نوف،، يزاج الله خير الغالية،، واسمحيلي إذا غثيتج بكثرة أسئلتي......
والله يحفظ لج موووووودي واخوانه ويفرحج فيهم يااااااااااارب..

تسلمين الغالية على الدعاء

سلام



كرزة ...وانت بخير ..... وتجربتي مع المشاية ( العربية ) .... بصراحة ما استغنيييي عنها نهائي .... وكنت اقول اللي اخرعها يستحق جائزة نوبل ...خخخخخخ ( قوية ) ...
اولادي ما شاء الله عليهم حركيين لذلك يتعبوني خصوصا حمودي الله يحفظه فما لي الا المشاية حتى ياخذون راحتهم ويطيروووون .... والحمد لله ما سببت لهم اي شي يذكر مع اني اخليها لهم الى ان يمشون عدل ... وثاني شي ما استغني عنه هو الحباسة ... وهذا هو المكان الثاني اللي يمارسون فيه هواياتهم ويجربونها خخخخ حتى يتسطحون ويلعبون وينامون وهي آمنة لأنها بتكون لينة حتى لو طاحوا فيها وايضا تضمنين انهم ما يروحون مكان خطر .... اهم شي انك ما تحطين معاه العاب خطرة ....


أم شما .... ربي يكتب لج اللي فيه الخير وتولدين بالسلامة وتجيبين ولد ولا بنت بصحة وعافية .... اعرف شعورج يا اختي ومريت فيه .... تصدقين لما حملت بحمودي كنت مفكرة اني بجيب بنت حتى يصير فيه تعادل وعاد انا اول ما دريت اني حامل رحت اشتريت ثياب بنات وردية ( ادري مخترشة ) لأني مليت من الأزرق واشتقت للوردي .... مع اني كنت حاسة ان ضني بيخيب وبيطلع ولد .... فعلا لما رحت وسويت سونار جاتني صدمة ( طلع ولد مو بنت ) .... بعدين اخذت الثياب وخشيهم حتى لا اشوفهم ... لكن كنت ادعي طول الوقت اني اولد بالسلامة واجيب ولد معافى .... الحمد لله على كل حال وجبت ولد مثل القمر .... وان شاء الله ربي يرزقني بخوات حق بنتي .... لأن عندي اخت وحدة الله يخليها ومن غيرها ما ادري ويش كنت بسوي !!!!
اقول ام شما ان لما حملت بالبنت .... احلويت كثير وخدودي صارت موردة والبشرة ناعمة غير الجسم اللي صار بلاطة خخخخ ( مافيه شعر ) .... لكن بالولد لا ماصرت بحلاة البنت ( الحمد لله ان شكلي ما يخترب ) بس شعر الجسم كان عادي لذلك كنت اعرف اني حامل بولد كل مرة ( شفتيني كيف ساحرة خخخخ) .....


سحوبة .... تدرين عاد ذكرتيني بصاحبتي لما ولدت اول مرة وجابت بنت .... جاو اهل زوجها المستشفى عن حسب يتحمدون لها بالسلامة ( اقصد يغثونها ) تدرين انهم محمقين فيها علشان جابت بنت .....!!!! ( قمة التخلف ) .... خخخخ لا وحملت بعدها وجابت بنت ثانية !!!!
الحمد لله ما يدرون انها خلقة رب العالمين ولو نقدر نسوي شي ولو بسيط كان كل واحد قام يتشرط على خلقته ( استغفر الله ) ....
وبالنسبة للشغالات هم ( حظك نصيبك !) .... يعني عندك الفلبينيات .... شايفين حالهم ومغرورين ومو اي شي يتقبلونه ويحبون يتكشخون ويتحررون ..... اما السيلانيات مو ذاك الزود بالنظافة لكن على نياتهم واكثرهم مسيحيات .... والاندونيسيات اكثر تمسك بالدين ونظافتهم زينة بس هالسحر اللي عندهم ينخاف منهم ....


نووفة .... انا بعد اشتكي من قلة نوم حموودي .... ما ينام الا الساعة 2 ونص او 3 الفجر يتعبني .... وطول اليوم صاحي ولو نام ينام بالكثير نص ساعة ..... بس اليوم تعبان يا قلبي عنده التهاب معوي ونام الساعة 12 ....



خميييرة .... سلامة البنوته .... انا سألت زوجي عن لين العظام وقالي افضل شي تودينها عند اخصائي او استشاري اطفال حتى يعرف بالضبط هو لين بسيط او يحتاج شي ثاني غير الفيتامينات .... وان شاء الله تكون حالتها بسيطة وما تحتاج شي ربي يحفظها ويعافيها .....



فرفورة ....
رحاا ...
بوسي ....
ام فودي ...
البسمة ....
ام التوفي ....
شويكار ....

باقي الشلة ....سلامي

بنات ،،، ربي عطاني واختبرني الله يعينني ويعوض علي وعلى زوجي يارب ،،، ويرزق بنتي بأخت او اخ يكونوا سند وعون لها يارب ،،،

انا سقطت يوم الأحد وعملت تنظيف الإثنين نمت ليلة بالمستشفى واليوم طلعت لا تتخيلوا نفسيتي تعبانه فرحتي بالحمل وفرحة العائلة وزجي الله يعوض علينا والله اني اكتب وانا ابكي دموعي مالى قادرة اشوف الحروف ادعولي ربي يرزقني بالذريه الصالحه ويعافي زوجي هوة كمان صاير معاه - عرق النسا- ويشوف الم والله العظيم يبكي الله يعافيه ويعافي كل مريض واذا ما تحسن خلال 5 ايام لازم تدخل جراحي
نفسيتي خلاااااااااااااااص ،،،،

تخيلوا يا بنات والله العظيم ما كنت اشتكي الحمد لله من اي شي سبحان الله في الليل وانا انيم ليان صار ضهري يعورني مرررررررررة ونامت الله يحفظها وانا تمددت على ظهري بنام وتثاوبت سبحان الله حسيت ان في شي نزل ما ادري ايش قمت ورحت الحمام وشفت دم - الله يكرمكم - وكلمت زوجي والدكتور قال روحي على اقرب مستشفى رحت على عبيد شافتني الدكتورة قالت الرحم مفتوح شي بسيط وممكن يصير اجهاض الصباح لازم تنويم رفضت انام وطلعت على مسؤلية زوجي وانتظرت للصبح علشان اروح عند الدكتور اللى ااتابع معاه ومن الساعه 2 بليل للصباح مافي ولا نقطة دم غير شي بسيط شعيرات دمويه الله يكرمكم ،،، ولما رحت الدكتور وعملت الترا ساوند ما شالله سمعت نبض البيبي تبارك الله والله اني صرت ابكيوهم يعملولي التصوير حتى زوجي صار يبكي من الفرح ان الحمد لله رب العالمين الجنين موجود والرحم مسكر والمشيمه ممتازه ومافي دلائل ولا بوادر للإجهاض والدكتور قال الدكتورة الله شافتك لازم نسحب منها الشهاده ،، وزود لي حبوب التثبيت بدل 2 صارو 3 وسألته عن الدم قال ممكن تكون دورة متجمعه او ان المشيمه كانت نازله ورجعت مكانها - مع العلم ان مافي اي علاقه زوجيه بيني وبين زوجي من قبل العيد لأنه تعبان مررررررة ،،،
المهم يا بنات رحت البيت وانا مبسووووطه وحمدنا الله وقلنا يارب يتمم على خير يارب والله يا بنات على الساعه 1:50دقيقه الظهر - ما كملت 3 ساعات من رجعتي من عند الدكتور الا وصرت اشوف قطع قطع ونزززززززززززززززززززززززززززززززززززف بشكل فظيع
طبعا خلاص بين انه تسقيط وكلمت الدكتور طار عقله قال ما اظن تسقيط تعالى العصر ،،، فعلا رحت الساعه 4 كنت آخذه قطعه معي - علشان يحللوا الجنين ويعرفوا سبب التسقيط - وانا بالمستشفي دخت وصرت انزف مرة ووتعبت بعد ما حولوني على دله علشان اسوي تنظيف هناك الدكتور قال انا بسوي لها التنظيف لأنها تعبانه مرة واذا راحت حتفضل تنزف بالسيارة وينشف دمها ،،، نقلوني لقسم العمليات بالحبيب ودخلت العمليه الساه 6ونص وطلعت الساعه 7 و10 لقيت الوالد وزوجي واخواتي بالغرفه انا ابكي وهم يبكوا ويهدوني ويقولولي ان شالله شفيع لك يوم القيامه وصاروا يدعولي وزوجي يضحكني شوي ويطيب خاطري ،،،
وطلعت اليوم الصبح من المستشفى رحت بيت اهلى والعصر جيت على بيتي ،،،
بنات ادعولي ربي يكرمني بالذريه الصالحه والطفل السليم المعافا كامل الخلقه يارب
بنات نصيحه مني لا احد يزعل اذا صار حمل وربي الحمل نعمه من الله الله يتمم عل كل وحده حامل بالخير يارب ويرزقني باخ واخت ل ليان نور عيني ربي يحفظها لي ولا يحرمني منها يارب
اكتب وانا ابكي ادعولي الله يعافي زوجي ويصير حمل ويكون حمل سليم ياااااااااااااارب العالمين ....

بوسي حبيبتي،، الله يعوض عليج ويرزقج بالذرية الطيبة الصالحة ان شاء الله،، المهم سلامتج فديتج وان شاء الله ربي بيعوضج بغيره وبيجعله طير من طيور الجنة...
لا تضايجين عمرج ووكلي أمرج لله،، واصبري ترى الخيرة فيما اختارها الله.. يمكن رب العالمين يبغي يبدلج بواحد أحسن عنه.. ان شاء الله

والله يشفي زوجج بو عيالج ويقوم بالسلامة،، انتي اندعي له وخليه يستمر على العلاج اللي عاطينه اياه وبإذن الله سيشفى.. ما يشوف شر ان شاء الله

انتي اتحملي على عمرج المره الجايه،، وانا اشوف لو انه صار حمل بإذن الله يستحسن انج تكتمينه لين تكملين على الاقل 4 شهور تجنباً للعين،، والرسول قال: (( العين حق فاحذروها))،، والناس هالأيام ما تقول خير.. حتى شريط الحمل شيليه لأنه سبحان الله يمكن فيه حد يستغرب من حملج وبنتج بعدها صغيرة وهذا شيء يضر طبعاً..
ما تشوفين شر يالغلا والله يعوض عليج بالخير..

وبشرينا بصحتج أول بأول......

أم شما لاحبيبتي عادي اسئلي ولاتحاتين والله قادر على كل شي 0

رشة عطر اعتقد كل من سمى محمد ماينام زين حتى ولد اخوي نفس المشكله 0وسلامة حمودي من النزله المعويه 0

بوسي لايضيق صدرك وعسى أن تكرهو شيئا وهو خيرا لكم يمكن خيره لك هالتسقيط ومثل ماقالت ام شما اكتمي حملك المره الثانيه الناس ماتعطي خير شوفي اختي ست مرات وهي تسقط والان عمر بنتها 5سنوات وتبي ان الله يثبته لها حتى مع حبوب التثبيت ماثبت وانتي اكثري من الدعاء واهم شي سلامتك وقومتك لاميرتك ولزوجك والله يعوضك بالخير 0الله يشفي زوجك ويقومه بالسلامه لكم يارب0

رحا وينك موعوايدك غايبه 000000

عيون مودي عسى ماشر من بعد العيد ماطليتي عسى المانع خير 0