ذكريات كنعان وكلنتون!!خخخخخخخخ

عندي لكم سالفة حلوة ..ايييييييييييه ذكريات كنعان وكلنتون..خخخخخخخ

كنعان هو راعي السالفة..
كنعان هذا شاب مملوح و سلتوح من السلاتيح وفيه حقه من الخبث واللعانة ويدرس في سادس ليلي وصار له ساقطن فيها ست سنين<---- لحد يقول اصلن اللي يسقط مرتين يقضبونه الباب كنعان مهوب سهل ..عنده واسطه يعرف الفراش :28: :28:

اما عن سالفته هو وكلينتون فيقول كنعان في يوم من الايام في وقت قايلة وانا منبطح قدام المكيف الصحراوي ما دريت إلا واحد يطق الباب واقوم والقاه كلينتون قلت وش تبي يا وجه العنز ...قال ابد طال عمرك خرب علي موتري ومثلك خابر الوقت قايلة وودي نقلط ....
قلت طيب اصبر شوي واروح واجيب يد النجر واروح له وانا ناوي افقع راسه واطلع له

وتوني رافع يدي ابطقه وما دريت إلا وانا اسمع صوت بنية والتفت واثره بنته تشلسي أنا يوم شفتها طاحت مني يد النجر وطاحت سعبولتي عاد أنا أزين وحده شفتها عجوز تكرونية كانت ساكنة جنبي واشلون عاد يوم صرت قدام هالحمرا العطر!!
:26: :32:
المهم وما قمت من هالحاله إلا يوم قال لي كلينتون يالله اجل ابروح احاول في موتري كوده يشتغل قلت معصي علي الطلاق إلا تدخل عندي ..عاد هالملعون قام يتغلى وانا اللي اجي واتله مع رقبته وادخله ويوم رحت ابجيب القهوة قلت في نفسي
أنت حمار يا كنعان فيه أحد يقلط عنده امريكي ويجيب له قهوة واقوم وانقز للبقالة اللي جنبنا واشتري اثنين سنتوب ويوم جيت ابرجع قلت ما يصلح اودي لهم سنتوب لحاله لازم اجيب شين يوكل معه واعود للبقالة..واشتري كتكات واروح لهم واعطيهم السنتوب ونقسم الكتكات كل واحد له عود المهم عقب هالوجبة الدسمة
قعدت اسولف انا وكلينتون..."ابوك يالسوالف"...ههههههه
قلت والله هذي الساعة المباركة اللي شفناك وراك الله يهديك قطعي ما تسير ولا شي وتاخذنا السواليف ..يوم اذن العصر قال يالله انا ابمشي قلت له وين تو الناس والله إن تقعد عندي اسبوع واشوى طاع<----- كل هذا مهوب حبن فيه حبن في بنته !!:32:
وعقب ما انتصف العصر قلت خل اعلمه إني منيب سهل والتفت عليه قلت وش رايك اروح اوريكم مزرعتي قال لا ما يحتاج اصلن انتم داجين هاجين ما عندكم إلا الغبرات وش نروح نسوي في مزرعك ؟..:31: عاد انا قاعدن اهك عليه ..قلت ترى في المزرعة مسبح و حيوانات وزواحف وشين ما يخطر على البال يوم سمع حتسيي قال يالله مشينا ..أنا اصلن ما عندي مزرعة ولا هم يحزنون قلت عزالله تورطت يا كنعان...واشوى تذكرت إن جاري ابو صويلح عنده
مزرعة في المزاحمية ..وانقز لابو صويلح قلت تكفى لاتفشلني قال وش تبي قلت مسير علي احد خيلان ابوي وابيك تعطيني مفتاح مزرعتك ..واشوى هداه الله وعطنياها وقالي انتبه تراني ناشرن تمر خضري وابكنزه عقب كم يوم إياني واياك
تبلعونه قلت ولا يهمك منحب لامسينه .....

ونروح انا و كلينتون وبنته تشلسي ..المهم وندخل المزرعة وعينك ما تشوف إلا هالغبرة ...قال وين الحيونات اللي مزعجنا بها واقوم واطلع والقى على جدار المزرعة برصي واجيب النبيطة واصقعة ويطيح وانا اللي اجي واحطه في قارورة موية صحة لقيتها طايحة ..واروح ادخل عليه واوريه البرصي قلت هذا حيوان نادر تصدق إن حديقة الحيوان اللي في الخرج جايين يبي
يشرونه مني بمليون وعييت قال قل قسم قلت افا بس يابو جون والله ما هقيتها تجي منك يعني أنا اتسذب عليك ؟"حاشاك يا كنعانوه"
قال وراه ما يتحرك قلت هذا الوقت اللي يقيل فيه والله الرجال صدق عاد أنا ابنفخ نفسي قلت هاه يابو جون عندكم مثل هذا
قال وين باقي الحيونات والزواحف اللي تقول عاد أنا ابصرف الموضوع قلت لكلينتون وش رايك نروح نسبح..ترى السباحة فيه فوايد عظيمة

:22: ..:22: اتمنى تكون عجبتكم ..واذا عجبتكم باكمل الجزء الثاني ..من ذكريات كنعان

ملتوووووووووووووووشي..