وهنا انتهينا من الاطباق الثلاث الرئيسيه تبين تستبدلي الدجاج باللحم او الربيان او السمك
والرز تستبدليها بالمكرونه
وهنا حلى خاص اذ بغيتي تسوينه عشان تختلفي عن غيرك راح انزله لك وغير عن بقيه الحلويات اهديه لك
بقلاوة الفول السوداني والقرفه
البقلاوة اللي يحبونها وااااايد ومطلوبه مني دايما هي
مقاديرها كالاتي :
كوب فول سوداني بدون قشر يحمص عالنار وسط ويطحن خشن ملعقة صغيرة قرفة مطحونه عجينة بقلاوة الكرامه المثلجة ممكن استخدام اي ماركه ثانيه بكيفكم طبعا
كوب زبدة (( اللي فيه كلسترول يسكر الصفحه كامله))
الشيرة
كوب سكر +كوب ماء (( اللي فيه سكر يسكر اللابتوب ))
تغلى عالنار ربع ساعه الى 20 دقيقه
الطريقة
نخلط الفول السوداني مع القرفه المحمصه ناخذ اربع اوراق نحطهم فوق بعض ونحشيهم الحشوه
ونلفها مثل الشاورما نصفها بصينيه نقطعها وبعدين نصب عليهم الزبده السايحه بعد عشر دقايق ندخلها الفرن
ونخليها تقريبا 40 دقيقه عشرين تحت وعشرين فوق لازم وقت طويل شوي عشان تتحمص زين وتاخذ اللون الذهبي
نطلع البقلاوه الساخنه من الفرن ونصب عليها الشيره البارده اهم شي الشيره بارده بدرجة حرارة الغرفه وماتكون ساخنه
وعندك في الليل او العصريه مع الشاي او الحليب تسوي مصابيب لذيذه مع العسل او الجبن او توكل بدون شئ
المصابيب
كاس دقيق فاخر ’ ملعقة صغيره خميره ’ فنيال سكر ’ كاس ماء دافي ’ رشة ملح ’ 3 ملاعق كبار حليب بودره زعفران وملعقة صغيره هيل ’ بيضه ’
تخلط كل هذه المقادير ونتركها تتخمر مدة ساعه اذا مستعجلين 40 دقيقه تكفي
الطريقة
مانسوي شي بس نصبها عالتاوه على هيئة دوائر في ناس تسويها بالزيت وناس بلا زيت ونا اسويها بالزيت
يعني احط ملعقة صغيره زيت بالتاوه واصب الخلطه بملعقة غزيره شوي المراد كنكم تسوون بان كيك وخلصنا
ويرش بالعسل الابيض او الاسود في ناس تحط دبس وانا افضل العسل الابيض
طريقه المرقوق لاتختلف عن الكبسه سوى العجين اللي تسوينه ثم تفردينه وتضعينه على المرقه لين ينضج
اول شئ تسويين العجينه ..
بس مويه وشوي ملح ودقيق بر او عادي وكوريها صغار مثل ثم افرديها ولو تحطيها بماء عادي افضل لو دافي تطول معك
اول شئ تسويين العجينه ..
بس مويه وشوي ملح ودقيق بر او عادي وكوريها صغار مثل ثم افرديها ولو تحطيها بماء عادي افضل لو دافي تطول معك
الصفحة الأخيرة
الطريقه
دجاج
بصل
ثوم
طماط
معجون طماط
رز ابيض كاسان
الطريقه
يحمس البصل مع الزيت والثوم والطماط لين يتحمر ثم يوضع الدجاج
والبهارات والمعجون ويحرك مع بعض حتى يصبح الدجاج ابيض ثم يصب ماء فوقه ولكن قليل وليس كافيا ليغطي الرز ويوضع الملح ملعقتين صغار
وصفريه اخرى يوضع فيها الرز وقليل زيت وملح ويكون الماء اعلى من الرز بشوي
الى ان ينضج ثم يوضع بالصفريه الاولى التي بها مرقه الدجاج القليله
ثم تترك 20 دقيقه وتقلب
وبالعافيه