اجمل تحية لاجمل بنات المنتدى

مين فين ابدأ ؟؟؟
شاعرة ...رايي في القبه زي رأيك بالضبط....ماسويتها في بيتي لاني احسطابعها شرقي ولا تناسب بيتي ..وكمان ما احبها كثير ....وسمعت ان ناس عملوها وموية الامطار دخلت من فتحات الزجاج وعدمت البيت....هذا كلامهم
انا عملت بالجبس حركة دائريه ناعمة جدا وبسيطه عشان الاضاءة المخفية وفيها اسبوتات وفي الوسط الثريا اللي لسه ماجات وعملت فيها قطع صغار بالجبس ومنحوته ((اللي بحرف L الشكل الروماني المعروف ))

الفجوات الجداريه حلوة وزي ماقالت ام عموري للصالات وغرف نوم الاولاد ممكن يتعملها رفوف

والمداخل والحمامات بس بكثرتها تروح حلاوتها

الصور اللي نزلتيها كلها حلوة بس الاولى ما تناسب مدخل رئيسي لانها سمبل مرررة
الثانيه مناسبه جدا والثالثه كمان حلوة بس الرسم ماراح تلاقي احد يضبطه
ارشح الثانيه ...و لو انك اخترتيها لازم تعملي حساب مقاس المدخل من دحين لا يكون اكبر ولا اصغر وصعب انك تلاقي مدخل بنفس المقاس الا لو اشتريتيه من قبل تنفيذ الشكل

.........................................................
ام عزيز ماشاء الله يا ام الذوق كله على كده صالتك رهيبه بس ماقلتي ايش وجه الشبه بينها وبين الصور

..........................
ام نوري الشبك مره حلو وذوووق .......ويضيف جمال للشباك........ اما الشبك الكامل من فوق لتحت وكانه سجن مو بيت ما احبه

لا تعليـــــــــــــــــــــــــــــــــــــــــــــــــــــــــق

سكر مكر
الله يسلمك حبيبتي ماتقصرين القلوب عند بعضها
شفتي شلون خربنا موضوع هذيك اللي تبي صور للجبس معاد ردت هههههه
وبالنسبه للابواب انا احب اللكسان بس هو يعتمد على موديل الباب ولونه واللكسان نفسه هو ملون ولا مثلج ولا كيف شكله ؟؟
شفتي انا قاعده اسحبك عشان تنزلين لنا صور
واما المطبخ محد يبي يخدمنا في موضوعه انا سألت قبلك ومحد عطاني وجه
بس بقول لك نتايج فرفرتي
رحنا الله يسلمك للمنى وعندهم اشياء حلووه بس غالين طلع علينا المطبخ بعد الخصم 36000 ريال ومطبخنا صغير تقريبا 5*5 ورحنا بعده لايكيا وعجبني مطبخ عندهم وبعد مااخذوا المقاسات وصمموا لنا المطبخ طلع علينا 16000 ريال بس الاسطح هي اللي خلتني اتراجع خفت منها لانها خشب ولافيه خيارات واسعه منها وبعدين رحنا محل للمطابخ الالمنيوم اسمه ورده له كذا فرع المهم رحنا للفرع الجديد عجبني الاسطح عندهم حلوه وتتحمل والثلاجه ممكن يلبسونها المنيوم والغساله بس طلع سعرهم مثل ايكيا مو اقل
ورحنا لشارع المطابخ ولقيت محل اعجبني مره وطبعا المنيوم يوم شفناها حسبناها خشب بس اللي فعلا اعجبني القزاز حق الدواليب فيه منه اشكال تجنن والمحل توه جديد وشكلنا بنصلح عنده وسعرهم للحين ماتفاهمنا على شيء بس يقول زوجي انه حسب لنا المتر باقل من ورده نسيت والله كم
ورتووش ماقالت لنا عن مطبخها الظاهر تبيه خاص ولا ودها احد يقلدها

هذي الصوره لبيت وحده في المنتدى نسيت اسمها خزنتها من العام عشان اصلحها في بيتي واللحين غيرت رايي للاسباب اللي تعرفونها

وهذا الدولاب صلحت مثله في حمام الاولاد وغرفتهم وغرفتنا ولا كان لي نيه بس التقويسه اللي في الواجهه هي اللي اجبرتني اسوي كذا والحمدلله طلعت جنان

قمرا.......... الف سلامة حبيبتي خذي اسبرين فوار مرره ممتاز للسخونه ويريحك ان شاء الله

هذه اخرة اللعب بالبر خلاص مافي طلعة مرة ثانيه>>> غيرانه

فهمت قصك بالتخشيب يصير الجدار كانه ملبس بالخشب زي بعض البيوت الامريكيه..صح ؟


انا موافقه على الجزء الثاني.... بس هذا الاجزء حيتأرشف؟؟ يتركن واحنا فيه وكل ذكرياتنا..قلبي عورني

مستصعبه الموضوع....وبعدين محد راح يشوفه ويستفيد منه!!!...........اممممممممممممم اعطوني فرصة افكر<<<<< وحدة تحب تحتفظ بكل شي قديم له معنى وذكرى حلوة
.......................................................

سكر ياعسل تقصدي الابواب الداخليه حريم ورجال يعني المداخل الرئيسيه صح؟

لان الابواب الداخليه حق الغرف

عموما اللكسان مو موضه ابدا هو مرتبط بابواب المشغولة لو حتسوي مشغول فلابد من اللكسانا
اما لو ابواب داخليه اشوف الزجاج المرمل او المرايا انسب واشيك من اللكسانا

المطابخ طبعا بيت الاباء بس غالي شوي....كافكو ممتاز ... عالم المطابخ غاااااااااالي
اماغيرهم ماعندي فكرة والله عن جودتهم واشكالهم

انا مطبخي من ايكيا برضه حلو وسعره معقول....ايكيا عندهم انواع رخيصه ورديئه وانواع سعرها معقول وممتازة