ديكي كبر وما صاح

هذا الله يسلمكم في شهر ذي القعدة الي فات تقريبا شريت اربع صيصان يهبلون يحليلهم
وعاد كان برد ومات واحد بقى لنا 3 والحمد لله كتب الله لهم الحياة عاد كبروا والحين عمرهم تقريبا
6شهور وكبروا لكن مستغربة لية ماصاح الديك ولا سمعنا له صوت وكن اسال جارتي لانها شارية
في نفس الوقت الي شريت وتقول حتى احنا ما صاح بجد غريبة وقمت ابحث في النت عن كم عمر
الديك لما يصيح كلهم ذاكرين انة في عمر 6 شهور يصيح وانا مستغربة اجل لية ديكي ما صاح
لايكون اطرم ههههههههههههه المهم ومع البحث المستمر ذكر واحد انة اذا تبون الديك يصيح
سجلوا له صوت ديك يصيح وسمعوة اياة وقال انة مجربها قلت انا اما عاد وش هالطريقة هو يعرف
لحاله وقلت مو مشكلة وش خسرانة بجرب مو ضارني شئ ورحت جبت الاب توب حملت الصوت وفتحتة
علشان اسمعة واحمله على جوالي واروح اسمعه ديكي العزيز عاد وانا اسمع الصوت والنافذة
مفتوحة وصل الصوت للديك الا يصيح ديكي الا اكبر انا من الفرحة ولما صاح ديكي صاح ديك الجيران
الله اكبر وش هالوناسة عاد جارتي دقت علي مبسوطة تقول ابشرك صاح ديكي ضحكت انا وقلت
لها ادري وانا الي ساعدت ديكك يصيح قالت شلون وعلمتها السالفة و طقها عرق الدهشة والاستغراب
وقامت تضحك و تقول سبحان الله وتضحك وتقول الله يقطع بليسك يلا مع السلامة بروح اعلم رجلي هههههههههه قلت روحي
عاد سبحان الله حتى الحيوانات مثل الانسان لازم يسمع احد ينطق وينطق تخبرون ماخذتة من محل
مافية الا صوص الي تفقس بالمكاين يعني يتيم وما عمرة سمع صوت ديك يافرحتي بديكي العزيز
اخيرا صاح وامتعنا بصوتة العذب عاد انا سبحان الله احب صوت الديك (عاد قولوا ماشاء الله)