أبيات للشاعر النبطي /أحمد الناصر الشايع
وقد جاءت القصيدة على البحر الطويل الشهير
بالطرق اللويحاني نسبة إلى الشاعر عبدالله اللويحان
وهو يوافق بحر الهزج في الفصيح (مفاعيلن مفاعيلن)
مكررة مرتين في كل شطر:

⛺️🏝 🏝🏝⛺️
أعالج لوعة المغرم وتكبر لهفة المشتاق...
بحسن رضاي أسوق خطاي أقدم رجلي وأفهقها
▫️
أهوجس من طلوع الشمس ليما غيبة الأشفاق
ورجلي في ظلام الليل مدري .. وش يوافقها
▫️
أبصبر وآتصبر مير أظن الصبر ما ينطاق....
لقيت الصبر مرّ ولو ينوش الكبد يحرقها...
▫️
ألا يا كاملين المعرفة سلك الغرام دقاق
إلى صاب القلوب الله يعافينا يخرّقها..
▫️
أنا لي صاحب ٍ خدّه ورا الشيلة كما البرّاق
بعرض المزنة اللي مثل شمس الظهر بارقها
▫️
خلقها الله وزيّن خُلقها وأخلاقها الخلاق
قليلٍ جنسها في جيلها سبحان خالقها..
▫️
لها عينٍ ليا لدّت بها تذبح بها العشّاق...
وبها وصفين من عين المهاه وطول عاتقها
▫️
إلى ما شفتها ضاقت بي الدنيا وصدري ضاق
وأنا لولا الهوى لي كان عيني ماتفارقها....
▫️
أحب مشاهد الغالي عسى ما هو بحب فراق
ولو راح أتبعه في مغرب الدنيا ومشرقها...

يقول الشاعر عن بيت الأب :

يحن قلبــي الى طــــاريــــه
مكان اللــــي ربيــــنا فيــــه
الى الغــــرفة و جــــدرانــــي
و صوت اهــــواش أخـــواني
الى الذكــــرى مــــع أمــــي
الى بيت إحتــــوى إســــمي
يظــــل بــــيت_الأبو غــالي
الى قلبــــي و الى عيــــالي
يظــل بيت_الأبــــو دفــــوّه
يظـــل عز و يظــــل عــزّوه
زوايــــا إحتــــوَت طيــــشــي
إنفعالاتــــي و خـــرابيــــشي
و دمعاتـــي و ضــــحكاتــــي
و أســــراري مــــع أخـــواتي
و صــــوت أمــــي إتقعــــدنـا
و غضــــبها و الزعــــل منــــا
يظل بيــــت_الأبو. أنفـــاس
حوانا بأجــــمل الاحســــاس
و لو نبعد طــــوال أسبــــوع
يحن قلبـــنا الــــى لرجــــوع
نِشِــــم ريحــــة طفــــولتنــــا
و نــــتوســــد مــــواقــــفنــــا
الى كل بنـــت مهما تصــــير
يظل منــــزل أبــــوها غيــــر
و صعب لو كل سنين اتطوف
غلا بيــــت الابــــو معــــروف
نظل نــــشرب عــــشق منه
الامــــان و ريــــحة الجنــــة
....
🏡❤🌹

أبيات للشاعر الكويتي :
(حمود ناصر البدر..)
وهو من اشهر شعراء ( الفن الزهيري)..
والذي كان مشهوراً قبل قرن...من السنين...
يقول في قصيدة عفنا المنازل :


عفنا المنازل بسرعة والمقدّر صار
والبال صوب الأودّة كيف حاله صار

العسر كفّات كفّتني بحبله ..وصــار
ما ظن في مهجتي بدياركم لقــرى
ومدامعي لم تزل فوق الوجن تقرى
ياخوي لي جاك خطّي فسّره وأقرى
واسأل على حال خيّك ..
بأي ديره صار..؟!

‏‫
⛺️🦚🕌🏝

يـابحر .. فيني من الحزن ..كثــر مافيـك ..
من حزن .. وأوجاع .. وغيـــاب .. وغـــرايب !!
لاتلومني إليا شفتني .. دايم أجيــــــــــــك ..
ولاشفتني دايم .. على الشـــــــط .. ذايـــــــــب !!
حزني كبير .. أكبر من حدود .. شــاطيــك ..
وأقسى من جروح الزمان .. العطــــــــــــــايب !!
وإن كان تنشدني فـ أنا ..مقـــــدر أخفيـك ..
دايم اظن .. ويطـــلع .. الظــــــــــن .. خـــايــب !!
في هـ الزمن ..أقرب حبايبك .. يشقيـــك ..
إليـــــــــن تدفع في غــــــــــــلاه .. الضــــرايب !!
من بعد هذا .. يبتعد عنك .. ويجفيـــــك..
ماكنــه .. بـ جنبك .. قضــــى الوقت .. طـــايب !!
وإلا..الخوي اللي توقعت .. يفـــــــــــديـك ..
يفديك عمــره .. لاغـــــدت بك .. نشـــــــــايـــب !!
صد .. وتصدد .. مايبي .. سمــع .. طاريــك ..
وياما .. أنت .. دونه .. أتعبتك .. الطــــــــلايــب !!
لاتقــول لي .. بــدري .. وتـــــوك .. ويمديك ..
وتعال .. وأسمع باقي الهرج .. صــــــــــــــايب !!
خلك بـ حالك .. وأطلب الرب .. يهـــــــــديك ..
ولاتنشد اللي غاب .. ويــــن أنت .. غـــــــــايب !!
وإن شفتـــني غايب .. عن حدود .. شاطيك ..
أعرف تراني .. تحـــت .. ذيـــك .. النصــــــايــب !!
وأعرف تراني .. دايم إن ضقت .. بـ آجيك ..
لأني .. أنا والمـــــــوج .. صــــــرنا .. حبايب
مما راق لي للشاعر ( خالد الشمرى )

الشعر النبطي تحفه. لقد شاركت في الكويت.