ومضة حق
اذا بيتك كبير سويها وتوكلي على الله
ام الورده والتفاحه
بويه احلى
القمورة أمورة
مكانك في القلب ومستحيل ننساك الله يبارك فيك
والف سلامه للوالده الله يعطيها العافيه ويخليها لكم
والله يجزاك خير على وقفتك معها والله يجعلها في موازين حسناتك يوم القيامه
نشمية الروح
زوجة اخوي كانت تدرسهم وكانت تحبهم بس كانت على نظام التعاقد واستغنوا عنها
الله يوفقك في وظيفتك

غلا وش رايك بهالصوره

أشكر جميع الأخوات على حل الواجب وبالنسبه لي أنا خلاص سويت الفتحه وانتهيت منها بس بعدين ترددت عموما هي تشرف على الصاله السفليه وفي الصاله مطبخ مفتوح للضيوف فقط ومجالس الضيوف بعيده عنها أممم وش بعد ايه الصاله فيها ثلاث شبابيك كبيره مقوسه على ثلاث جدران....اكيد الشرح ميييييح ....بس أنتم أكيد اذكياء.وش رايكم حلو صح تذكرت التكييف مركزي:)

السلام عليكم ورحمة الله وبركاته . مساكم الله بالخير والنور والسرور ..
شخباركم عساكم عالقوة دوووم مو يوووم .. بس ها خفو علينا اشويه ترانا موظفات>> بتنشات بره ؟
بس يالله انتو تحملو الردود الطويلة .. وتراني حاولت اختصر بس ما اوعدكم خخخخخ ..

المهم بالنسبة لسالفة الديوانية بارحة اول امس حلمت ببنت عمي اللي قلت لكم عن ديوانيتها ومع اني ما اشوفها كثير حلمت فيها شفتو اشلون حتى الاحلام تحولت للبنيان ولسوالف الديوانية .. المهم بقولكم الحلمة وانتو فسروها :
كأني رايحه بيتهم مع خواتي وبيتهم كبييييير كأنه قصر بس مظلم .. وفيه ناس كثير ناس داخله وناس طالعه .. ويوم قعدنا عندها لقيناها تعبانه حيل واشوف تحرطم وتقولي ما تدرين يا بنت عمي ناس طالعه وناس داخله البيت واحنا ما حنا بدنيا تقولين مسجد مو بيت .؟.. وبالفعل كان عندها نسوان كثير في بيتهم .. انا كنت اتناقش مع امي عن سالفة الديوانية واقولها زوجي يبي يسويها الا تقولي كاهي بنت عمج تقول تعبانه من ديوانية زوجها كأنها كفتيريا وناس طالعين وناس داخلين غير ان زوجها ما تشوفه الا باليوم نص ثانية ما غير مبسط مع الربع ومصاريفها مصاريف من ناحيه الضيوف ومن ناحية ان اولادها ما يشوفون زوجها غير انهم مو متهنين بالحديقة وستايرهم كل مغطينها لان النوافذ تطل على الحديقة ودخل البيت ويكشف اللي داخل البيت .. هذا غير ان زوجها لو تبيه يوديها اي مكان ما يقدر لانه يلتزم مع الربع اللي عنده يعني صايرة هي الاب وهي الام ؟؟؟ وانا قلت لامي عن الحلمه وفسرناها على جذي واللحين محتارة مع موضوع الديوانية وشكلي بلغيها وبسويها جلسة مسقفه بدون جدران .. بييب لكم صورة وابي رايكم فيها ؟

الجزيرة البعيدة ..
مساحه البيت الدور الارضي مع الكراجات كأن ما ادري خخخخ بس 378 متر .. لان بيتي طابق واحد .. بس مساحه الارض 523 متر ..
ياريت يعطينا السعر هذا مستحيييييييييييل ؟؟
تدرين احنا عطانا سعر قبل كم شهر ما تتوقعين كم .......................................
توقعو كم ؟؟
كم .؟؟؟
كم ..؟؟

30000 الف دينار بحريني .. يعني 300000 الف ريال سعودي .. ولا هذا سعره الاولي بعد يعني اللحين مع غلاوة الاسعار راح يغلى السعر يمكن يزيد 5 الاف دينار تخيلو الفرق ؟؟ دبل .. يصير اسفر بيتي للسعودية تبنونه لي وترجعونه البحرين ..؟؟ هههههههههههههههههههههههه ..

بالنسبة للمسبح .. انا اشوف ان الاحلى يكون قريب للصالة ونوافذها من ان يكون ف ياخر الحديقة لكن المشكلة في الامان والحماية .. والله يخوف هالمسبح وانا اذا قربت جنبه تجيني حاله خوووف احس روحي بطيح في الماي وبغرق .. يعني لو مكانج اسوي حواجز حول االمسبح او تكون منطقة المسبح مقفلة وما يقدرون الاطفال يروحون لها الا مع احد كبير .. انا اشوف الاجانب جذي يسوون يعزلون المسابح عن الحديقة يعني كأنها مثل الحديقة الداخلية بس الفرق انها على جنب البيت وتكون مو مسقفه ومقفلة من جميع الجوانب بس لها باب واحد وله باب يقفل .. فإنتبهي لهالنقطة ..

شاعرة
سلامات للوالدة وماتشوف شر

ام سعود ..
مشكورة والله على ردك .. وكلامك عين العقل وان شاء الله اخذ فيه .. بالنسبة للديوانية .. امممم ليلحين محتارة فيها مثل ما قلت وبنشوف اللحين شنو السواة معاها ..

الراجية عفو ربها ..
المخطط الاولي عجبني اكثر احس هذا ملخبط .. بس احسن شئ سويتيه انج فتحتي الصوالين على بعض تعطي انشراح ووسع .. بس الممر اللي عند المطبخ ما عجبني مكانه .. الله يسهل عليكم ..

نشمية ..
مدرسة شنو انتي ؟؟ أي ماده ؟؟ وااايد حلو صفك بس تدرين يبيله اكثر وسائل تعليمية .. والرفوف الخشب انا بعد سويتها في مكتبي .. بس على اصغر .
اما رقم 6 6 .. اففففف شر لابد منه .. مع ان لونه تعالي بقولج سر >> ما ادري اشلون سويتيه طالع فاقع يفقع العيون مع هاللون الاخضر هههههههههه >> خلاص انتي اللي طلبتي تصويتنا ولازم نقول رأينا هههههههه ..

ام عموري ..
انا مع الجماعه .. العسلي والبني احلى طبعا من الاخضر والازرق ..

شوكولاته لذيذة ..
انا اشوف ان الدرج حرام تهدوه .. مع ان شكله صاير معلق .. وووايد مأخذ مساحه بس يمكن مع الدرابزين يتغير شكله وانتي عند الدرج حطي جلسة وطاولة صغيرة وعليها اباجورة وزرع طبيعي بيتغير شكل الدرج .. بس اشلون شكل الدرج جذي من الجهة الثانية ؟؟؟؟؟؟ الا انتي من وين ؟؟

وفاء ..
بالجوال بعد مرة وحده هههههههههه غربل ابليسك .. انا مرة مزحت مع ابو الشباب بخشونه اشويه لقيت ان رجلي تعورت ما قدرت امشي منها وخضرت وزرقت وبغيت اخاصمه بس الحق علي اللي امزح مع رجال بشنب هالمزاح ههههههههههههه والا انا مو كفو يطيرني يوديني فوق السحاب هههههههه ..
تدرين انا مو مقتنعه بهالدولاب وعندي مكان له بس ماني مسويته على قولة حلوة كل وحده تحط عباتها ورا ضهرها وخلاص ولا اقولج بعضهم اذا راحو عزايم عندنا ما يلبسون عباية فيكون احسن >> وحده بايعتها .. هههههه

رتووش ..
جملة وحده فقط لا غير .. من لقى احبابه نسى اصحابه .. >>> ويه غيران ..
مبروووووووووووووووك الف مبروووك عقبال كبيرة المحررات .. حتى انا قصو علي وشالو من عندي مشاركات ومسحو من عندي مواضيع شكثر يا حرام ... جان اللحين محررة ذهبية على هالهذرة والنشاط الزايد .. خخخ ..


الاجنحه المتكسرة ..
مبين على شكل بيتك واااايد حلو بس مثل ما قلت في البداية عن الديوانية لحد اللحين محتارة واحنا قدام البيت 6ونص الطول والعرض 10 متر .. وهاذي كلها راح تكون عبارة عن حديقة وجلسه ومكان لالعاب الاطفال وغيره .. بس اذا كنت ابي اسوي ديوانية قدام البيت ممكن ..واليوم رحت مكان ارضنا وعاينتها وطلع ان العمارة بعيده اشويه عنا بينا وبينها بيت وشارع .. بس ان شاء بيت جيرانا يبنون بسرعه ونفتك .. واشوف ورانا بعد في شارع صغير وبعدها مسوين مثل المخزن ما ادري شنو مو بيت والله يستر لا يكون بيت للعمال ونبتلش فيهم ؟
والله يسهل امورنا واموركم ..

ام الوردة والتفاحه ..
عندج نص الجدار يكون موزاييك .. وبلاط يكون من الكشخه والغالي وااايد احلى من بويه كامل . .. وانا اشوف اللحين اشكال كثيرة اخر مرة عجبني بلاط تشوفيه تقولين هذا معدن ستيل مو املس لا جاي فيه مثل البروز والهبوط >> شرحها واضح !!!!!!!! بس برأيي نص بلاط ونص بويه احلى ..

استرخاء ..
غربل ابليسك ضحكتيني بتعليقك على نشمية .. ههههههههههههههههههه بس خلاص بنشن عليك حرب بنسميها حرب المدرسات واسترخاء .. عجل حنا دمنا ثقيل اخ منج اخ .. شسوي فيج اللحين .. ترى نص البنات هني مدرسات خلاص بنقوم عليج >>> ما تسوى عليج كلمة وابتلشتي فيها .. ويالله سحبيييييها والا >> تهدد بعد ..
خلاص خلاص ما راح امزح زيااده .. هونت ..

قمرا ..
شكرا على الصورة وضحت لي الرؤية مع ان الحركات اللي فيها كثيييييرة وصايرة دفشه اشوي بس وااايد عجبتني وما ادري شنو اسوي اللحين محتااااارة واااايد ؟؟؟؟ بالنسبة للأبواب انا صورت لك كم باب بس عاديين مو ذاك الزود الابواب اللي كانو عاجبيني بعيدين اشويه عن منطقتنا لازم ابو الشباب يروح وياي .. بس اللحين الصور اللي عندي راح اخلي ابو الشباب ينزلهم من الجوال واطرشهم لج .. ولا تنسين نبي انشوف خياراتك ..

ومضه حق ..
اتصدقين من كم يوم كنت رايحه بيت صديق زوجي وكنت بقولكم عنه انه مسوي هالفتحه بس انتي سبقتيني ..
الله يسلمك هذا صديق زوجي مسوي هالحركة وبيته وااايد صغير ما يناسب ابدا وصايرة الحركه بايخه وما تناسب .. انا اشوفها حلوة للاماكن الواسعه بس من ناحيتي ما افضلها اولا للخصوصية ما احب اللي في غرف النوم يوصله ازعاج او أي صوت من تحت وغير جذي صرف من ناحية الكهرباء وغير جذي اخااااف منها الاطفال يتسلقونها او شئ جذي ويطيحون اخاااااااف ما انوس ؟ بس انتي ليش مو مقتنعه فيها ؟


يالله صدق اللي سماه واجب الا واجب تعبت وانا اكتب من الساعه 6 ونص لحد اللحين >>> ويه دايخ وحده واصل كأنه قاعد يراجع لإمتحان !!!!!!