ذبحوني بحصص الاحتياط .. اقترحوا علي شي اسويه مع البنات في هالحصص

وعليكم السلام ورحمة الله وبركاته ..
ناقشيهم في مواضيع هامة مثل( النظافة والعناية بالجسم) لانهم في هذي المرحلة ( مرحلة البلوغ )عندهم علميهم
كيفية الاعتناء بالجسم في اسلوب مبسط وممتع بحيث انك توصلي المعلومة لهم وتفيدهم ويكون لكِ الاجر وغيرها من المواضيع الهامة و ممكن توزع عليهم مطويات تنفعهم وناقشيهم فيها ..
و مع الايام ح يحبوا حصص الاحتياط معاكِ لانكِ تفيدهم فيها ..
موفقة يارب ..

:26: :27:

اول شي شكرا لانك اعطيتي الطالبات وقت من تفكيرك وما يعود عليهم بالفائده
ثانيا: احتسبي كل صغيره وكبيره في كل شي

ومثل ماقالوا البنات اسئله واجوبه مثلا دروس انتي تلقينها عليهم بشكل مبسط عن الاخلاق والحياء والصداقه الحقيقيه والامور اللي تهمهم

يزاج الله خير اختي يارا على الاضافة وان شاء الله بطبق هالفكرة على البنات ,,, صراحة ما اسوي لهم مسابقات ابد بس ان شاء الله ببدأ اسوي لهم .. :26:

اختي الاصيل ... من هالناحية لا توصي حريص انا اول ما ادخل عليهم اكلمهم في النظافة الشخصية اهم شي حتى صفوفي اول السنة اكملهم عن النظافة وكيفية النظافة بس مثل ما قلت لج المشكلة لان الصف الواحد يتكرر كمن مرة
والله يبارك فيج اختي الاصيل على المداخلة ..:27:

اختي نجدية ... هذا واجبي اني اعطيهم من وقتي وانا محاسبة على هالشي امام رب العالمين والله يعطيج العافية على المداخلة وان شاء الله اسوي اللي قلتوا عليه :17:

اهم شيء حاولي تسمعين لهم القرآن الكريم
حفظيهم اذكار الصباح والمساء واي اذكار اخرى
اذكري لهم سبب نزول آيى
اذكري لهم شيء من احاديث النبي صلى الله عليه وسلم
حثيهم على بر الوالدين
وغيرهم كثير
تمنياتي لك بالتوفيق:26:

اختي لا تضايقين من حصص الاحتياط بلعكس افرحي بها تدرين ليش استغليها في طاعة الله وتكون لك سعاده
في الدنيا والاخره امري بمعروف وانهي عن منكر ومثل ما قالت اختي علميهم اذكار الصباح والمساء
استغفرو مثلا 100 مره سبحو 100 مره كبرو الله 100 مره وهكذا قصي عليهم مثلا قصص الانبياء علميهم كيفية صلاة النبي صلى الله عليه وسلم وهكذا