ذنب من ؟ انتقال السكن مع الحمولة >> تعديل العنوان (المشرفة)

السلام عليكم ..........................

لفت انتباهي في قسم الحياة الأسريه في موضوع وحده من العضواة تشتكي من حمولته فردة عليها وحدة من العضواة وقالت هذا شي اخترتيه لازم تتحملينه (تقصد السكن عند الحموله)..............

طبعآ محاكيتكم كنت ساكنه فبيت الحالي اول سنتين زواجي بس بسبب ظروف ام زوجي الصحيه (جاها فشل كلوي الله يكفينا الشر) اضطرينا اننا نسكن عندهم لأننا بطبيعة الحال نص الأيام تاركين بيتنا وقعدين عندهم ..................

الحين الوحده اذا تقدمله انسان كفو وما عليه كلام بس عيبه انه بيسكن عند اهله نرفضه طيب هو كا انسان مافيه شي يعيبه والكامل وجه الله ليش دايم نلوم الي تسكن عند حمولتها ولا نسمح لها انها تفضفض وتطلع الي في خاطرها (اذا اشتكت من الحموله)ليش دايم نقولها ان هذا شي انت اخترتيه تحمليه يعني هي تلاقيها من حمولتها الي مزهقينها عيشتها ولا من رجلها الي كل شي عنده اهلي اهلي ولا من الناس الي ما ترحم بلقافتها (ها ما طلعتي يافلانه فبيت لحالتس ,,عسى خالتس حبيبه ,,)ومن ها الكلام الي يقلبون فيه المواجع كل يوم والثاني .........

انا كتبت ها الموضوع ودي اعرف رايكم هل الحرمه تصير هي المذنبه في حق نفسها وصحتها (الضغط والسكر)لما توافق على انها تسكن عند حمولتها او الذمب على مين هل مفروض الحرمه تتحمل كل ما يجيها من الحموله دامها ساكنه فبيتهم ودي اعرف وجهت نظركم في الموضوع....................


*************اتمنى يكون فيه تفاعل******************