كوبونات الراقية تسجيل الدخول

ام قسمت
ام قسمت •
ام قسمت ام قسمت :
تسلمي لي يارب يااحلي كوين ممكن طبعا اي حافه كروشيه تعجبك تعمليها انا ماجربتش بصراحه بسبب ضيق الوقت بس اجيب لك شويه حواف حلوه وجربي كده وعلشان الموضوع مايطلعش من سياقه وماناخدش لفت نظر من المشرفات حااكتفي بالشويه دول بس انتي اعملي بحث في جوجل واكتبي حواف كروشيه وانتي تلاقي تحف
تسلمي لي يارب يااحلي كوين ممكن طبعا اي حافه كروشيه تعجبك تعمليها انا ماجربتش بصراحه بسبب ضيق...
الدرس الجديد يابنات ياللا وروني الهمه
الشغل الدائري او الابر الدائريه

الابر الدائريه عباره عن ابرتين وبينهما سلك بلاستيك والابر تكون بمقاسات مختلفه حسب سمك الخيط تماما مثل الابر المستقيمه والسلك البلاستيك يكون باطوال مختلفه حسب عدد الغرز المراد الشغل بهوللتذكير بيكون شكلها كده




والابر الدائريه تستخدم في عمل الاشكال المقفوله يعني بدون خياطه مثل القبعات والشرابات وعمل الرقبه
وممكن الشغل عليها في خطوط مفتوحه زي الابر المستقيمه لو ماوصلناش الشغل ببعضه وبتكون عمليه اكتر من الابر المستقيمه في الشغل اللي عدد غرزه كبير


الخطوه 1-
في البدايه ابدئي او القطي غرز علشان يكون عندك سطر بدايه علي الابر
كما في الشغل علي ابر مستقيمه
نظمي الغرز علشان ماتكونش ملويه



الخطوه2
- حطي علامه بعد اخر غرزه

وفي الصوره بتكوني ماسكه الابره اللي عليها بدايه الغرز في ايدك اليسري
والابره اللي عليها اخر غرز بدأتيها في ايدك اليمين اللي معاها الحلقه
والحلقه دي حاتحدد معاكي بدايه السطر ونهايته وتاكدي من عدم التواء الغرز





الخطوه 3-


اشتغلي اول غرزه علي الابره اليسري(سواء عدل اومقلوب)

وشدي الخيط كويس علشان ماتنتجش ثقب




الخطوه 4
-استمري في الشغل هكذا وحاتلاقي انك محتاجه تدفعي الغرز كل شويه باتجاه الشغل علشان تتجنبي الشد
يعني في كل مرة نشتغل فيها غرزة حنبدأ في دفع الغرز الجديدة علي الابرة اليمني ومنها حندفع بالجزء البلاستيك في اتجاه قاعدة الابرة اليسري وعندها حنقوم تاني بسحب الجزء البلاستيك من عند قاعده الابرة اليمني ونكمل شغل لغاية ما تخلص اللفة الاولي وننقل العلامه للابره اليمني ونستمر في الشغل باللفه التاليه وهكذا



الخطوه5-

استمري في شغل السطر حتي تصلي الي العلامه وكده تعرفي انك خلصتي سطر او دوره
انقلي الحلقه الي الابره اليمني واستمري في الشغل حتي تصلي الي الطول المطلوب

وطبعا لازم تفتكري ان الشغل الدائري بيختلف عن الشغل علي الابر المستقيمه في ان وجه الشغل بيكون دائما مواجه لك يعني مش بنقلب الشغل ونشتغل علي ضهر الشغل لا الشغل بيكون علي طول علي وجه الشغل علشان كده
1-علشان نعمل غرزه الجرسيه بنشتغل علي طول عدل
2- وعلشان نعمل الغرزه المرنه بنعمل سطر عدل وسطر مقلوب يعني عكس الابر المستقيمه
وطبعا مش حاننسي الفيديو
http://www.knittinghelp.com/apps/fla...layer/play/5/1

+1
ام قسمت
ام قسمت •
ام قسمت ام قسمت :
الدرس الجديد يابنات ياللا وروني الهمه الشغل الدائري او الابر الدائريه الابر الدائريه عباره عن ابرتين وبينهما سلك بلاستيك والابر تكون بمقاسات مختلفه حسب سمك الخيط تماما مثل الابر المستقيمه والسلك البلاستيك يكون باطوال مختلفه حسب عدد الغرز المراد الشغل بهوللتذكير بيكون شكلها كده والابر الدائريه تستخدم في عمل الاشكال المقفوله يعني بدون خياطه مثل القبعات والشرابات وعمل الرقبه وممكن الشغل عليها في خطوط مفتوحه زي الابر المستقيمه لو ماوصلناش الشغل ببعضه وبتكون عمليه اكتر من الابر المستقيمه في الشغل اللي عدد غرزه كبير الخطوه 1- في البدايه ابدئي او القطي غرز علشان يكون عندك سطر بدايه علي الابر كما في الشغل علي ابر مستقيمه نظمي الغرز علشان ماتكونش ملويه الخطوه2 - حطي علامه بعد اخر غرزه وفي الصوره بتكوني ماسكه الابره اللي عليها بدايه الغرز في ايدك اليسري والابره اللي عليها اخر غرز بدأتيها في ايدك اليمين اللي معاها الحلقه والحلقه دي حاتحدد معاكي بدايه السطر ونهايته وتاكدي من عدم التواء الغرز الخطوه 3- اشتغلي اول غرزه علي الابره اليسري(سواء عدل اومقلوب) وشدي الخيط كويس علشان ماتنتجش ثقب الخطوه 4 -استمري في الشغل هكذا وحاتلاقي انك محتاجه تدفعي الغرز كل شويه باتجاه الشغل علشان تتجنبي الشد يعني في كل مرة نشتغل فيها غرزة حنبدأ في دفع الغرز الجديدة علي الابرة اليمني ومنها حندفع بالجزء البلاستيك في اتجاه قاعدة الابرة اليسري وعندها حنقوم تاني بسحب الجزء البلاستيك من عند قاعده الابرة اليمني ونكمل شغل لغاية ما تخلص اللفة الاولي وننقل العلامه للابره اليمني ونستمر في الشغل باللفه التاليه وهكذا الخطوه5- استمري في شغل السطر حتي تصلي الي العلامه وكده تعرفي انك خلصتي سطر او دوره انقلي الحلقه الي الابره اليمني واستمري في الشغل حتي تصلي الي الطول المطلوب وطبعا لازم تفتكري ان الشغل الدائري بيختلف عن الشغل علي الابر المستقيمه في ان وجه الشغل بيكون دائما مواجه لك يعني مش بنقلب الشغل ونشتغل علي ضهر الشغل لا الشغل بيكون علي طول علي وجه الشغل علشان كده 1-علشان نعمل غرزه الجرسيه بنشتغل علي طول عدل 2- وعلشان نعمل الغرزه المرنه بنعمل سطر عدل وسطر مقلوب يعني عكس الابر المستقيمه وطبعا مش حاننسي الفيديو
الدرس الجديد يابنات ياللا وروني الهمه الشغل الدائري او الابر الدائريه الابر الدائريه عباره عن...
الابر مدببه الطرفين (طريقه تانيه للشغل الدائري)


تستخدم هذه الابر لشغل القطع الصغيره جدا التي تحتاج الي شغلها بدون خياطه اومقفوله مثل الشرابات والجوانتيات والقبعات مثلا لما نشتغل قبعه علي ابر دائريه ولما نقفل الغرز عند قمه القبعه بيكون عدد الغرز قليل بحيث اننا بنبذل مجهود للوصول الي الغرز حول الابرتين وفي الحاله دي بنحتاج لنقل الشغل من الابر دي للابر مدببه الطرفين
وطبعا الشغل علي الابرمدببه الطرفين له نفس قوانين الشغل علي الابر الدائريه من حيث ان وجه الشغل بيكون دايما مواجه لك
وراجعي قوانين الابرالدائريه
والابرمدببه الطرفين بتكون عموما مجموعه مكونه من 5 ابر بس في الطريقه الامريكيه بيكون الشغل ب4
ابرفقط وبيتم توزيع الغرز علي 3 ابر ويتم الشغل بالابره الرابعه وفي بعض الاحيان بتشتغلي بالابرال5 مع بعض وده لما يكون عدد الغرز كتير علي ال3 ابر او بيقبل القسمه علي4 لتسهيل التقسيم وفي الحالتين بيكون الشغل صح
وده شكل الابر
البدايه
ابدئي كل الغرز علي ابره واحده علي ان تكون الغرز واسعه لتسهيل نقلها من ابره الي ابره

ثم انقلي ثلثي الغرز علي الابره التانيه يعني نفرض اننا بدانا 72 غرزه حايكون الثلث 24 والثلثين48





علشان نقفل الدائره حاتحتاجي انك تمسكي الابره اللي راسها ابيض اللي بداتي عليها امسكيها بايدك اليمين والابره اللي راسها اصفر امسكيها بايدك اليسري ونظمي الغرز بحيث اها ماتكونش ملويه حوالين الابر
امسكي الابره الرابعه اللي مش عليها غرز خالص ودخليها في اول غرزه علي الابره اليسري زي الصوره

لفي الخيط من الابره البيضاء علي الابره الخضراء واعملي غرزه وكده انتي قفلتي الشغل

واستمري في نقل الغرز من الابره الصفراء الي الابره الخضراء الي نهايه الغرز من الابره الصفراء وكده الابره دي حاتكون فاضيه

كده الابره الصفراء حاتكون فاضيه نبدا ناخد بيها الشغل من الابره البينك وهكذا نستمر نشتغل وكل ماتفضي ابره نشتغل بيها من الابره التاليه

+2
ام قسمت
ام قسمت •
مكسرات العتيبي مكسرات العتيبي :
انا احب التريكو كثير بس للاسف مااعرف غرز كثيره وماشاء الله الموضوع طوووووووويل وقهر كان ودي اتعلم غرز جديده واسوي اي قطعه على العموم موفقين
انا احب التريكو كثير بس للاسف مااعرف غرز كثيره وماشاء الله الموضوع طوووووووويل وقهر كان ودي اتعلم...
اهلا يكي ياقمر
فيه فهرس للدوره منزلاه اموله الغاليه
اعملي بحث وحاتجديه
ام قسمت
ام قسمت •
ام قسمت ام قسمت :
اهلا يكي ياقمر فيه فهرس للدوره منزلاه اموله الغاليه اعملي بحث وحاتجديه
اهلا يكي ياقمر فيه فهرس للدوره منزلاه اموله الغاليه اعملي بحث وحاتجديه
حبايبي بنات كتير بيسالوني علي الخاص اسئله متعلقه بالتريكو
وياريت يكون الاسئله في الموضوع ده علشان الفايده تعم الكل
وفيه سؤال بيتكرر عن مقاسات البلوزات التريكو لكل الاعمار
انا مااقدرش احدد المقاس لان الحجم في اي عمر بيختلف
يعني ممكن تكون طفله في اي سن وتكون رفيعه اوماشاء الله مليانه شويه
وانتي اللي بتحددي المقاس بانك بتجيبي اي بلوزه علي المقاس وتقيسي محيط اسفل البلوزه
نفرض طلع 100سم
بتجيبي الابر والخيط اللي بتشتغلي بيه وتعملي عينه من 10غرز وتشتغلي 10سطور بالغرزه اللي انتي عايزاها
بتقيسي العينه
نفرض طلعت 5سم
كده بيكون كل غرزتين عملوا 1سم صح؟؟؟
بتقسمي المحيط علي 2 علشان نعرف الصدر كام سم والضهر كام سم
يكون الصدر 50سم والضهر 50سم
وبما ان الغرزتين بيعملوا سم واحد
نكون محتاجين نبدا الصدر علي 100غرزه والضهر كمان
وخلاص هههههه فهمتوني
ممكن تزودي غرزه او غرزتين من الناحيتين علشان الخياطه بس مش مهم تزودي لان التريكو بيريح علي الجسم


وعايزه اقول كمان اني لقيت معظم الدورات للتريكو علي النت منقوله من دوراتي نقل مسطره بالغلطات الاملائيه
الموضوع ده ضايقني لان البنت اللي بتنقل مش بتذكر المصدر
مش بامانع انك تنقلي بس للامانه اذكري انتي ناقلاها منين
queen latifa
queen latifa •
شكرا يا ابله على المساعده تسلميلى ياقمر. واو كتير فى الباترونات بشوف االابره الدائريه بجد كان نفسى اعرف اشتغل بيها ادعيلى يا ابله انزل السوق الاقيها لانو السوق عندنا مختلف جدا عن الاسواق العربيه.