كيف الحال ..
اسمعي يا الزينه انتي وياها..
انا وحدتـ(ن) مااحب القطاعه ..
وبتخبروني بعدين اني احب الجمعات ولا احب القطاعه ..فعشان كيذا تعرفون دورية الحريم كل اسبوع على وحده وحوسه..
حنا هينا خلونا نخليها كل يوم موب كل اسبوع..
خلونا نتخيل عيشو الخيال معي <<محد متأثر بالتلفزيون ابد..
ان هذا بيت الجده ..
طيب ويصير فيه الجمعه كل يوم تجي وحده وتسلم..
وتسرد وش صار معها ووش حالتها النفسيه ووش المواقف اللي صارت لها وحوسة القهوة والبيت لاتنسا بعد الحلا والفطاير ,,
وان بغيتو تلعبون حريم ونفقش على بعض انا ابد ماعندي مانع <<يازين لعبة الحريم والله اني احن لها الى اللحين وبعض الاحيان العبها مايعوقني شيئ اذا اشتهيت اللعب هع هع ..
الموهيم بليييييييز بليز عيشو الحياة ..
ولا عليكم من احد اللفو قصص بذا الموضوع ان بغيتو ..
ايه صح ملاحظه كبر الحيطه (الجدار بلوغتنا )
ياريت وياليت وحبذا مرتين موب مره ..
انكـ اذا جيتي تدخلين ومعاك عيالك الكبار تقولين (ياولد _(او)_انا احد_(او)_ شيئ من هذا القبيل )لتنبيه البنوتات اللي زينا تخبرون لازم ناخذ احتياطاتنا ونتغطا انا عن نفسي جلالي منب تاركته ابد <<دخلت جو من اللحين ..
(صلو على النبي 10 مرات )..
وبليز ودي كل من يدخل يحرص على انه يكتب عباره او كلمه تحث على ذكر الله او الصلاة على النبي..
او تسبيح او استغفار او دعاء ..
المهم ..
يمكن تلاحظون كلمة او جملة " استروا ماوجهتوا" معي كثير ..
فهذا الشيئ من الخرابيط اللي بقولها يعني شيئ يمكن ينقلب راسي واجي افرغ بالمنتدى حتسي مطري وش اقوله..
فمن اللحين اقولكم "استروا ماوجهتو"
المهم عقب هالحتسي اللي قلته كله اتمنى انكم فهمتوني وماتتنحون ساعه عشان تفككون الحتسي اللي اقوله ترا انا ماعلي من احد لهجتي مااغيرها عشان حركات البنات اللي يااي ..
يعني من اللحين اقولكم "استروا ماوجهتوا"<<فهمتم سبب التسميه لان ترا ماينشره علينا "نون الجمع هنا تشير لي ولشلتي شلة >حسب الله<"
..يله Brb..
