فيه طريقه تانيه للتنقيص لليسار وهي ssk
s=slepاسلتي
s=slepاسلتي
k=knit اشتغلي غرزه عدل
كده يكون المعني اسلتي غرزه ثم اسلتي كملن غرزه ثم اشتغلي الاثنين عدل
ولعمل التنقيص ده اغرسي سن الابره اليمين في اول غرزه علي الابره اليسري كمل لو كنتي حاتشتغليها عدل


انقلي الغرزه من الابره اليسري للابره اليمني من غير ماتشتغليها وبعدين كرري مع الغرزه التاليه لها علي الابره اليسري

كده نقلتي غرزتين من الابره اليسري للابره اليمني من غير شغل
بعد كده دخلي الابره اليسري في الغرزتين اللي سلتيهم كده

اشتغلي الغرزتين معا عدل



وده الفيديو للطريقه دي ياحلوين
http://www.knittinghelp.com/apps/fla...ayer/play/58/1
اتمرنوا بقي علي التنقيص ده مع اللفه لغايه مااجيب غرز سهله كده للتطبيق

لو ممكن تاخدوا بالكوا من الاسماء والرموز اللي بالانجليزي وتفهموها كويس علشان لما نتدرب بعد كده علي قراءه الباترونات باذن الله
ثالث غرزه هي التنقيص المزدوج او الثلاثي

التنقيص المزدوج بيتعمل لقفل غرزتين معا زي في غرزه ورقه الشجر في اخر سطر بيكون عندنا لفتين وعايزين نقفل قدامهم غرزتين
له 3 انواع
1- بناخد التلات غرز في غرزه واحده Double Right-slanting Decrease (التنقيص المزدوج لليمين )وده بتعمليه بانك بتشتغلي 3غرز مع بعض
وتوضيحها بالصور
بتغرزي سن الابره اليمني في ال3غرز مثل اتجاه السهم واشتغليهم معا
كده عملنا غرزه واحده بدلا من3غرز يعني نقصنا غرزتين

2-بنسلت غرزه من غير شغل ونشتغل غرزتين معا ثم نقلب الغرزه المسلوته علي الغرزه الناتجه (التنقيص المزدوج لليسار) Double Left-slanting Decrease
وده شرحها باننا بنسلت غرزه من غير شغل



ثم نشتغل غرزتين عدل معا

ثم نغرز الابره اليسري تحت الغرزه اللي سلتناها

ثم مرري الغرزه المسلوته فوق الغرزه الناتجه

وكده عملنا من 3غرز غرزه واحده

3- بنسلت غرزتين من غير شغل ونشتغل الغرزه التالته وبعدين نقلب الغرزتين المسلوتتين عليها واحده ورا الثانيهDouble Vertical Decrease(التنقيص المزدوج الراسي)
وشرحه بالصور
اسلتي غرزتين من غير شغل عدل زي الصوره وي اتجاه السهم






اشتغلي الغرزه الثالثه عدل



اغرزي سن الابره اليسري في الغرزتين اللي سلتيهم
وعديهم من فق الغرزه اللي اشتغلتيها عدل

وكده عملتي غرزه واحده من 3غرز

معلش يابنات الدرس يبان كبير بس هو سهل وكمان متصل ببعضه يعني لازم اشرحه علي بعضه
وزي مااتفقنا لزم عدد اللفات =عدد التنقيصات في السطر علشان الغرز مش تقل او تزيد
يعني لو 2عدل معا = لفه
والتنقيص لليسار=لفه
والتنقيص المزدوج=لفتين
وفي العاده بيكون ال2عدل معا قبل الفه
والتنقيص لليسار بعد اللفه
والتنقيص المزدوج بين اللفتين
هه ايه رايكوا
ياللا اعملوا تطبيق
مره لفه مع ال2عدل معا في سطر
وسطر تنقيص لليسار مع لفه
وسطر فيه تنقيص مزدوج مع لفتين
عدوا الغرز وشوفوا التاثير

بصوا يابنات عارفين الغرزه اللي بتكون في حاجه البيبي من تحت وبتعمل زي الفستون كده
دي بتتعمل بالطريقه دي


معلش علشان مصوراها من مجله من مجلاتي
في الصوره الاولي لليسار بيورينا ازاي بنعمل الغرزه
بعد كذا سطر جرسيه يعني حسب طول الثنيه اللي انتيعايزاها ونفرض 4سطور
بتعملي سطر الخروم او الاجور وده بيتعمل بالطريقه دي
غرزه عدل- (2عدل معا- لفه )-وكرري مابين القوسين منتهيه بغرزه عدل
اعملي بعده عدد من سطور الجرسيه حاتلاحظي ان السطر ده عمل سطر ثقوب او خروم افقي
زي اللي في الصوره الوسطي
اثني بقي علي السطر ده زي ماهو موضح في الصوره الثالثه حاتلاقي الحافه شكل الفستون او البيكو في الكروشيه
ده تطبيق للفه مع 2عدل معا
تطبيق بسيط يعني
جربوه كده علي عينه صغيره