كبيرة محررات
هذا الموضوع مغلق.
omamoory :
موضوع جميل جدا وأنا سوف أنضم معاكم ونحن الان خلاص اشترينا بلاط الأرضيات وركبوها وباقي ورخام الدرج ما ركبوه وكمان أرضية الحوش لسه ما بدأو فيها وأكثر شيء متعبني أنه بصراحة العمال مالهم التزام أبدا بالوقت يبدأ معاك شويه عشان يضمن الشغل ويتركك يروح يشتغلوا لناس ثانيين ولو زعلنا وخاصمنا يرجعوا يشتغلوا يومين ويروحوا هكذا غير الشغل غير الدقيق يعني الصراحة التبليط لازم يكون واحد كويس وممتاز بعد ومن أول تتفقوا معاه أنه لازم الدقة والشغل النظيف بصراحة البناء وجع رأس عند جد وأنصحكم ياأخوات أنكم ما تشتروا شيء من البلاط والأرضيات خاصة بسرعة يعني خلاص عجبني أشتري وبس لا خذوا عينات من كل محل عجبك شيء فيه وارجعوا البيت جربوا من ناحية أنه يتشرب العصيرات والشاي والقهوة وأقلام الفلومستر تنمسح منه ولا لا وكمان لو خدشتيه بملعقة وشوكة تبقى العلامات فيه ولا لا أنا بصراحة كان عاجبني نوع من البورسلان حلو مرة وشكله مثل الخشب الطبيعي وكمان غالي وخلاص قررت اشتريه لغرفة النوم بس زوجي قال خلينا نأخذ عينة منه وجبناه البيت وخدشناه خدوش بسيطة بالملعقة واحاول امسح وأغسل ومافي أمل الخدوش تروح منه أجل لا سحبت كنبة ولا كرسي أيش يصير وكمان فيه نوع من البورسلان حلو مرة عجبني وشكله شبيه جدا بالرخام ( كريم مارفل ) واسمه كريم مارفل وطبعا سعره كان أغلى من غيره من البورسلانات بس أرخص من الكريم مارفل طبعا ( سعرارخام المارفل 280 ريال نار ) والمشكله اشتريته وخلاص الحين بعد ما حطيته ندمانه جدا جدا بصراحة الغرفة صارت صالة تزلج يزحلق جدا والأنواع أللي ارخص منها طلعت جنان وتهبل عشان كده مش لازم الغالي هو الأحسن وبصراحة سيراميك الحمامات والحمامات عندي طلعت روعة مع أني اخترت أشكال وسط يعني مش غالية من سارة أونجم أباحسين لا اشتريت من الميرو الحمامات ( سيراميك رأس الخيمة ) ومن بيت الإباء اشتريت بلاط المطبخ أيطالي وبسعر 25 للمتر وحلو كثير طلع بصراحة لازم الواحد ما يتخدع من حكاية أنه الغالي هو الأحسن والأجمل في كل شيء ممكن الحاجة الوسط تكون جميلة وحلوة بالتنسيق والإختيار الجيد ولا تنسوا لا تستعجلوا أبدا وأنا يأخوات من جدة فأي مساعدة أو سؤال تحتاجونه ( صرت خبيرة في المحلات الخاصة بالسيراميك والرخام ليه أكثر من شهرين وأنا أبرم فيها لإي محلات رحت لها ايجي أكثر من سبع ثماني مرات ) ممكن أساعدكم وادلكم عليها كثرت الهرج لأنها ديوانية :)موضوع جميل جدا وأنا سوف أنضم معاكم ونحن الان خلاص اشترينا بلاط الأرضيات وركبوها وباقي ورخام...
