معلش حبيبتي ام قسمت آخر سطر مش فاهماه دلوقت انا اشتغلت شويه جيرسيه وبعدين بدات اشتغل واحدة ع,و2ع معا,ولفة ,و2ع معا,ولفه,وافضل اكرر 2ع معا ولفه لاخر السطر اعمل الغرزه الاخيرة عدل ,وبعدين السطر التاني اعمله ازاي بقه انت قلتي عادي ازاي يعني كله مقلوب ولا زي الاولوبعدين اخلص تقصدي اوصل للعرض اللي انا عايزاه ولا ايه ,وبعدين اثني ازاي معلش مش فاهمه بعد اذنك فهميني ,معلش اصبري عليا شويه انا عارفه اني تلميذة متعبه .

السطر التالي اعمليه مقلوب وبعدين مش جرسيه قد السطور اللي قبل سطر الخروم ولما تخلصي البلوزه اثني الذيل بحيث السطر الخروم يبقي علي حرف الثنيه ونصفه مع الامام ونصفه مع الخلف جربي في عينه صغيره

حبيبتي ام قسمت انا عملت زي م قلتي وبدات جيرسيه تقريبا 6سطور وبدات اعمل الغرزه ومشيت فيها حوالي 6سطور كمان بس اتني الجيرسيه ازاي زي حرف الخياطه العاديه بس انا لما شفت شغلك تاني صنع ايديا ما كانش باين التانيه وبعدين انت عامله ما شاء الله فستون كبير زي الموجه مش صغير نفسي اعرف فكرته لو سمحتي ,معلش هاتعبك بس انا كل ما تقوليلي حاجه وانفذها وتطلع حلوه افرح واحب اعمل غيرها وطبعا مش بانسى ادعيلك كل مره ربنا يبارك فيك.

يعني ايه عملتي الغرزه ومشيتي فيها 6 سطور الخروم دي سطر واحد بس ولا يمكن انا مش فاهمه وقوليلي علي البلوزه اللي عاجباكي وانا اقول لك علي غرزتها لان احيانا الغرزه نفسها بتعمل شكل الفستونات وانا متهيالي بتتكلمي علي البلوزه الموف مش كده ياقمر القمرات

اقولك ياحبي انا عملت الغرزة وبقيت اعمل سطر مقلوب بعدها واكررها مش عارفه ده صح ولا لا ,وفعلا هي البلوزه الموف جميلة جدا .