هذا سلمكم الله ذكرياتي و انا صغيرة ..كنت عايشة عند جدي و جدتي (الله يرحمها) وعيالهم و عمتي الصغيرة كانت في الثانوي اخر العنقود كانت مثل الاخت بالنسبة لنا انا واختي التوام لدرجة نناديها باسمها حتى عماني كانوا بالنسبة لنا اخوان نناديهم باسمائهم و اذا جاو عيال عمتي الصغار و سمعونا نناديهم باسمائهم ينقهروووووووووووون:angry2:مووووت ههههههه عاد عماني يسكتونهم ههههه و انا ازيد اقهرهم ويقولون اش معنى هم ماينادونكم بعمي ؟؟؟؟يقولون ....والله هم غيييييييييييييير
يوم كنت في اول ابتدائي كنت مرجووووووووووووجة و مصرقعة و شقية مرة مرة عكس اختي هادية و عاقلة ومؤدبة ماتسمعون صوتها ابد ..
وواحد من عماني كان يدرس بالجامعة و كان قريب مرررة منا خاصة انا و اختي يودينا المدارس و تماشي و مستشفيات ومقاضي المدرسة وكلللللللللل شي ماشالله عليه
كان يجي من الجامعة و بعد الغدا كان يقول دايما صحوني اذا اذن و انتي و اياها تنامون و تصحون عشان اشوف دروسكم ..طبعا هو يهتم مرررة في مذاكرتنا .. و بحكم اني اطنش و بقوة اذن من طين و اذن من عجين
اقوم افتح التلفزيون و اتمدد ع بطني و اتفرج ع الكراتين (وداعا ماركو) اه ياحبي لهذا الكرتون مانساه ومستحيل كان يفوتني .. و طبعا يصحى عمي و يلاقيني اتفرج يقول : ايوه خليكي مثل مانتي و لااشوفك تمسكين كتاب بس و الله لو يجي التقرير و درجاتك زي وجهك ماتلومين الا نفسك
طبعا بعد مايصلي ويتقهوى يجي يمسك شناطنا ويقول يالله الحقوني في المجلس ونبدا بالمذاكرة و الحفظ و ماانسى نشيد الله رب الخلق امدنا بالرزق قاعد يحفظنا الين ماطلعت عيون ههههه وبعد ماطلعت له عيونه و طلعت في راسه قرون:11retcherيكون كذا خلصنا مذاكرة بس حليله يرحمنا يقول لنا ياللهالبسوا اوديكم الملاهي ..طبعا اول شي نروح البقالة نشتري ومااطلع الين اعبي لي كيسين او ثلاثة ويطالع فيني ..حبيبتي هذي الاكياس لمين ان شاالله اقول هذي حق التمشية و حق المدرسة ماعليك:icon31::icon20: هههه مسكين يحاسب و هو مستغرب و يالله نطلع السيارة و ع الملاهي عاد انا مااخلي لعبة الا و ركبتها الين تحوم بي كبدي ونرجع البيت و بعد العشاء يبدا يوم من المعاناة اليومية للذهاب الى الى النوم فاذا حسيت بالنوم و نمت هذي اكبر نعمة عليهم :icon28: و الا اكثر الاحيان تبدا المطاردة وهذي مسؤلية جدتي و عمتي :hahaha:ههههه طبعا احط رجلي من غرفة لغرفة ههههههه وابدا بالتسحيبات و التدويرات هههههه و جدتي تطاردني بالعصا و بعدين اخذ لي لفة ع المجالس و اطعس ع الكنبات و المراكي وبعدين استسلم و اخذ لي كم علقة و ابكي و اادخل والاقي اختي المسكينة قد نامت تقول جدتي الله يرضى ع اختك اللي ماعمرها تعبتني هههههههه
طبعا اذا رحت المدرسة و جت الفسحة تبدا الحرب العالمية الثالثة هههههه مادري ايش يجيني اذا جت الفسحة يجن جنوني واصير:booo: وتبداا المطاردات الجماعية و الفوضى و الهمجية و الشجارات العنيفة
و ندخل الفصول و تشوفون ساحة المعركة دمااااااااااار شامل ههههههه
طبعا الادارة يرسلون شكاوي لاهلي لكن لا حياة لمن تنادي وفي يوم من الايام كنت في الساحة الا و الاقي وحدة من الاداريات جاية و شكله جاية عندي و اقول ان شالله تلف يمين شمال والله و بنت ابوها جاية عندي
و الا تقول لي انت فلانة الفلاني قلت لها ايه قالت تعالي عند المديرة تبغاك خلاص انا عارفة مصيري ياربييييي
و تسمعون تعليقات البنات ياويلك من ابلة عفاف ياربي انا ناقصة تعليقاتهم و نظراتهم
المهم اشد الخطى الثقيلة حتى وصلت عند حضرة المديرة و الادارية وراية تقولون عسكري المهم و تطالع فيني وتقول انا سمعت انك طالبة شاطرة و ذكية صح ؟؟؟؟؟؟؟عاد انا تجمدت قلت ايه ..وضحكت ؟؟و تقوم من على كرسيها و تقرب مني وتقول افتحي عينك عشان اشوف عاد انا قلت ليش يابله قالت المستشفيات قالوا نكشف على جميع الطالبات عشان نشوف انتي تغذيتك سليمة او لا المهم وتشوف عيوني من تحت الجفن اللي اسفل تقول انتي عيونك باهتة لازم تتغذين لاننا نشوفك في الساحة بس تلعبين و ترمين السندوتش عشان كذا احنا نشوف الطالبات اللي مايفطرون نكشف عليهم عاد انا طلعت من عندها مصدومة ماادري اش معنى انا
...وخلوني اقول لكم ع موقف لااحسد عليه ف اولى ابتدائي طبعا اخذنا عمي اللي قلت عليه ويقول بنطلع نتمشى المهم و نتجهز انا و اختي و ركبنا و ركبب معان عمي الثاني هو دايم وجهه كذا:mad: مادانيه طبعا استغربت انه راح معانا بس قلت يمكن بيوصله ونطلع المهم و نمشي الا و المستوصف قدامي انا ضرب قلبي بقوة الا عمي يقول انزلوا قلت ماعليه تضحك علينا والله مانزل قال لاتخافين مافيه ابرة قلت طيب و الله ماانزل طبعا اختي نزلت مستسلمة هههه اما انا سكرت علي الابواب و تمسكت بقوة بالمقعدة و يجون الاثنين يفتحون الابواب واحد يفتح وواحد يمسكني واصيح و ابكي فكووووووني طبعا شدوني من ايدية وجسمي يسحب ف الارض و ابكي من قلب من جد خايفة من الابر و اختي حليلها تطاعلع فبني و تبكي المهم فكيت يدي و تمددت في الشارع ههههههه تخيلو و الناس يناظرون عاد عمي الكبير استجمع كل قواه البدنية ويمسكني ويرميني على كتفه ووجهي صار مقلوب هههههههه وندخل العيادة و يمسكونني ممرضتين و الثالثة ضربتني تصدقون ماحسيت فيها من الصياح و الحركة و خلصت الحمدلله وانتظر اختي الا وتشوف الابرة وتبكي بقوة ياعمري عليها بس ما صاحت بس خافت المهم خلصنا و انا اشاهق و دموعي باقي في عيوني هههههههههه طبعا هذي التطعيمة حقت اولى ابتدائي
ان شالله ماطولت عليكم و اعجبتكم سيرة حياتي هههههههه
محبتكم
:icon35: