رساله من ام لمدير جمعية الرياض ومدير جمعية تبوك
ذنبي برقبتكم انا وعيالي ولا اسامحكم الى يوم الدين على الي سويتوه فيني اولا مدير جمعية الرياض قدمت عليكم وانا فعلا محتاجة متزوجة رجل كبير بالسن ومتزوج وله11ولد من غير اولادي الاثنين موظف شركه وعليه اقساد اخذها زمان طيرت تقريبا كل الراتب ولا صفى منه الا الف وخمس ميه ويصرف على ثلاث عوايل امه واولاده من زوجته الاولى واناواولادي وبيته على البنك ولا سدد منه ولا قسط ومريض ومعه دسك وجبنا لكم كل الاثباتات رفضو اول يعطونه شئون والحين بعد رفضتوه بحجة انه مايصلي طيب افرض انه مايصلي انا ايش ذنبي وايش ذنب اولادي اقسم بالله تمر علينا شهور ثلاجتنا بدون مبالغه فاضية مافيها ولا شي والكهرب طافي ايش ذنبي اهجر بيتي وارجع عند اهلي بس علشاني ماني قادره اعبي ثلاجتي واكلف على ابوي الكبير بالسن والي هو بعد الله يرحم حاله لا وظيفه ولا شي متسبب على باب الله يبه ابي حليب لولادي يبه حفاظاتهم خلصت وانا ماعندي يبه تكفى سلفني وانا اعطيك لما يصير عندي الا متى هالذله واذا ضيقتها عليه مره ارجع لزوجي والقى الحاله اردى من اول ببيتي مره جيت موظفين الجمعيه الي عند بيتي بالرياض وحاولت اتفاهم معهم وقلت لهم مالي غيركم تكفون طالبتكم طلبه ترى الحاله كسيفه تكفون مرو بيتي شوفوه باي وقت والله عيالي ماعندهم حليب وبيتنا فاضي وقالو زوجك مايصلي مانقدر قلت لهم طيب خلاص ماابي شي بس ابي علبة حليب وحده لولادي لما ادبر حالي وافتحوها حتى ماتقولون باعتها وطعجو علبتها حتى مااحد يشتريها وياليت نفع قالو لي روحي معاملتك موقفه حسبي الله ونعم الوكيل وين انا عايشه وليش كذا وبالنسبه لمدير جمعية تبوك اقدم له الشكوى هاذي انا جيت من الرياض وقلت ارجع عند اهلي والسبه ماقدرت ادبر مقاضي لرمضان وكلمت موظفاتها وارفضو بس لاني صريحه وقلت لهم انا من الرياض وارفضوني قالو لي لا مانقدر ارجعي قدمي هناك بالرياض بالله ابي افهم الحين انا وين اولي وين اروح ضعت انا وعيالي والسبه الجمعيات الخيريه وشروطها الغريبه والاغرب منها موظفه بالجمعية تقولي انتي توك صغيره روحي توظفي اتوظف ايش الشباب مو لاقين انا القى لكن الله مايضيع دعوة مظلوم ولا ينسى دموعي وانا محتاره باي بلد اهدي حتى اقدر اعيش انا وطفليني ومحتاره بهالايام الفضيله منين افرحهم بالعيد صدقوني انا وزوجي فكرنابموضوع الطلاق كحل اخير حتى الجمعيات تسجلني انا وعيالي ولو صار الشي
هاذا ذنبي برقبتكم تكفى شوف موضوعي ياريس جمعية تبوك وانت ياريس جمعية الرياض لا زلت اتمنى منك تنهي معناة اسرتي تكفون طلبتكم خلو مره وحده العيد يمر علي انا وطفليني بدون دموع سبتها الحاجة
ولا حول ولا قوة الا بالله
هاذي الشابه جتني اليوم وقالت لي انا قالو لي ان يمكن رئيس الجمعية مايدري عن الموظفين والي يسوونه وقالت لي ياخوك تكفى اكتب على لساني يمكن يسمعون ويحلون مشكلتي وكانت تبكي وهي تكتب لي على الورقه ولما كتبتها رجعت بيتها وهي تبكي وتقول والله لو سمعوني ولا لبو ماسامحهم على دموعي اليوم وانا منين افرح عيالي مثل باقي خلق الله وان ماحلو مشكلتي بعد ماكتبت مشكلتي يكون من جد مابدنيا خير ورمت علي الورقه وراحت لاهلها تبكي وانا اعرفها هي متزوجه يوم عند زوجها وشهور عند اهلها واذا شافت حالها ضيقت على ابوها راحت لزوجها لكن ماتطول عنده لانه على حسب مااعرف عنه انه يفتح حسابات عند محلات شهر ولما يجي اخر الشهر ياخذون راتبه كله ولايغطي الحساب ويسكرون الحساب ولا يقدر يتدين منهم شي كانو يبيعون كرت العيله النص بالنص ويسدون الدين من الراتب بس الحين كرت العيله حقهم اخذوه منهم الديانه يساهمون فيه وياخذون ديونهم منه وتردت حالتهم مره اتمنى من الجمعيات من كل قلبي يساعدونهم اقسم بالله حالتهم مامرت على بشر اتمنى ان اي رئيس جمعيه يساعدهم ويسجلهم بعد مايقدمون اثباتاتهم
نقل الموضوع على لسان ام محتاره
منقووووووووول من منتديات تبوك ,,
☆☆حرم الضابط☆☆ @hrm_aldabt_3
محررة ذهبية
يلزم عليك تسجيل الدخول أولًا لكتابة تعليق.
حسبنا الله ونعم الوكيل الله يرزقها من واسع فضله ويغنيها هي وأولادهاحسبنا الله ونعم الوكيل الله يرزقها من واسع فضله ويغنيها هي وأولادها
جزاك الله خير :26:
ammazen
•
حسبي الله ونعم الوكيل
والله العظيم ان البلد الخير فيه وكل الخير فيه
لكن البطااانه الفاسده
حسبي الله ونعم الوكيل
والله رااااح نسألهم عنها يوم القيااامه
حسبي الله عليهم
يالله ياربي تفرج ضيقتها يالله يااارب تصلح حالها وحاال عياله
الله يرزقها من واااسع فضله
والله العظيم ان البلد الخير فيه وكل الخير فيه
لكن البطااانه الفاسده
حسبي الله ونعم الوكيل
والله رااااح نسألهم عنها يوم القيااامه
حسبي الله عليهم
يالله ياربي تفرج ضيقتها يالله يااارب تصلح حالها وحاال عياله
الله يرزقها من واااسع فضله
ammazen :
حسبي الله ونعم الوكيل والله العظيم ان البلد الخير فيه وكل الخير فيه لكن البطااانه الفاسده حسبي الله ونعم الوكيل والله رااااح نسألهم عنها يوم القيااامه حسبي الله عليهم يالله ياربي تفرج ضيقتها يالله يااارب تصلح حالها وحاال عياله الله يرزقها من واااسع فضلهحسبي الله ونعم الوكيل والله العظيم ان البلد الخير فيه وكل الخير فيه لكن البطااانه الفاسده حسبي...
الله يعطيك العافية أختي ..
الصفحة الأخيرة
الله يرزقها من واسع فضله ويغنيها هي وأولادها