كوبونات الراقية تسجيل الدخول

ام قسمت
ام قسمت •
خياطه قطع التريكو او Seaming

لخياطه قطع التريكو طرق عديده وانا باخيطها بابره الكروشيه وغرزه منزلقه وبتكون زي خياطه المكنه لكن هتاك طرق اخري ممكن نعرفها وتعملي بيها وده يتوقف علي رغبتك الخاصه
وكل طريقه مختلفه عن الاخري وممكن تحتاج ادوات مختلفه
ومن الافضل استخدام الخيط اللي اشتغلتي بيه القطعه في خياطتها


اكوي الشغل قبل الخياطه لجعل الحواف مستقيمه وتكون خياطتها اسهل
ودبسي القطه في بعضها او سرجيهاقبل الخياطه النهائيه وجربيها في اللبس علشان تشوفي لو مظبوطه عليكي ولا لا


لو فيه اي تفاصيل في القطعه زي الجيوب او التطريز اعمليها قبل الخياطه النهائيه لانك طبعا بيكون اسهل عليكي انك تطرزي علي قطعه واحده من انك تمسكي البلوزه كلها


وخطوات خياطه اي بلوزه عموما بتكون بانك بتخيطي الاكتاف اولا (لو حاتلقطي الرقبه بابره دائريه انما لو حاتلقطي بابره مستقيمه خيطي كتف واحد) وبعدين وصلي الاكمام وبعدين خيطي الجنبين والاكمام
وراعي انك ماتشديش الخيط وانتي بتخيطي علشان الحرف ما يكونش مكلكع


وماتستعمليش خيط طويل قوي في الخياطه لان ممكن الخيط الطويل يتعقد او ينقطع


الخياطه تكون في خط مستقيم وطبعا السراجه او الدبابيس حاتحافظ علي الاستقامه دي
لو بتخيطي قطعتين وكانت واحده اطول من التانيه قليلا يعني بسطر او سطرين ممكن تخبي العيب ده بانك بتلقطي كل سطرين او كل غرزتين يعني بتفوتي غرزه او سطر في القطعه الاطول بس بشرط ان الفرق بين القطعتين لايزيد عن واحد ونص سم ولو الفرق اكبر بيكون لازم تفكي قطعه من الاثنتين وتعدلي مقاساتها


ازاي نبدا


لو كنتي تركتي قطعه طويله من الخيط في البدايه ممكن تستعمليها في البدء بالخياطه وعلشان تبدئي بدايه صحيحه بدون فجوات لازم تستعملي الطريقه دي
الضمي الخيط في ابره خياطه مع مراعاه ان يكون الوجه الامامي للقطعتين في مواجهتك ثم ادخلي ابره الخياطه من الضهر الي الامام في القطعه المواجهه للقطعه اللي فيها الخيط في الغرزه اللي في الركن واعملي رقم 8 بالانجليزي بالخيط يانك بتغرزي الابره من الخلف الي الامام في القطعه المقابله وشدي علشان مايكونش فيه اي فجوه بين القطعتين ودي غرزه البدايه



توصيل راسي للقطع المشغوله بغرزه الجرسيه(يحيث تكون الخياطه مخفيه)
تعمل علي الوجه الامامي للشغل وبتوصلي القطعتين سطر سطر والطريقه دي بتخفي الحافه اللي انتي عاملاها بغرزه الحرف وبتظهر الشغل زي مايكون متصل
والطريقه بانك بتغرزي ابره الخياطه تحت الخيط الافقي بين اول غرزه في السطر وثاني غرزه وبعدين اغرزي الابره تحت الخيط المقابل من القطعه الاخري واستمري في الشغل هكذا من ناحيه لناحيه



وبتظهر القطعه كده



التوصيل في القطع الافقيه- الطريقه دي بتستخدم في توصيل قطعتين افقيتين ببعضهم زي الاكتاف مثلاوبنشتغلها غرزه غرزه وطبعا بيكون عندك نفس عدد الغرز في كل قطعه
ولما تعملي اول غرزه شدي الخيط لاخفاء الحرف والخياطه حاتظهر زي ماتكون سطر عدل
وطريقه الخياطه حاتكون بانك جاتغرزي الابره تحت غرزه من قطعه ثم تغرزبها تحت الغرزه المقابله في القطعه الاخري


والقطعه حاتكون بالشكل ده

توصيل قطعه افقيه بقطعه راسيه مثل توصيل اعلي الكم بحرده الباط
اغرزي الابره تحت غرزه من حرده الكم ثم اغرزيها تحت خيط بين الغرزتين الاولي والثانيه من حرده الباط
ولو حرده الباط اطول شويه من حرده الكم اغرزي الابره تحت خيطين بدلا من خيط واحد وخدي بالك ان راس حرده الكم تكوم عند خط الكتف

وحاتظهر بالشكل ده



التوصيل بغرزه منزلقه وابره الكروشيه دي الطريقه اللي باوصل بيها وهي بتبان زي الخياطه بالمكنه بس بتكون متينه جدا
+3
ام قسمت
ام قسمت •
الغرزه الخلفيه او غرزه المكنه
ا
لطريقه دي برضه متينه وبتتعمل علي الوجه الخلفي للشغل يعني بتحطي الوجهين الاماميين متواجهين للداخل وبتخيطي بغرزه


المكنه علي بعد نص سم تقريبا من الحرف
بتبدئي بغرز الابره عند الحرف وتامين البدايه بانك بتشتغلي مرتين من الامام للخلف وبعدين تخرجي الابره علي بعد نص سم تقريبا للامام من اخر غرزه



ارجعي بالابره واغرسيها في الغرزه السابقه وبعدين طلعيها علي بعد نص سم تقريبا للامام وهكذاخيطي في خط مستقيم



وبتبان الخياطه كده

3 times, 6 times,



3 times; rep from * to end.
السطر1- علي وجه الشغل- *(2عدل معا)3مرات(1عدل- لفه)6مرات (2عدل معا)3مرات*كرري مابين العلامتين الي نهايه السطر
Rows 2 and 3 Knit.
السطر 2و3عدل كله

Row 4 Purl.
السطر4 – مقلوب


Rep rows 1-4.
كده الدروس خلصت
وكل سنه وانوا طيبين يااغلي واحلي بنات
بس املي اننا نفضل مع بعض ونكمل بالتطبيقات اللي حاتنزلها ام عائش الغاليه
واظن كويني برضه كان عندها باترونات
ام قسمت
ام قسمت •
samaa_egypt samaa_egypt :
لا يمكنك مشاهدة هذا التعليق لانتهاكه شروط الاستخدام.
حبيبتي اهلا بيكي ونورتي الدوره والله
بصي الرسم ده للتوضيح وبالنسبه للقط الغرز ده بيعتمد علي شكل الباترون وعدد الغرز اللي انتي عايزاها
وانا عملت بلوزه شكل دي وكان لقط الغرز بيعتمد علي العدد المطلوب علشان الصدر والظهر والاكمام
يعني مش مشكله غرزه حافه بقدر ماهي مشكله عدد غرز وشكل مرتب فهمتيني
queen latifa
queen latifa •
ابله ام قسمت الا زعلك معليش كنت مسافره وجيت لقيت كميه من الدروس . سبحان الله يا ابله انا كنت بصلح الغرز اللى بتسقط منى بابره الكروشيه علشان ما افك الشغل ومكنتش عارفه انها دى الطريقه الصحيحه. غرزه المراوح والريش بصراحه ما اتذكرتها . طبعا يا ابله نفسنا تكونى معانا وماتسيبناش خالص.
أم عائش
أم عائش •
queen latifa queen latifa :
ابله ام قسمت الا زعلك معليش كنت مسافره وجيت لقيت كميه من الدروس . سبحان الله يا ابله انا كنت بصلح الغرز اللى بتسقط منى بابره الكروشيه علشان ما افك الشغل ومكنتش عارفه انها دى الطريقه الصحيحه. غرزه المراوح والريش بصراحه ما اتذكرتها . طبعا يا ابله نفسنا تكونى معانا وماتسيبناش خالص.
ابله ام قسمت الا زعلك معليش كنت مسافره وجيت لقيت كميه من الدروس . سبحان الله يا ابله انا كنت بصلح...
أولا كل سنة و كلكم طيبييييييييييييين و كويسيييييييين و حلويين و مزقططين :42:
أنا مش مصدقة إن رمضان خلاص بعد أسبوعين بس ... و تصدقي بالله يا أم قسمت .. أنا كنت متأكدة إنك هتعملي كده و تنزلي الدروس كلها ورا بعض عشان تلحقي قبل رمضان ... فاهماكي أنا يا جميل ;)

تلاقيكي عايزة تخلصي قسم التريكو .. عشان تروحي قسم الطبخ و تجهزي سفرتك النهاردة و ترتاحي بكرة :pinklove: .. ماشي ماشي :tongue3: ... بس مش هنسيبك أبدااااااااااااا مهما يكوووووووووون :icon30:

بصي بقى ... أنا قريت الدروس كلها .. و فهمتها نوعا ما .. بس طبعا التطبيق هيفرق ... فلا تقلقين يا عزيزتي سوف نطبق معا (حاسة إني في مسلسل مكسيكي مدبلج :upsidedow )

بس درس لقط الغرز ده ما فهمتوووووووووش خالص :blink:.. مش الخطوات .. الدرس و العنوان نفسه .. يعني ايه ؟ ايه أهميته ؟؟ مش فاهمة الغرض و لا القصد منه ايه ؟