سر اجل مادام القشد طلع لذيذ شجعتيني اسويه بس اي طريقه سويتيها نفس طريقة فيافي والا غيرها ارسليها لي اذا غير

وبالنسبه للبويات بشري ان شاء الله طلعت زي ماتبين الله يوفقك ياعسل وتخلصين على خير

بنات اللي عملت البيج والكوفي وطلع حلو ياليت ترسلي صوره منه اذا ممكن ورقمه من جوتن ولو لون اصفر فاتح ايش رأيكم فيه؟ احس يعطي انشراح للصاله مثلا مع اني متخوفه منه

هلا غلا الله يعينك ويساعدك بالبيت اما العزيمه انتي ياقلبي ادرى بظروفك انا من رأي زوجك مو وقته حتى بالك بيكون مشغول بالنقل وانتي شوفي اللي يناسبك واذا لابد من العزيمه خلي شغالة امك تساعدك وسوي الحلا من بدري

برد عليكم وحده وحده مدام اني فاضيه اشويه ..

رتووش .. وسارة .. وووووووووينكم غبتو عنا فجأة لا حس ولا خبر ..؟ اشتقنا لكم واااااااااااايد .. طمنونا عنكم ..


Ms Busy
لا تزعلي يا اختي انا شفت كذا وحده ردت عليك بس يمكن انتي ما انتبهتي .. والتصميم مو حلو انك تنقلي تصميم وتسويه على ارضك مثله بالضبط .. لان المساحه تختلف واحتياجاتك لابد تراعي لها .. لذلك انا افضل تدوني احتياجاتك في ورقة وتشوفي الاسكش الاول للمهندس وتبدأي تعدلي عليه .

ورود الدار ..
مشكورة على سؤالك يا قمر .. صحيت اشويه من الصدمه خخخخ وقاعده اللملم واشيل في الاغراض اشويه اشويه ..

رحوووبه ..
انا ان شاء الله ناويه بعد استغل تحت الدرج في التخزين مع ان عندي مخزن تحت ومخزن في الطابق الثالث بس الاغراض كثيرة وتحتاج لمكان لذلك لا تفرطي في هاذي المساحه .. خصوصا اذا العيال كبرو .. العابهم بس يبغا لها مكان المهم انا عندي خالتي ساده تحت درجهم بالخشب كااااااااااامل وحتى مركبه فيه مصباح عشان تشغله لما تبغي تطلع الاغراض منه ومخزنه فيه العاب اولادها وذلك لان الدرابزين خشب لان بيتهم صار له يمكن 15 سنة لكنه مفروش موكيت مو سيراميك ؟ .. وتحت الدرج ما اخترب ولا صار له شئ .. يعني بين فترة وفترة تقدرين تصبغينه .. وليش بتجيه المويه ؟؟ غريبة ؟ بس انا ناويه ابنيه كامل واخلي له بس باب ويكون مثل ابواب البيت يا المنيوم يا خشب ؟ بس ما يفتح عالممر يفتح على داخل غرفة الغسيل اللي موقعها تحت الدرج .. واما خالتي الثانية طريقتها حلوة وااايد سكرته كاااااااااامل بالبنيان .. وخلت بابه من بره البيت في الملحق اللي بره هي تقلي وعندها حوض للغسيل والغساله بعد بره ومخزنه فيه ادوات التنظيف ومواد التنظيف من صابون ومحارم والمنيوم .... الخ وصاير موقع بابه قريب من مطبخها .. فكرته عجييبة الكل عاجبته الفكرة ..

ام عموري ..
تسلمين والله .. زوجي ما يخليني اشيل الاغراض الثقيلة بس ما توقعت النقل بهذا التعب .. وغير ان نفسيتي تعبانه وكل اشويه قعدت اصيح ما ادري ليش هباله هههههههه ..

قمرا ..
مشا شاء الله صور القبب اكثر من رااائعه واكثر شئ لفتلي انتباهي الجبس ناعم والوانه حلوة الله يهنيك يا رب .. و يبارك لك في بيتك واللهم ارزقنا جميعا حسن الخاتمة يااااارب

سرالالم ..
عليج بالعافية القشد الملكي ياريت لو تصوريه نشوفه لان مو متخيله شكله اشلون ؟ وصار خاطري فيه .. ممكن تشحني لي لو صحن منه خخخخخ ..

وفاء ..
كل ما اشوف المطر ينزل عندنا اتذكر بناتك والمظلات اخاف اشتريه لولدي يبهدلني فيها خخخ .. يا حلاتهم البنات قوس قزح جان قلتي لهم ما يطلع اللا فوق الجبل .. الله يجعلها امطار خير وبركه على جميع بلدان المسلمين .. ومجلة سيدتي توني شاريتها من يومين .. حلوووة واايد وسعرها زين عجبتني اول مرة اشتريها قلت اجازف لكن ما لي نفس اطالعها اللحين .. بس بيت عبادي الجوهر وش فيه ؟؟؟ لو كان الاسكنر شغال عندي كنت طبعت لك اللي تبيه .. وعبايتي استلمتها اصورها وارسلها لك ...والكامل الله انا اتوقع اكيد بيكون فيه اخطاء واكيد بيكون في نواقص لكن القناعه كنز لا يفنى .. واحلى شئ ما نبالغ في طموحاتنا خخخ ..

ملكة الليل ..
الله يعينك ويساعدك على فراق زوجك .. الله يرجعه لكم بالسلامه ويجمعكم فيه بأقرب وقت .. والرجيم بلااااااااش منه خليك على طبيعتك احلى بس اهم شئ الاكل الصحي ..

ام احلى بدر ..
مبروووك على تركيب الباركيه .. ويالله جربيه وخبرينا بالنتائج ..

اخت مضاوي ..
يا هلا فيج معانا ومبروووك على التسجيل واكيد بستفيدي وااايد من هالديوانية ..

قمرا ..
انا حبيت ارد عليك من جانب اني موظفة وفي نفس الوقت ربة بيت .. يعني عملين بدوام كااااااااااااامل .. انتي شنو تخصصك ؟هل تخصصك صعب ويبغا له مجهود كبير ومتعب وما تحبيه ؟ لانه يعتمد عليه اشياء كثيرة .. بيستهلك وقتك وجهدك وبترجعين من الدوام هلكانه وتعبانة وما لك خلق حق عيالك وبيتك وتبغين بس تنطي عالسرير وتنامي وذلك لانك تروحي العمل وانتي كاره تخصصك وما تحبيه .. لكن لو كان تخصصك حلو ومجال عمله ممتع بالنسبة لك وما فيه صعوبات كثيرة ممكن تتأقلمي معاه وتعملي توازن كامل بين حياتك العملية وبين اسرتك وبيتك ولا يمكن ان يكون صعب لكانو كل النساء في بيوتهم قاعدين .. وبالعكس ممكن يكون ترفيه عن نفسك وتلتقين بالناس وتحتكي فيهم ويكون لك تجارب كثيرة معهم تعزز من شخصيتك ومن خبرتك في التعامل معهم .. وانا عن نفسي احب مجال الفن واااايد لكن المتعب فيه هو التدريس .. لانه من اصعب المهن .. لكن اتذكردائما انها مهنة الانبياء والرسل وعليها ثواااب عظيم عند رب العالمين لذلك ممكن يكون عملك فيه مجال لتتقربي من ربك وتساهمي في مجتمعك وتحققي ذاتك .. وتحسي بكيانك كإمرأة مسؤلة وقادرة على عيش حياتها بصورة مستقلة عن الرجل بدون ما يكون هو اللي مسؤوول عنها بالكااااااااامل .. والوظيفة والشهادة سلاح الان في هذا الزمن .. والله يطول بعمر ابو العيال ويخليه لكم لكن حتى لك انتي يكون لك رصيدك الخاص يضمن لك مستقبلك .. وانا اول ما توظفت من سنتين بعدها بكم شهر كنت اقول خلاااااااااااص بستقيل من التدريس وبقعد بالبيت من اول سنة .. لكني تعودت عالعمل وعلى روتينه وعلى مصاعبه ولما تجي الاجازة اتملل واطفش .. في اشياء كثيرة نبغيها ولازم نتعب عشان نحصل عليها .. ويمكن بعد عشر سنوات او 15 اقعد بالبيت يكون خلصنا قروض البيت وديونه خخخخ .. المهم هذرت وااايد وهاذي وجهة نظري اختصرتها كثير بس الشئ يرجع لك لكني اشجعك عالعمل بس بالاول لابد تدرسي الموضوع من كل الجوانب ..وتستشيري اللي حولك ..

بنات ... ليش الديوانية بالصفحة الثانية ؟؟؟؟!!!!

وينكم ؟؟؟؟؟؟؟

شلونكم بنات:)
تراني وحدة منكم .....وما احس اني غريبة عنكم:42:
يعني بالعربي الفصيح انا عايشة معاكم من اول افتتاح الديوانية افرح لفرحكم :icon28: واحزن لحزنكم:44: وااذا وحدة احملت وولدت اتحمد لها السلامة يعني وراكم في كل خطوة.........لكن اسمحو لي لاني ما قدرت افيدكم بشي >>>>>>>>>>>>وحدة تنقصها خبرة:icon33:
وابشركم خلصنا التشطيبات كلها ولكم الفضل الكبير لاني استفدت منكم كثير ومابقى علينا الا الابواب الي صار لنا سنة من سوينا العقدمع النجار وما اشتغل فيهم :42: وتركيب القبة ويا لها من قبة الي شغلت بالي وايد لان مثل ماتعرفون المفروض يكون الارتفاع بينها وبين السقف شي بسيط لكن العمال سو لي ...................متر:icon33:
ولفت انتباه:arb:لهالشي وقلت له خل يكسرون منه ما دام بعدهم ما ليسوه لكنه رفض وعند الله يهديه
وزاد الطين بله يوم خلو الوتر بروف زادالارتفاع وهو للحين معند:arb:
وانا اعجبتني القبب عندك يا قمرا وايد عسى الله يهنيكم ويبارك لكم ويسعدكم ويعمره لكم بخير وصحة وعافية
وانا اطلب منك طلب وارجو انك ما ترديني لان حجم القبة الي عندي وموقعها مثل الي عندك على الدرج
فيا ريت توضحين لي شلون تم تركيبها لكم في نفس مستوى السقف
واتمنى انك تردين قبل هاليومين لان احتمال تتركب في هالاسبوع............يمكن الاقي عندك الحل لان شكلها مو حلو مررررة:(
واكون شاكرة لك ولكل من يساعدني