الــــــحلوة ...
صادقة حقون الفزعة مالهم داعي مطلوب منهم يشيلوا الصحون وهم قايمن ويقلطوا مكانهم وبس......
وتسلمي علي مشاركتك

بالنسبه للحديده تعرفين حقت المراصيع ممكن تولعين عليها النار وتحطين الدلال عليها
او فيه مثل الصواني عند حقين المواعين تنشبك على كهرب وتسخن الأباريق والدلال

هلا والله بالحجاز وهل الحجاز 00 هل الكرم والجود
حبيبتي ماشالله عليهم البنات ما قصروا 00 كل ما حاولت اكتب شي لقيتهم كاتبينه00
ذكرتوني مرة كنت معزومة عند وحدة ومع إن عندها خدامتين إلا إنها هي اللي تطبخ وتمللنا من كثر قوماتها واكثر وقتها في المطبخ وقلت في خاطري مستحيل أحط نفسي في مثل هالموقف لو عزمت حد
حبايبي بغيت أضيف إنه إذا كانت العزيمة على قهوة وشاي أشكل في أصناف الحلى والموالح وأحاول أضيف شي يكون أول مرة يشوفونه عندي
أما إذا كانت العزيمة على عشاء بالعكس ما أكثر في الأصناف اللي تجي مع القهوة والشاي وأركز على أطبق العشاء والتحلية
والنقطة الثانية أحيانا يتجمع عندي حريم كبار ومعهم بنات في سن المراهقة أو العشرينات 00 وتلقين البنات في مكان والحريم الكبار في مكان فأحاول أقدم للبنات القهوة الباردة أو التراميسو المثلج أو الموكا المثلجة تراهم يستانسون عليها00 والحريم الكبار مشروبات مثل الزعتر والكركدية 000
والفواكة ما أفضل تقديمها مثل ما هي أحب أعملها سلطة فواكة عليها ايسكريم ومكسرات000 وشووو بعد؟؟
حاولي تحطين العاب الاطفال برا في الحوش علشان يكون اكثر لعب الاطفال برا ما يخربون لك البيت
وانشالله ما يجون ضيوفك إلا وانتي كذا====>

gaamra....
مشكورة علي ردك وسؤالي هو
المراصيع هي الي نحط عليها قدر الرز عشان ماينحرق
والكهربائية الي تقولي عليها في صغيرة حقت دلتين بس

الحلــ أم ــوين
هلا والله بالحلوة الحلــ أم ــوين
يسعدنا ان اهل قطر يشاركونا
المعروفين بضيافة اهل الخليج الاصيلة
ومشكورة علي كل النصائح الي قدمتيها واكيد بستفيد منها
وياريت تعلميني طريقة سلطة الفواكة
وتسلمي علي الصورة الحلوة
والله يجعل حياتك كلها أمل

حبيبتي سلطة الفواكة ما يبيلها شي00بس حاولي تكون ألوانها مشكلة يعني: مانجو-كيوي-فراولة-حب رمان شمام-بطيخ أحمر-أناناس-تفاح-خوخ-موز000على كيفك

أول شي تخلطين كوب عصير برتقال فرش مع دبة كبيرة عصير مانجو مع سفن أب علشان ما يتغير لون التفاح والموز وبعدين تضيفين لهم الفواكة 000
طبعا تقصينهم بشكل مرتب وتكون وسط ما هي صغيرة حيل ولا كبيرة مره والشمام أو البطيخ الأحمر أقصهم على شكل كور بالقطاعة الخاصة

وعند التقديم خذي الأكواب الكبيرة والعميقة مالت الحلى حطي أول شي نقطة فيمتو وأحيانا أحط شوي من شراب الرمان المركز إذا السلطة ما فيها رمان وبعدين أغرفي من سلطة الفواكة وعليها مغرفة آيسكريم فانيليا على الوجة وبعدين شوي هيرشي شوكلاته وفستق ناعم 00 بس انتبهي لا تحطين الآيسكريم إلا وقت التضييف علشان ما يذوب ويخترب المنظر 000 وصحتين