بنات ،،، ربي عطاني واختبرني الله يعينني ويعوض علي وعلى زوجي يارب ،،، ويرزق بنتي بأخت او اخ يكونوا سند وعون لها يارب ،،،
انا سقطت يوم الأحد وعملت تنظيف الإثنين نمت ليلة بالمستشفى واليوم طلعت لا تتخيلوا نفسيتي تعبانه فرحتي بالحمل وفرحة العائلة وزجي الله يعوض علينا والله اني اكتب وانا ابكي دموعي مالى قادرة اشوف الحروف ادعولي ربي يرزقني بالذريه الصالحه ويعافي زوجي هوة كمان صاير معاه - عرق النسا- ويشوف الم والله العظيم يبكي الله يعافيه ويعافي كل مريض واذا ما تحسن خلال 5 ايام لازم تدخل جراحي
نفسيتي خلاااااااااااااااص ،،،،
تخيلوا يا بنات والله العظيم ما كنت اشتكي الحمد لله من اي شي سبحان الله في الليل وانا انيم ليان صار ضهري يعورني مرررررررررة ونامت الله يحفظها وانا تمددت على ظهري بنام وتثاوبت سبحان الله حسيت ان في شي نزل ما ادري ايش قمت ورحت الحمام وشفت دم - الله يكرمكم - وكلمت زوجي والدكتور قال روحي على اقرب مستشفى رحت على عبيد شافتني الدكتورة قالت الرحم مفتوح شي بسيط وممكن يصير اجهاض الصباح لازم تنويم رفضت انام وطلعت على مسؤلية زوجي وانتظرت للصبح علشان اروح عند الدكتور اللى ااتابع معاه ومن الساعه 2 بليل للصباح مافي ولا نقطة دم غير شي بسيط شعيرات دمويه الله يكرمكم ،،، ولما رحت الدكتور وعملت الترا ساوند ما شالله سمعت نبض البيبي تبارك الله والله اني صرت ابكيوهم يعملولي التصوير حتى زوجي صار يبكي من الفرح ان الحمد لله رب العالمين الجنين موجود والرحم مسكر والمشيمه ممتازه ومافي دلائل ولا بوادر للإجهاض والدكتور قال الدكتورة الله شافتك لازم نسحب منها الشهاده ،، وزود لي حبوب التثبيت بدل 2 صارو 3 وسألته عن الدم قال ممكن تكون دورة متجمعه او ان المشيمه كانت نازله ورجعت مكانها - مع العلم ان مافي اي علاقه زوجيه بيني وبين زوجي من قبل العيد لأنه تعبان مررررررة ،،،
المهم يا بنات رحت البيت وانا مبسووووطه وحمدنا الله وقلنا يارب يتمم على خير يارب والله يا بنات على الساعه 1:50دقيقه الظهر - ما كملت 3 ساعات من رجعتي من عند الدكتور الا وصرت اشوف قطع قطع ونزززززززززززززززززززززززززززززززززززف بشكل فظيع
طبعا خلاص بين انه تسقيط وكلمت الدكتور طار عقله قال ما اظن تسقيط تعالى العصر ،،، فعلا رحت الساعه 4 كنت آخذه قطعه معي - علشان يحللوا الجنين ويعرفوا سبب التسقيط - وانا بالمستشفي دخت وصرت انزف مرة ووتعبت بعد ما حولوني على دله علشان اسوي تنظيف هناك الدكتور قال انا بسوي لها التنظيف لأنها تعبانه مرة واذا راحت حتفضل تنزف بالسيارة وينشف دمها ،،، نقلوني لقسم العمليات بالحبيب ودخلت العمليه الساه 6ونص وطلعت الساعه 7 و10 لقيت الوالد وزوجي واخواتي بالغرفه انا ابكي وهم يبكوا ويهدوني ويقولولي ان شالله شفيع لك يوم القيامه وصاروا يدعولي وزوجي يضحكني شوي ويطيب خاطري ،،،
وطلعت اليوم الصبح من المستشفى رحت بيت اهلى والعصر جيت على بيتي ،،،
بنات ادعولي ربي يكرمني بالذريه الصالحه والطفل السليم المعافا كامل الخلقه يارب
بنات نصيحه مني لا احد يزعل اذا صار حمل وربي الحمل نعمه من الله الله يتمم عل كل وحده حامل بالخير يارب ويرزقني باخ واخت ل ليان نور عيني ربي يحفظها لي ولا يحرمني منها يارب
اكتب وانا ابكي ادعولي الله يعافي زوجي ويصير حمل ويكون حمل سليم ياااااااااااااارب العالمين ....
بنات ،،، ربي عطاني واختبرني الله يعينني ويعوض علي وعلى زوجي يارب ،،، ويرزق بنتي بأخت او اخ يكونوا...
poce ..... الحمد لله على سلامتك .... وكل شي بارادة رب العالمين ..... وربي يرزقك بالذرية الصالحة ويعطيك على قد نيتك وصبرك .... والحمد لله ان ليان بخير وهي فرحة عمرك الله يخليها ويحفظها وتشوفين اخوانها وخواتها .... وصدقيني ربي كريم ما ينسى خلقه .... وانت صغيرة والعمر قدامك ان شاء الله وبتحملين حمل سليم معافى ولا تخافين ترى يمكن هذا صلاح لك وانت ما تعلمين وما يعلم الغيب الا الله .....
عندي صديقة عندها بنت الحين عانت المسكينة الا ان جابتها ... كل مرة تحمل وتسقط يمكن اكثر من خمس مرات ... ثلاث مرات كانت بسنة وحدة ... و اللي عور قلبي انها اغلب الحملات توصل للشهر الخامس .... بس كل مرة اشوفها تقول لي الحمد لله ان الله انعم علي بهالنعمة وجبت بنت وانا احسن من غيري .... ربي يعطيها ويعطيك ويعطي كل مؤمنة على قد صبركم وايمانكم ...
وربي يعافي ابو ليان ولا يطولها عليه ويشافيه ... وان شاء الله خير ...