حبيبات قلبي تعالوا بسألكم
باقي كم خطوه ونبلط الحوش تكفون شوروا علي نزرع فيه ونسوي احواض ولا نبلطه كله ونحط بعدين اصيصات الكبيره ونزرعها وش رايكم الله يعطيكم العافيه
[/url

ما شاء الله عليكم تكلمتوا عن كل شي بس في معلومه بالنسبه لنوعية المراحيض والمغاسل لا تشترون من أي نوع في أنواع أصليه ما تتشرب فيظل لونها ما يتغير مع السنين ولا يطلع لها ريحه
مثل ما ركة روكه ممتازه أصليه



وبالنسبه للسخان أفضل ما يكون مركزي عشان لو اخترب ما تتأزمون خاصه بأيام البرد الأفضل بكل حمام سخان

وسلامتكم لو تذكرت شي بحطه

مشكوره قمرا وشاعره المليون


وينكم بنات ابغى افكار من عندكم ابغاكم تساعدوني

الجدران الحجريه وقت التشطيب ولا مرحله البناء

وايش الجديد في الحمامات يكون كله قيشاني ولا ممكن اسوي جدار بالبويه واعمل فيه رفوف بس مدري كيف يطلع والمويه وماتاثر على الجدار وتجي فيه رطوبه ها شرايكم

غرفه الطعام ايش المكان المناسب لها والاشياء الجماليه اللى ممكن اضيفها لها يعني ممكن تكون بدون باب مجرد اقواس مفتوحه على البيت

وينكم بنات توقعت تكتبون لي عن افكاركم

رتوووش
الله يسلمك وماتشوفين شر ومشكوره عالنصيحه
بالنسبه للتخشيب بعد شوي بنزل الصور ويارب القى تعليقات حلوه من الكل
والديوانيه انا زيك مو هاينه علي جمعتنا وسواليفنا وذكرياتنا وتراني احب الذكريات بالرغم انها في الغالب بعد حين تبكي وعلى طاري البكاء يوم الخميس واحنا رايحين للمخيم مرينا باطلال ابوي واختي واخوي الله يرحمهم كنا دايم نجتمع عند ذيك الشجره وكم مره دخلنا من تحت ذيك الاسلاك الشائكه اللي محوطين بها كل البران حسبي الله عليهم وووووو الخ مادريت الا دموعي تتسابق على خدي ووصلنا وانا عيوني حمر يحسبوني جايه غصب عني لان الجمعه مع اهل زوجي
والحمدلله على كل حال هذي هي الدنيا يعيش فيها الواحد وهو ماخلى مكان الا وراح له وترك فيه ذكرى وماخلى منتدى الا وزاره وتعرف على اللي فيه وضحك معهم وسوى علاقات ووو في الاخير يموت ويندفن ولكن مايبقى له الا العمل الصالح والذكرى الجميله اللي تخلي الواحد غصب يفقده ويشتاق له بالرغم ان فيه ناس كثير يموتون ومحد يجيب لهم طاري
الله يحسن خاتمتنا ويجعلنا محبوبين في قلوب عباده المؤمنين ولا يحرمنا دعائهم الطيب

شاعرة ..
عادي تصير في احسن اعائلات .. ههههه بس تدرين يا ريت اقدر في الدوام اقعد اسولف عالنت حتى فطوري ما اقدر اكمله من الشغل اللي علي .. اهي اهي ..

بالنسبة للمداخل .. اول صورة حطتها لي دريمر بس ما تصلح لمدخلي .. لان ما فيه جدار .. والمهندس قالي مو حلو تخلي جدار يضيق صالة الضيوف ..

بس انتي شوفي اللي يناسبك انا بالنسبة لي احسهم كلهم حلوين .. بس الاولى تصلح للمداخل الصغيرة والباقين للمداخل الواسعه ..

ام عزيز ..
تسلمين اختي فرحتيني ان الصور عجبتك .. عليج بالعافية >>> جنها راعية الصور وراعية الحلال خخ

قمرا ..
انا مع رتووش هاذي الديوانية تعودنا عليها واحس فيها البركه ... خخخخ بس توه الناس على ديوانية جديدة .. والفيروسات .. بعد الظاهر تعود يتجمعون ويانا في الديوانية .. وكل ما لهم يتكاثرون .. يبغي لنا شركة مبيدات ترشهمممممممم رش .. خخخ

بالنسبة للفجوات انا بعد احس كثرتهم ما لها لازمة الا اذا ودك تنوعي فيهم ..
انا رتبت الفجوات وطريقة توزيعها في البيت على حسب احتايجاتي لها سواء في الحمامات او غيره ..

نوعت فيها شئ برفوف شئ بدون .. شئ غااائر في داخل الجدار مثل اللي خلتهم شاعرة الصورة ال2 و3 .. اهم شئ تكون لهم وظيفة تملئ الفراغات بشكل جمالي .. واحس ان هالاشياء ما لها موضة .. يعني هالفجوات من زمااااااااااااان نشوفهم في البيوت القديمة بيت جدي القديييييييم يوم كنا صغار البيوت الشعبية بتلاحظي فيها نفس الشئ ..

واذا كنا بنحطها عشان نلاحق الموضة .. ما لها معنى ترى .. مثل ما قلت اهم شئ نستغلها ونخليها في مكانها الصحيح والمناسب اللي يضيف للمكان معنى جمالي اكثر .. وتقدرين توظفينها في وضع اكسسورات بعيدة عن ايدي الاطفال .. او تكون اكسسورات غالية تخافي عليه من الكسر .. واهم شئ ما تكثرين منها ..