انا واصلة آخر شي
المهم بكتب طريقتي انا توني منتقلة لبيت بروحي يعني منحوالي 6 شهور وبصراحة عزايمي قليلة يمكن 4 او الناس مش غريبين عني
بتضحكون علي...مرة زوجة صديق زوجي زارتني اول مرة وكنت ماااعرف شي بالمرة والله كني هللا
المهم كانت تقولي لالابرووح لنه ماكنا مأثثين الصالة اللي تحت ووديتها فوق للصالة وبعدين كنت ماسكة بنتي وشكلي وووع
ماعندي اسلوب بالمرة وعلى طول جبتلها قطعة كيكة وبس يعني المفروض اتأخر اشوي احس اني كنت غبية
وبعد هالمرة قلت لازم انظم وفتحت المنتدى وسويت بحث وأخذت افكار عن الزيارات العائلية
واشتريت اكواب عصير فخمة واطقم شاي راقية واشتريت عربة تقديم من هوم سنتر روعة خشب حفر وشكلها رووعة مع الاثاث وصرت اتعلم من خواتي لنهم كبار ومتعودين وطرق الحديث واسلوب التحايا والتقديم السنع
اكيد لاعت كبودكم من كثرة كلامي صح؟
انا دايما عندي برتقال للعصير افخم وارقى مع اوراق الزينة اللي تنحط تحت الكاسواحطكل شي على عربة التقديم وبس فكيت عمري من العبالة<<<<يعني ريحت نفسي من المجهود لغير الناطقين بالاماراتية المحلية
واحط الصحون تحت والاطباق فوق يعني مااكثر نوع حلو والاخر مالح مثل الفطاير

اما التحايا فلازم تكونين مبتسمة علىالآخر وتتكلمين في البداية عن مدى سعادتج بقدوم الحرمة وتسألينهاعن اهلها وشو اللاحوال يعني انتي حطي بعض الكلام اليي بتقوليه عشان ماتبقين ساكتة وتبتسمين يعني خليج وايد واثقة من نفسج واذا عن الصغار خليهم مع عيالج في غرفتهم يشوفون الرسوم
اما عزايم العشا....يا لهوي بعدني ماجربت الاعزيمة رياييل كانت سهلة فطاير ومعكرونة بالبشامل وسلطة مشكلة مع دجاج مشوي بالفرن مع لوازمه وصينية مسقعة
والحلو ميني دونات مع قهوة وحلا السنافر الي على شكل طبقات وهومعروف في منتدى الحلويات
وبسسسسسسسس ومشكورين على الموضوع

موضوع روعه والله عن جد انتي عطر لكل موضوع تضعينه
من جد موضوع مهم مهم جدا
بس انا عن نفسي افضّل ان اعرف اغلب المحلات الجاهزه اللي تشرف واعمل بوفيه متواضع بس يكون لذيذ هذا بالنسبه للعشاء اما الباقي لي عوده بالتفصيل من عصيرات وحلى وشاي ولوازمهم

الليالي العصره ماعاد بينتي ودي اعرف وش سويتي بالعزومه
والله شهيتوني على العزام بس شرط غزايم رجال لانها اسهل بكثير من الحريم لان الحريم يبغالهم قعده وسالف وانا مااعرف فالرجال سهله جهزي كل شي من مغرب ومايبقى لك الا اذا زوجك وطلب كل شي عطيه ولا ناوليد اياها من عند باب قسم الرجال ولا احسن قولي له روح المطبخ وخذها تراها جاهزه

ونات حزينة
يعطيك العافيه وماشاء الله عليك طورتي نفسك وتعلمتي
وهذا المفروض الي تسويه كل وحده

سبيكه ذهب
هلااااو غلا والله مشاركتك احلا عطر
وممكن كلامك صحيح للزنقه بس الناس تفضل البيتي
واذا تعوديتي تجهزي من قبلها بليله او الصباح
راح توفري الوقت وتقدري تتفرغي وتنظمي اكثر للزياره

ام الحلى كله
هلا والله

العزومه الاصليه أعتذروا

لكن بعدها صارت رجال والحمد لله مرت علي افضل حال

وبعدها جاتني صحبتي لحالها ونمون علي بعض جهزت حاجات بسيطه
عملتها بنفسي مع مقبلات وبشاميل وحلويات

وسلامتك والان الموضوع صار مفيد لنا كلنا ان شاء الله