ديفرين جل لا تخجلوني الله يجزاكم خير/قدي

السلام عليكم ورحمة الله وبركااته
شخبارركم ؟!
والله انا سجلت بالمنتدى لانو شفت تفاعلكم ماشاءلله وكثير حبيت تجاربكم وبرضوا شفت كثير يتكلمون عن الديفرين جل انه ممتاز لتقشير البشرة.
خلوني اقولكم سالفتي اللي مضيقه لي خلقي بشكل مايعلم فيه الا ربي والله
بالبدايه كانت بشرتي صافيه ماشاءلله (يارب ترجع زي قبل واحسن) وطلعت لي كم حبه على خدودي وعلى دقني المهم خفت انا من هالحبوب وطرت على المستشفى عند دكتوره جلديه الهم اعطتني كريم وقالت استخدمه واستخدمته شهر كامل ومع الاسف الشديد انه ماناسبني !!! و التهب وجهي بشكل فضييييع وطلعت لي حبوب كثيرررره وكبيره ومسامات على الخدين كثيرررر ! وغير ان البشره عندي صار فيها زي التراكم !! ماهي متسطحه < جاتني الصيحه استغفر الله ، المهم خفت انااا ورحت لها وقامت تتهرب من المسؤوليه حسبي يالله ونعم الوكييييييل ! الله ل يسامحهااا على اسلوبها وكل شي تخيلو يابنات انها حتى ماتفحص البشرة !!!! تكتب كريم وبس !!! المهم انا ماكنت ادري ولا لي خبرة لاني اول مره اروح لعياده جلديه
المهم بعد اسبوعين خفت الحبوب وتضايقت مره ماقدرت اتحمل بشرتي سألت عن افضل دكتور ورحت له و قال عندي التهاب شديد وحبوب ومسامات !
شوفوا القهرررر يا بنات !! بشرتي ماكان فيها الا كم حبه !!! وفجأه اروح لدكتورة واطلع منها بألف عله !!! لليوم وانا اعالج والله !! محروق قلبي
المهم الدكتور وصف لي مضاد حيوي لمدة شهر ونص و كريم رتن اي 0.5 و اعطاني كريم التهاب
المهم استخدمت العلاج وكان معطيني مراجعه بعد 3 اسابيع و المصيبه اني ماكنت الاحظ اي تحسن !! مافي نتيجه مافي شي !! وكنت انام واقوم على صياح وررربي
المهم جا يوم المراجعه ورحت للدكتور طبعا ناسي حالتي ومايدري شسالفه وقال ايش مشكلتك !! قام يشوف الملف العلاجات اللي معطيني اياها وقال اها انتي عندك حب شباب !!!! المهم فحص على بشرتي وقال استمري بالعلاج ، قلت له عن المسامات قال راح تروح مع الرتن اي بس يبيلها شهور !!! كيف شهووور ا مساماتي مو بطبيعة بشرتي ولا هي وراثه !!! وبالزياره الاولى كان كلامه غير مررره قلت واضح انه ماعاد يذكر ايش السالفه : ) المهم رجعت البيت و استمريت عالرتن اي اسبوعين زياده بس والله مافي اي نتيجه !!!! مافي تقشير ولا احمرار ولا الاثار تخف ولا الحبوب تنشف مافي اي شي !!! المهم تضايقت مررره ماقدرت ارتااح وجلست اصيييح ! لين طلعت مع السواق ابي اغير جو شوي مو قادره مو معقوله مافي تحسن ولي شهر واسبوع !! المهم شفت صيدليه قلت للسواق يوقف ونزلت للصيدليه وقلت للصيدلي اني استخدم كريم الرتن اي لي شهر واسبوع قال وااجد شهر واسبوع ليش !! قلت مافي نتيجه !! ما احس بأي تحسسن ابد حتى مافي تقشير !! < عجز يصدق بس قام يقول يمكن ضعيف وما ناسب بشرتك يبيلك شي افضل !!
قلت مدري وتضايقت قلت برجع للدكتور بشوف لي يوم.
المهم وانا طالعه قلت ليش ما اوريه وجهي !!! ورجعت كشفت له وقلت انا اللي جيت من شوي اسأل عن الرتن اي ! انصدم يا بنااااااات قال مستححيل لاتقنعيني انك استخدمتيه شهر ونص الرتن اي لازم يقشررر وبشهر تتحسن بشرتك عالاقل 80٪ لانو بأسبوعين تروح الاثار والحبوب و اسبوعين زياده عشان تجديد البشرة شلون انتي مستمررره وانو ليش استمريتي دام ماحسيتي بأي تحسن بأسبوعين عالاقل لو 20٪ ؟!! قلت انا اعالج عند دكتور جلديه وراجعت عنده بعد 3 اسابيع من العلاج ماقال شي !! الزبده انصدم قال المفروض يغير لك العلاج ! واضح من مناسبك حتى بشرتك دهنيه بزيااده : ( .... الزبده انقهرررررت من الدكتوور كيف ماقال لي او لاحظ !!!
وقال بعطيك غسول اكسفوليك و جل ديفرين 0.1 وراح يقشر لك افضل
سألته عن المسامات قال بتروح لانو مع التقشير بتطلع البشرة الطبيعيه ، اذا انتي مو بطبيعة بشرتك المسام راح تتقشر الطبقه السطحيه اللي عليها المسام وتطلع البشرة الجديدة الاصليه ، انا ما اقتنعت لان دكتوري قال يبيلها شهوور !! قلت له قام يقول البشرة 3 طبقات السطحية والادمه والدهنيه وقام يوصف ويشرح وانو السطحيه عندك متضرره وعليها مسامات بس مع التقشير راح يروح كله لين توصلين للبشرة الاصليه اللي ماتعرضت للتلوث والضرر !!
عاد لي يومين الحين استخدم الديفرين جل بدا يقشر جوانب وجهي والحبوب طلعت فيها قشوور
بس انا خايفه مرره ودايم مخنووقه ! اول شي ضايقني اني شهر كامل امشي بعلاج غلط مو مناسب بشررتي : ( وكنت اصيح يوميا لان مافي اي تحسن !!! حتى الدكتور يوم اراجع صدق ما نبهني ولا قال شي !!! معقوووووله كذااا ؟! ناس ماعندها ذمه والله
والله يا بنات متضايقه متضايقه واللي مضايقني اكثرر ان زواجي بعد العيد هذا اكثر شي ذابحني !!! مو قادرة اشوف بشررتي بالصبح احسن مسام و ومو متساويه واثار وحبوب !!!! كأنها بشرة اكبر من سني مدري كيف اووصف لكم معورني قلبي كانت بشرتي متساويه ومافيها مسام ابد صحيح ماكانت بيرفكت بس شي يووجع !!!
اليوم كان عندنا حفله وحطيت ميك اب اااههه مارضى يضبط البشره فيها زي التراكمات !!! (منطقة الخدود) مو متساويه !! معرف اوصف وربيي والخدود مسامات واسعه !! صحيح انها مو عميقه وسطحيه بس تضااااايق وخاصه شكلها بالشمس :''') < خنقتها العبررة
المهم يا بنات ريحوني الله يريح قلووووبكم اللي استخدموا الدفرين جل كيف قشر بشررتهم ؟! ومتى بدأ التقشير ؟! وهل تروح المسامات مع تقشير الطبقه السطحيه ؟! لان انا بطبيعة بشرتي ماعندي مسام !! والصيدلي يقول مسامات تطلع نتيجه انحباس الدهون !! فا تقوم تطلع على سطح البشرة بهالطريقه : ( ريحني كلامه بس دايم التجاررب خير برهاان
انا ماعرف كيف بتتقشر البشره ! وماني متخيله شلون بيكون التقشير وشلون راح تروح المسام !!! بس هو صيدلي وابخص
ويوم اسوي بحث قريت وحده من الاخوات هنا كاتبه افضل شي للمسامات الرتن اي والديفرين جل لمدة 3 شهور ! بس الصيدلي مانصحني اببد استمر اكثر من شهر يقول يجيك تحسس و ترقق بالبشرة مو كويس التقشير الواجد ! ماني عارفه
فيدووني عساكم بالجنه :')