شغل الجاكار في التريكو
شغل الجاكار هو فن ادخال الالوان والرسم بها في قطعه التريكو
وانا لفيت كتير ومالاقيتش شرح حلو او صور توضح كلامي علشان كده حااشرح علي قد ربنا مايقدرني واحاول اوضح ولو احتاج الامر اصور خطوات بنفسي وانزلها
شغل الجاكار عموما بيكون بغرزه الجرسيه وبيكون زي غرزه الايتامين او الكروس ستيتش يعني الباترون عباره عن مربعات وكل مربع بيمثل غرزه وبننفذ الرسم في كلا السطرين الوجه الخلفي والوجه الامامي
وفي الباترون ده كل علامه بترمز للون مختلف يعني مثلا النقطه جوه المربع بترمز للون والx بترمز للون تاني وهكذا
ولشغل الجاكار عده طرق
لو مساحات كبيره ممكن تشتغلي بشله خيط لكل لون يعني في الباترون ده بتعملي باللون الاساسي في الاول 3 سطور وبعدين في السطر الرابع بتشتغلي 9 غرز باللون الاساسي وبعدين تدخلي اللون التاني عليه وتشتغلي بيه الغرزه وبعدين 10 غرز باللون الاساسي
في السطر الخامس بتشتغلي باللون الاساسي 9 غرز وبعدين تشتغلي باللون التاني 3 غرز وتكملي السطر باللون الاساسي
في السطر السادس بتشتغغلي 6 غرز باللون الاساسي وبعدين غرزتين باللون التاني وبعدين غرزه باللون الثالث (وهنا ممكن تعملي الغرز باللون التاني وبعد انتهاء الشغل تطرزي الغرزتين دول باللون التالت )وبعدين غرزه باللون التاني وبعدين غرزه باللون التالت وبعدين غرزتين باللون التاني وتكملي السطر باللون الاساسب
بس ازاي بقي نشتغل ونغير الالوان
لما تخلصي الغرز باللون الاساسي وتيجي تغيري للون جديد بتاخدي الخيط اللي باللون الجديد من تحت الخيط اللي بتشتغلي بيه وتشتغلي بالخيط الجديد كده عملتي عقده من الخلف بين الخيطين علشان ماينتجش عندك فجوه
ودي نماذج للجاكار علي مساحات كبيره
وده فيديو لطريقه شغل المساحات الواسعه
http://www.knittinghelp.com/apps/fla...layer/play/2/1
في المساحات الضيقه يعني رسمه صغيره ممكن تشيلي الخيطين معاكي وتشتغلي بيهم بالتتابع حسب تكوين الرسمه زي الطريقه اللي في الفيديو ده
http://www.knittinghelp.com/apps/fla...ayer/play/13/1
ام قسمت
•
شكل الدرس ذا حلو وممتع بحاول أجرب وأنزل التطبيقشكل الدرس ذا حلو وممتع بحاول أجرب وأنزل التطبيق
ماشي ياموله ياللا ياقمر جربي ومستنيه التطبيق
باقي البنات ----وينكووووووو:(
باقي البنات ----وينكووووووو:(
الصفحة الأخيرة
وخليكي لما تدخلي غمضي عينيكي واتجهي علي طول علي موضوعات التريكو هههههه
هو الكروشيه مغري انا معاكي
وشفت الورشه في منتدي تاني ورديت عليها والفستان حلو جدااااااا
تروحي وتيجي بالف سلامه وربنا يسعدك يارب وتتبسطي ولما تيجي طمنينا عليكي
اهلا ياعسل ووحشتيني قوي قوي
طيب دوري كده علي ابر دائريه
والمهم تكوني فهمتي اسلوب الشغل بيها
اهلا بيكي ياغاليه ونورتي الدوره والله
واشرحي لنا غرزه البدايه كده
هو فيه طرق كتير بس انا اكتفيت بالطرق اللي شرحتهم
وغرزه البدايه مش بتحدد شكل الغرز خالص
بس في بدايه بتدي شكل مرتب وحلو وبدايه بتكون مفككه ومش حلوه
زي البدايه البسيطه
الله يسلمك ياكويني ياغاليه ورفعك الله في الدارين