دوناتي اللي سويتها اليوم :
كاسين ونص طحين ..
ملعقة كبيرة خميرة فورية + نص ملعقة صغيرة بيكنج بودر ..
ملعقة بشر برتقال + ملعقة شاي قرفه ..
3/4 كاس حليب دافي ..
بيضة ..
ربع كوب سكر + ملعقة شاي ملح ..
ملعقة شاي فانيلا + 3 ملاعق زبدة بدرجة حرارة الغرفه ..
وبالخلاط كلهم وخلطتهم خلطتهم لمن صارت عجينه متماسكة ..
تالي باديه بزيت وشلت العجينه كورتها وحطيتها بالبادية وضغطت عليها شوي وتركتها لمن تتخمر لمدة ساعة ..
بعد الساعة رحت فردتها بس مب رقيقة يمكن ارتفاع 1 سم ولا 1ونص سم وقطعتها بالكاس دوائر وبمغطاة الدواء دوائر اصغر بالنص لمن انتهت الكميه كلها وغطيتها تتخمر ساعة ثانية ..
تالي قليتها بس النار لازم تكون مب حارة ولا باردة .. ما صورت خطوة القلي ..
تالي خليتها تبرد شوي على ما اسوي الكريمة ,,
كاس سكر بودر ناعم + ملعقتين كاكاو بودرة + قطرات حليب .. خلطتهم مع بعض لمن صارت كريمة وبديت اغمس الدونات وحدة وحدة وازينهم ..
بداية التزيين ..
يوم حطيتهم بصحن التقديم ..
ومن زاوية الكريمة تقوطر ..
وبالهناء والعافية ..
تسلم ديااتك
http://forum.hawaaworld.com/showthread.php?t=2856122