بنات عاد قلنا صوتوا بس لاتكذبون ... (طرار ويتشرط ) هههههههههه
ترى اللون هذا الموجود بالرسام والا كان شفتوا الذوق المسكت !!!

:26:

استرخاااء
مت من الضحك على العنقز شهالتشبيه خخخخخخخ اضحك وولدي يقول ماما ليه تضحكين اقوله على اللي كاتبته خالة .. لف وجهه عني وهو مستغرب الظاهر يقول الحمد لله والشكر !!
تسلمين يا عسل والله انتي اللي دمك احلى من السكر
بروح ادور الدرابزين وينه لاني حطيت الصفحات كل اربعين رد بصفحة الحين واصلين 88
على طاري وينتك رحت لهم الخميس شكل شغلهم حليو قال المتر بـ 500 والثابت بـ 400 تقريبا
ما استقريتي للحين عليهم والا على غرناطة؟

:26:

غلا
شفتي شلون المدرسات ماكولات ومذمومات يا حياتي علينا ,, انا مربية فصل اول ابتدائي والوسائل عندي بالادراج اطلعهم وقت الدرس..
الا صحيح ليه الاسعار نااار عندكم ضعف اسعارنا تقريبا !!.. ارسلي بيتك نصبه ونليسه ونرسله لك يمشي

:26:

قمرا
غريبة استغنوا عن مرت اخوك .. معنا وحدة جاية تعاقد تقول صار لي 8 سنوات على هالحال تعاقد كل تيرم يتصلون علي واروح مكان .. تخيلي لا سنوات خدمة ولاشي ,, قهر والله !!!

:26:


بنااااات كل اللي صوتوا لي
ابشروا بعد الحملة الانتخابية اوزع عليكم كابات وميداليات وتقويم عليه الشعار وهو التصميم المعنقز ههههههههههه امحق بشارة

استرخااء
هذا الدرابزين اللي تقصدينه؟؟



هو بالصورة حلو .. بس عااد كيف التنفيذ؟ خليهم يسوون لكم عينة وشوفوها اذا فيها تعديلات
اللي عجبني فيه لونه .. طالع مو اسود رمادي غامق كإنه كروم
الله يسهل عليكم ويطلع احلى من الصورة ان شاء الله

وفاء الجداوية

دخت أدور لك على صورة مثل اللي اقصد ما لقيت بس هذي تققققريباً نفس الفكرة أنا عموماً مفكرة أسويها حديد مشغول تتفصل مخصوص للمنطقة بس التعليق يصير بعلاقات مثل طريقة الصورة



بس بالنسبة للمنطقة اللي أنت مختارتها أحس أحلى يكون أنحف يعني 20 سم عمق بالكثير عشرة تاخذونها من الطوب اللي في الجدار وعشرة تبنون لها وسوي لها خطافات مثل حقت الأرواب لكن برضه ممكن تتفنني فيها وتختاري خطافات كشخة أو تفصليها حتى والله يسهل لك




نشمية الروح
الله يسعدك حبيبتي اللي حاسة بمعاناة الندب
وفصلك ماشاء الله حلو ومرتب ويدل على ذوق صاحبته وإن دل على شيء فإنما يدل على ذوق مربيته بس يقولون الاختصاص صعب صح ؟
أنا السنة الجاية إن شاء الله راح أتفرغ معلمة موهوبات وبيحطوني إبتدائي تصدقين شايلة هم التعامل مع الصغار ؟




الراجية عفوه

أنت أي مرحلة تدرسين ووين ؟ في جدة يعني ؟ ولا فين ؟
عموماً بالنسبة لضغط الحصص حسب المنطقة وحسب المدرسة بعد عندنا بجدة نقص معلمات الرياضيات المرحلة الثانوية يعني تخيلي الوضع أنا في مدرستي ماسكة فصل ثاني وفصلين أولى يعني 17 حصة يعتبر خفيف بالنسبة للمدارس اللي حولنا بس لأني ماسكة معاه عمل مسؤلة موهوبات
والحين بياخذونني أنا للمدرسة اللي محتاجة معلمة ثالث وبيجيبون بدالي معلمة من المتوسط تمسك 3 فصول أولى وزميلتي تاخذ فصلي حق ثاني مع فصل أولى يعني خلونا لعبة شطرنج والله المستعان

وبالنسبة للمخطط
مدري إيش كانت وجهة نظركم يوم صغرتوا الصالة لها الدرجة ؟ أنا مع رتوش بتوسعتها شوي على حساب الحديقة ترى السعة زينة
والمطبخ مافهمت قصدك بالتعديل يعني صغرتوه وكبرتوا الحوش اللي بجنبه ولا قصدك المنطقة اللي على اليسار مستودع ولا ديرتي كيتشن؟ لو كان ديرتي كيتشن أقترح عليك تكبرينه شوي بعد لأن ماشاء الله مساحة مطبخك تسمح الواحد ياخذ منها
وعندي لك سؤال فكري فيه زين
الحين افرضي عندك ضيوف رجال وتبين تعشينهم مين بيحط الأكل ؟ وكيف ؟ عادة يكون فيه ممر من داخل البيت لغرفة السفرة بحيث الضيوف مايشوفونه
والعكس افرضي عندك حريم ومجلستهم بالمجلس الرئيسي الكبير وقت فرش السفرة لو كان الأكل من برة شلون بيدخلون الرجال يحطون الأكل ؟؟ ولو كان الأكل من البيت بتجلسين ترتبين السفرة قدام الضيوف ؟ وعقب الأكل الشغالات بيجلسون يشيلون الأكل قدام الضيوف برضه؟؟
أحس التخطيط الأول لهذه المنطقة أفضل بس أنت أدرى باحتياجاتك
وكمان صاقة رتوش بموضوع الباب اللي بين منطقة النساء ومنطقة الرجال لأن عند المغاسل بيصير كشف

صالة الشقة الخلفية : كيف بتدخلها الإنارة والتهوية ؟؟
طيب على الأقل سوي لهم منور ؟
أو ممكن تخلين المطبخ مفتوح بالكامل على الصالة فتكسب الصالة التهوية من شباك المطبخ
بس وقتها لازم تركبون شفاط قوي للمطبخ
وعموماً غالباً حريم أولادك بيعجبهم هالشيء لأن بنات هاليوم المطبخ بريستيج عندهم هههههه
مع إني أفضل يتعدل مكان الصالة لأنها أهم منطقة في البيت والواحد لو ارتاح بالصالة ارتاح في البيت
معليش عزيزتي لو زعلتك بس انت طلبتي المشورة وواجبنا تجاهك الصدق فيها



رتوش
مبروووووووووووووووووووووك ماشاء الله
بس تصدقين هم شكلهم كذا فعلاً تطلع الوحدة تطلع الوحدة وبعدين يمكن لمن المواضيع القديمة جداً تنحذف تقوم تقل عدد الردود لأن حتى أنا ردودي كانت فوق الألف ومدري متى انخسفت هههههه تصدقين ما انتبهت لها إنها انخسفت إلا يوم تكلمتوا عن الألقاب ؟؟



حلوة بدون مكياج
المصعد على كيفك ممكن تكبرينه وممكن تصغرينه على حسب احتياجاتك والمساحة اللي عندك أنا المهندس قال لي يكفي 1 × 1.5 لكن أنا بصراحة وسعته وخليته 2 × 2 أو 2 × 1.5 ناسية وعموماً أنت تقدرين تدورين على محلات المصاعد حالياً تشوفين المساحات على الطبيعة وتقررين كم يكفيك أو إنك تقدرين بدل ما تسوين مصعد كامل تسوين مصعد خدمة حق أكل بس يجي صغير مرة وأرخص وكله حسب المساحة وبالنسبة للتكلفة حنا ما سويناه حنا بس خلينا مساحة له وبنغطيه بجبسمبورد لأني بسويه بعدين على مهل وبختار إن شاء الله نوعية كويسة بدل ما أسوي شيء أي كلام الآن بسرعة لكن عموماً تكلفة مصعد بمقاس مصعدي على ثلاث أدوار تتراوح من الستين للميتين ألف حسب الشركة وحسب التشطيب


ومضة
نفس الحركة مسوينها أهلي في بيتهم شكلها مرة جنان ماشاء الله لكن تضايق وقت الجلسة يعني الواحد ممكن يجلس شوي بس مو كثير


:09: :09: :09: وحدة تعبانة من حل الواجب ههههههههههه

الظاهر اليوم يوم حل الواجبات للمتاخرات (وانا شكلي داخله عرض)؟؟؟؟؟؟؟؟؟
بس حبيت امسي عالجميع واقول غلوي(لاتنسيني بالصور؟؟؟؟)ويالله ياشاطرات كملو الحل:42:

السلام عليكم ورحمة الله وبركاته

ماشاء الله عليكم اخواتي صفحات وصفحات ( نشاط حلو )

مشكورات اخواتي على ردودكن بالنسبة للون الزجاج وبكرة اروح اقرر لأنه زوجي يقول مافي روحة واختاري من العينات وانا مصرة اروح اشوف اتعقد الرجال من الروحة يقول تقلبين وتختارين اشياء غاليه :)
بس اليوم رحت للعفيف شفت عنده رأس دبوس مختلف عن اللي عند حق الشبابيك هل في اختلاف بين راس الدبوس والمثلج ياريت توضحوا لي عشان ما أروح على عماي
سلامي للجميع ( روتوش- قمرا - غلا الروح - نشمية -ام سعود - وفاء - حالي -سرالم - الراجية - شوكلاتة لذيذة - ومضة حق.....وكلكم


وفاء انا شايفة الممر حيضيق بها الدولاب الغيه وشوفي بعدين اي مكان مناسب واشتري دولاب او حتى سوي دولاب نحيف عند نجار وحطيه ولا تلبشي نفسك بكسر جدار وبناء وانتو انتهيتوا وبدأتو تليسو

نشمية : فصلك حلو ماشاء الله وترى اعذريني ما صوتك لك :) ولا لغيرك عشان ما تزعلي لأنه بجد الوانك وحشة خالص ( قلبت مصري ) :) لا تزعلي

رتووش : الف مبروك من قدك الحين صرتي محررة عقبال ما تصيري مراقبة بس عندي :)


مادري مين اللي حطت صورة درجها ( اظن شوكلاتة لذيذة ) اظن فكرة التجاويف من الأمام ومن الخلف مستودع حيناسبك اشوف اذا لقيت صور ححطها لك

مشكورات