه اصلها جميله قوي تسلم ايديك .

الحاجات اللي فيها فستون من تحت بتبقي سطر خروم
بصي انتي بتبدئي وتعملي كذا سطر جرسيه وبعدين تيجي في سطر علي وجه الشغل وتعمليه كده
1عدل - 2 عدل معا - لفه - 2 عدل معا - لفه وهكذا لغايه اخر واحده تاخديها عدي وتاخدي نفس وتشنغلي بعد كده عادي وبعد ماتخلصي تثني علي السطر ده من منتصفه بالعرض يديكي الشكل ده