السلام عليكم ورحمة الله وبركاته

كيفكم بنات ان شاء الله بخير

انا كتبت رد البارح لكل وحده وطار واحاول اعيد الرد والله يقهر هالمنتدى الله يعين عليه

N73

الله يجزاك خير على التذكير وربي ينصر المسلمين بفلسطين وبكل مكان ان شاء الله

وفاء الحمد لله على الامطار اللهم اجعلها خير وبركه علينا جميعا

وبالنسبه لاقتناعنا انا كل ماتنازل عن شي اتذكر كلام ام عموري لما تقول راح تتنازلوا عن
اشياء كثيره علشان كذا مانقول الا الحمد لله على كل حال بناء البيت علمني اننا لازم نرضى ونقنع بما عندنا واهم شي الصحه والعافيه ويارب نسكن بيوتنا جميعا واحنا بصحه وعافيه وازواجنا واولادنا ان شاء الله

قمرا الله يوفقك بمشروعك ان شاء الله واحنا بانتظار النتائج

مساء الخير ..
شخباركم يا حلوات قلت اخذ لي ساعه بريك عالنت وارد عليكم ..
امس رحنا شفنا الشقة الثانية يعني زوووينه ما بها شئ بس هاذي احلى واحسن بكثييييير .. ولفيت اول شئ الاكسسورات والتحف .. بقطع جرايد واكياس نايلون .. وبعدها الملابس الصيفية وملابس السهرات والملابس اللي ما البسها خصوصا اني اللحين حامل واكثرها ما عادت تدخل من الكرشة .. واللحين قاعده اجمع الكتب .. وبقية الاغراض اللي ما نستخدمها .. وما عندي احد اطلب منه المساعده لان خواتي اكبرهم بتعرس وتجهز لزواجها .. وامي معذورة .. الزين ان اغراضي منظمتها وما بتعب فيها واايد

زوجي من النوع المسالم >>> عكسها ؟؟!! وما يبي يسوي مشاكل بس الغلطة منا اصلا لان من يوم تأجرنا لحد الان ما جددنا عقد الايجار .... لكن هو يقول معذور وما ينلام وزين منه انه وفر لنا شقة ثانية واللحين زوجي يحاول وياه ان يطول المدة قال لنا حدكم 20 يوم ..>> اصلا هو حاسبها بالتمام مع الاجازة

وفاء الله عالمعدوس بيوم المطر له طعم غير زي ماقالت وفاء وام عموري بيوم المطر

نسوي رز بعدس ومعاه سمك مقلي

وفاء لسه ماوصلنا للبويه احنا بالتبليط المبلط يجي يوم ويغيب كم يوم له 3 اسابيع ولسه ماخلص الله يعينا عليه ونخلص بسرعه


الكهرباء احنا بحي في كهرباء بس الكباين كلها مليان ماباقي شي لنا ويبغوا يسوا كبينه جديده وشوفي متى يركبوها مع اننا دفعنا فلوس الكهرباء خلاص دعواتكم يابنات


قمرا الحمر هو التمر الهندي وزي ماقلت الرز بالعدس روعه يوم المطر اتعودنا عليه بجده من يوم كنا صغار وامي تسويه لنا والحين احنا نسويه

وماشاء الله على القبه ببيتك روعه الله يهنيك ويبارك لك ببيتك وربي يطول بعمرك

ويخليك لزوجك واولادك ويخليهم لك لاتكدرين خاطرنا بكلامك ترى مانستغني عنك

الله لايحرمنا منك ياقمرنا ولاتقولي بغيب عنكم الله يديم تواصلنا ومحبتنا لبعض

طيب بقول لكم على سالفة بس لا تقولولي مجنونة اوكي ؟؟؟


انا اختي وخطيبها كنت ناويه اعزمهم مع اهلي وخالاتي وعيالهم ثنتين في الشقة على عشا .. او غذاء .. بعد الامتحانات ..بمناسبة خطوبتهم قبل لا يعرسون في شهر 3.. لكن اللحين مع النقل يقولي زوجي مو مناسب الوقت طبعا فكرت فيها ولقيت ان الشقة الثانية صغيرة وااايد وضيقة يعني ما تستحملهم كامل ؟وهاذي احلى منها .. لذلك قررت >>> بروحي بدون ما اعلم زوجي خخخ اني قبل لا انقل اعزمهم في هاذي الشقة اللحين وارتاح من الزحمة والضيق بعدين ..وش رأيكم اعزمهم اللحين تعب مرة وحده وارتاح ؟.. وخصوصا اذا كان أغلبه جاهز من المطعم ويكون علي بس اشياء خفيفة ..