ديناصور حقيقه انصدمنا فيهااااااا

السلام عليكم ورحمة الله وبركاته....

أحلى تحية للحلووووين ..


رؤوس الأقلام>>>>>>ذكرتني باأيام الدراسه..



((منفوحة>>>>>منطقة راقية جنب بيتنااا ))


(( الشكشوكة >>>>((غاية وهدف))


((سوارتي>>>>((الشغالة الله يرحمها))


((ديناصور>>>>((حقيقة انصدمنااااااا بها))


((الرمش>>>>>((اخر كلمة له ))




القصـــــــــــــــة
كنت طالع بالددسن في البر>>>>> ((مكان كله تراب))
والكلام هذا قديم مرة..
قبل لاينولد جد اكبر واحد فيكم يعني ايام ماكانو ياكلون البردقان والموز بقشرة ..
وكانت الوان الناس ابيض واسود مهوب زي الحين ملونين>>>>((قوية..))

وكانت الموضة ذاك الوقت الشكشوكه..
ومن عنده شكشوكه هذاااااا ولد نعمة ومطخطخ ((مثل المفاطيح الحين))

المهم كنت ادور بالعراوي حقي>>>>((أي الددسن))
ادور بيض حمام او عصافير عشان اوديه للبيت واسوي شكشوكه..
المهم واشوف حاجة غريبة بيضاء مدفونة..

واقعد يووم كامل احفر فيهااااااا وبالفعل صار جسم بيضاوي كبييييير
وقلت في نفسي شكلهاا بيضة حمامه
طايحة واندفنت وكبرت مع المطر>>>>>> ((على نياتي))

واخذها والله معي للبيت وكل ا لحارة يحسبون معي خزان فيبرقلاااس
وطول الطريق قاعد افكر واقول هذي بتكفينا شكشوكه لمدة شهر>>>((احلام يقظة))

وادحدرها في السيب وقلت لأهلي شوفو البيض ولا بلااا..

قالت امي :الله يخلف على قليبك يالفضيخ>>>>((أي ماعندك احد))

هذي وانا امك كورة الأولين حقت الفراعنة كانو يلعبون
بابين واحد عند الاهرامات ووحد في سدير>>>>> ((منطقة قريبة من الرياض تم العثور على البيضة فيهاا))

والله وتخش كذبت امي علي...
ونتشاقلهاها البيضة ونذبهاااااا في غرفة السطح ونسافر شهرين..


ويوم رجعنا رقت الشغاله بتنشر الملابس في السطح ((ولم تعلم ماقد خبأه القدر لها))
والله وماعاد شفناها..


وتجي امي وتنادي سوارتي سوارتي>>>> ((اسم الشغالة)) ومااااش محد رد ؟؟؟


طمرت ورقيت ابشوف وش القصة وادخل السطح بشويش
الهواء يهفهف الملابس بشويش
والباب يطلع منة صوت خفيف ((يبي له تزييت))

والقى زنوبات سوارتي وصروالي على الحبل..
ومابعد حطت القضاب علية الضعيفه وهي مهيب فيه..


مشيت بشويش على صووت نفس قوي في الغرفة حقت السطح
وادف الباب بشويش واتفاجئ بحيوان غريب بحجم الفيل منسدح على ظهره ومعه عصا مكنسه ينضف ضروسه به>>>>((ماكلهااااا ....))
واجيك امشي الطبلوون مع الدرج وعيوني تدمع واتفل وانااشرح لهم..
وش شفت قالت أمي بكل برود؟؟زف فنقر>>>>>> ((أي انقلع بالفرنسي))

والله وارقيهم ابا اوريهم المنظر...
وفي دفتي الباب بشويش لايقوم صادفت انه يتثاوب
وصار من النوع الي يطلع نار مع ثمه واعدم وجهي ابن (؟؟؟؟) ماعت حواجبي وشنبي
ونزلنا ركض تقول طلعة مدرسة..


ونصك الباب ونزلجه ونقعد نفكر من وين جاء هالشي؟؟
المهم استسلمنا للأمر الواقع وخليناه اليف..

وندلل فيه كل يوم نجيب له مفطح واحنا نتغدى على طحينيه..
وكل يوم يكب..
وصعب موضوع تطليعه من السطح وهو يزاعق ..
واذا ضاق صدره طلع ضوووو من ثمه أعدم بيوت الجيراان كلهااااا واحرق الحارة ..


ويجي ذاك اليوم وجيت ودخلت وادور امي واشوف مصلاها>>> ((أي سجادتها)) فاضيه واناديها وماش ماردت علي..

واتذكر سوارتي وارقى اركض ودموعي تنزل
وادخل عليه وانغزه لين ماقال اااي
وشفت قطعة جلال امي ناشب في ضروسه
وابوبز ساعة اصيح اصيح وادق على ابو ساره وقلت تعال افزع امي راحت في بطن قادزيلااا>>>>((اسم الديناصور))

والله ونحتريه ينام الديناصور ويوم نام فرشنا فرشه على لسانه عشان ماتزلق رجلينا

وانزل بحبل مع بلعومه وانادي امي وماااش ماترد

((صوتي بصدى وصوت نقط موية على شكل بزبوز ينقط في غضاره))

والله واطب على حافة باب المعده>>>> ((كني على جال قليب))

واولع بالتريك واشوف امي بجلاالها منسدحه على الكبده>>>> ((تقول ابرد))

وجنبها سوارتي حية ترزق وفي يدها القضاب..

وانغزها وقامت وقالت هو؟؟ >>>>((أي استفهام مترجم))
دعلووج متى مت ياوليدي؟؟
قلت مامت يمه..
قالت اجل وش جايبك في قبري؟؟

قلت ياميمتي هذي السالفة كذا وكذاا قامت وضفت جلالها
وقالت طلعني عليه ها السلب >>>>((أي الكلب)) اوريك فيه ..
قلت اعصابك لايقلبك صيخ كبااب...

خافت وقالت اجل بصركم انتم الرجاجيل تفاهمو معه..

والله ونطلع ولله الحمد الديناصور نايم..

المهم والله ويكبر الديناصور((قادزيلاا))

وصار الموضووع معدهوب خروف كل يوم..

صارت الدعوه تريلات خرفان كل يوووم>>>> ((لابوها من شكشوكه))

والله ونطفر ونتسلف ونشتري له ونصير على الحديده

وكل يوم نازل بحبل اطلع واحد من اخواني من بطنه


ويتطور موضوعه ويدلي يطل مع السطح ويلقط هنود الحاره

والله ويجي ابو ساره بياخذ مني خمسة ريال بيشتري تتن >>>>((أي دخان))
ويرن الجرس ويطل عليه ويلقطه ..

ولحسن الحظ صار فية ارسال في بطن قادزيلااا لانه بالع برج جوال عليه فلبينين يسوون له صيانة ..خخخخخخخخخخ

ويدق علي وقال تعال انقذني ترانا منقذين امك..

وانزل له بحبل والقى نصف اهل منفوحه موجودين
الي لاقطه وهو جايب تميس..
ولقيت هندي بدبابه ملبق جنب البنكرياس
وباص بنات بس لحسن الحظ بالعه في الليل..
واطلع انا وابو ساره والعالم تطلب النجدة..
((طبعاا كان ودي انزل لهم اساعدهم بس ابو ساره قال لا لا تخيل ينقطع الحبل فيك او يتثاوب وانت في بلعومه وتحترق))

المهم خربهااا قادزيلااا وطب مع جدار السطح وقام يركض في شوارع منفوحه

ويوطي السيارات واجي قدامه بددسني وافحط واسحب جلنط اعجبه

التفت وقعد يناظر العقده ونسى طريقه ولمخ>>>> ((أي صقع)) في منارة مسجد سببت له ارتجاج

وانسدح على ظهره ذنبه في الحبونيه وبطنه في مقيبره وراسه في الشفاء>>>>>> ((احياء في الرياض))

وبالفعل يلفظ قادزيلااا انفاسه الأخيرة..

ويلتفت علي واناا جنبه ملبق الددسن في حزة الغروب واشعة الشمس الحمراء على جلده الأخضر وعيوني في عيونه

ومد يده لي واناا كالنمله عنده..



وقال:


مشكور دعلووج على كل الي قدمتوه لي..
وسلملي على الوالده وتعذر لي منها كنت احسبها طماطه وهي بجلالها الأحمر وساجده..


وابوصيك على بيضتي شفها في غرفة السطح انتبه لهاوعيونه غرقانه بالدموع وخشمه يصب دم وقال:

خل امك تحللني تراني ماكل جريش أم وضحى الي مرسلته ...

انتبه لبيضتي؟؟؟ <<----كلمة تدل على وجود جزء ثاني ..؟؟؟؟

توفي قادزيلااا في غرة هذا الشهر ومازال حفر القبر قائم حتى اليوم..










:32: طبعا منقوووووووووووول..




سلالالالالالالالالالالالام..