ماشاء الله تبارك الله الله هينى الجميع
انا صراحه لى فتره اطل عليكم واستمتع بكل مايكتب عن العمار واستفيد فى نفس الوقت
وان شاء الله انظم لكم فى يوم من الايام لانها امنيه اتمنى ان تتحقق
فارجو من ممن تقرا رسالتى تدعو لقطعة جليد بان الله ييسر امورنا ويسهلها و يكتب لنا ان نبنى بيت العمر الذى لطالما حلمت به انا واولادى لعل دعوة احدكم تصادف ساعة استجابه
فلقد اثقلت علينا هموم الدنيا اللهم لاتجعل الدنيا اكبر همنا نسال الله الثبات لنا ولكم

السلام عليكم

ماشاء الله الديوانيه عامره
الله لايخلينا من هل جمعه
وكما جمعنا هنا
يجمعنا على سرر متقابلين

أسترخاء معليه ياقلبي ما أمداني ارد عليك

بالنسبه للدهان أختلفنا معاه
وأنشاء الله بدق على الرميح
"
"
وبالنسبه للحوش للحين ماسويناه
بس بغيت أسألك
هو الطوب البلدي اللي تتكلمين عنه؟
"
"
لأن زوجي ناشب فيه ويقول زين
وماهو عاجبني
يقول يتحمل ثقل وغيره
"
"
ياريت تعطيني رايك أنتي والبنات كلهم

بنات شرايكم في هل دهان
اللي على شكل ورق جدران
أنا شفت المسكن يسوونه بس سعر المتر غالي عندهم

عطوني رايكم
لأن ودي اسويه في كذا جدار عندي
"
"
وسمعتوا عن الورق المذهب؟؟؟؟؟؟؟؟
وشرايكم فيه؟؟؟
أنا عاجبني بس مدري كم سعره

صبحكم الله بالخير ..
عساكم دوم عالقوة ..
وجمعة مباركة ان شاء الله ..

اليجنت ستايل ..
روووووعه هالصبغ انا اشوف تسوينه لانه حلو واااايد وناعم يطلع .. انا فكرت في ورق الجدران لان ما اظن يضبطون مثل هالنقوش الناعمة .. بس متأكده انه صبغ كأنه ورق جدران ؟

استرخاء ..
رأيك مهم عندي لان يمكن انا في بالي شئ وانتي تنبهيني لشئ ثاني مثل ما نبهتيني للمدخل بس احس لو بسويه مثل البلاط النص لمعه مثلا ما بيكون شاذ عن بقية الحوش ؟ وخصوصا اذا كان الحوش صغير ؟
اما جوابي عن الحديقة وشبك الحماية خخخخخ فهو كالاتي :
شبك الحماية غير منتشر عندنا بالمنطقة الا القليل من البيوت يخلونه واغلب النوافذ تكون كبيرة وعريضة وحتى شبك التور اللي تخلينه عن الحشرات في طريقة نسيتها بحيث انه ما يبان من بره يعني النافذة تبين بس قزاز كاااااااااامل بدون شئ ..ومن داخل لما تفتحين النافذة فيها شبك للحماية من الحشرات وايظا لسلامة الاطفال ؟..واللحين شركات الحماية من السرقة ابتكرت وابدعت في اجهزتها ؟ وانصحك بها لانها جداااااا عملية عن تجربة في بيوت الاهل والاصدقاء .. الجهاز يصحي البيت كله .. ويكون التأسيس لها من العظم .. واحنا الحمد لله من زمااان اتفقنا معهم وسلكو لها ..
ولو بغيتي شبك الحماية الافضل يكون نااااااااعم جداااا ولو تقدرين تدخلين فيه شئ من تشكيلة الواجهة عشان يتجانس معها بيكون متناسق مع الواجهة .. ومع السور ..
اما عن الحديقة فتصميمها على الورق جدا سهل وفي في الانترنت مخططات للحدائق من مسقطها الرأسي وتنوعي في توزيع الالعاب والاشجار والجلسات ونافورة الماء بس تنفيذها خليها على الزراع مثل ما قالو الاخوات بس التنسيق والذوق الشخصي يلعب دور كبير جدا في تنسيق الحدائق

ام محمد ..
الله يعينك عالغربة ويا مرحبا فيك معنا ..
المطابخ احلى شئ يكون لونها خشبي بدرجاته المتنوعة سواء مودرن او كلاسيكي ..اما الالوان الصرعه الواحد يمل منها بسرعه يعني في مطابخ لونها ازرق ولا احمر ولا اخضر .. ما ادري عن نفسي ما احب الشئ اللي له فترة زمنية محددة وتنتهي موضته .. والمطابخ اشوف الشئ الدارج والجديد في تصاميمها ما تكون عااادية مثل توزيع الخزائن قبل كم سنة مصفوفين خزاين فوق وخزاين تحت وخلاص ؟لا صارو يسوون حركات في المطبخ وينوعون في اشكال الخزائن مرة طويلة مرة عريضة وحدة طالعة وحده نازلة وحده فيها زجاج وحده ما فيها ... ورفوف زجاج وخشب تدخل في التصميم والكاونتر او البار اشكال وتصاميم .. شئ على جنب شئ على وسط وحتى المغاسل والفرن تغير مكانهم التقليدي وصارو ينحطو في مكان حتى في الوسط .. بس انتي خذي لفة على محلات المطابخ وشوفي افكارهم يمكن تلاقين حتى احلى من الانترنت ..
والرخام ما اايده بتاتا ؟.. لكثرة مساؤه ؟؟ والارضيات الخشبية ناوية بإذن الله اركبها في غرفة نومنا فقط .. لان يبغالها عناية وما تصلح للصالات ولا لغرف المعيشة لكثرة الجلوس فيها لكن غرفة نومنا ما فيها لا اكل ولا شرب .. وحتى مكان الجلسة بسويه بورسلان ما بسويه خشب اخاف ..

نشوفكم بكره على خير ان شاء الله ..

حياك الله يالطيبه:26:


بالنسبه لسؤالك ...الحجر ما يقدم ابداااا حتى لو استهلك لانه مو صرعه وبتنتهي .....وبالذات لو كان طبيعي يعطي جمال وجاذبيه للمكان ...وعندك الحجر الفرنسي اكثر من رائع لانه مجموعه الوان متناسقه ومتداخله.