بنات ياليت تشرحون لي بالتفصيل عن ايش تقدمون وايش تقولون
لناس جاييين يخطبون وهل البنت هي اللي تضيف او احد خواتها ساعدوني
والف شكر

ما شاء الله عليكم يا بنات الله يوفقكم يارب ..

اختي garma>> ,والله انك تتكلمين عنا بالضبط انا مو متزوجة بس بالضبط مع اهلي كذا نسوي زي عزايمكم واهلي يحسون فشلة ذا البوفيه والحركات لازم مفطح بس في رمضان ممكن نسوي بوفيه ,, عادي ,, بس في العزايم اتمنى اسوي حلا امي تقول لا وابوي يقول سوي عادي ,, وامي تقول تضيعي الوقت ماله داعي الخرابيط الزايدة يعني مع المفطح نسوي يدامات + مرق + لبن + خبز + سلطة + احيانا حلا ونتعب كثير لأن عزايمنا عوايل كبيرة وكثير عدد العوايل ,, يعني ما يروحون الا واحنا دايخين ..

بصراحة عزايمنا مرة تتعب الله يعينا وياكم ..


يا حليلك يا زي العسل ,, عادي انا افضل الام ترحب فيهم واذا عندك اخت متزوجة ترحب فيهم معها وانت تجي بعدين تدخلي وتسلمي وامك تعرفك عليهم وتقول هذي بنتي زي العسل وبعدين اطلعي قدمي العصير والي بتقدمين وصبي القهوة وخليك سنعة المهم خليك مستحية وبنفس الوقت لا تنزلين راسك مرة عشان ما يتسلطوا عليك ويشوفوك ضعيفة وخليك طبيعية امشي بهدوء والله يوفقك يارب .. ويكتب لك الخير ولا تنسي تقري المعوذات ..



بنات احنا محتاجين نتعلم كيف نرحب من جد والله انا استحي ما اقدر اتكلم صح اقول هلا والله يالله حيهم تفضلوا ,, بس ما احب اجلس مع الضيوف ما ادري ليش طبعا مع الضيوف العاديين اما صديقاتي والي احبهم وفعلا يستاهلون ما ودي اقوم من عندهم ,, صراحة يا بنات انا اضغط على نفسي واجلس بس عشان امي ,, والله يرزقنا برجال يعرفون قدرنا ويخافون الله فينا

موضوع مفيد جدا جدا..

والله يجزيكم كل خير على هالنصايح والتجارب الحلوه..

بصراحه انا اكثر شي يزعجني وقت العزايم.. اني استحي موووووووووت.. :(

يعني ماشالله اشوف جدتي وامي حتى خواتي الاكبر مني الله يحفظهم.. يرحبون بالضيوف.. ويهللون.. والكل يستانس على قعداتهم..

اما انا ابقى ساكته طول الوقت... قبل كنت اقول ان الشي عادي صغيره..

بس الحين انا تخرجت يعني ماني صغيره اني مور :(

تصدقون عاد.. انا استحي حتى اقعد او اضيف خوالي وخالاتي ..

مع ان فيني جراه بس ماادري ليش.. جدام الناس كني انسى الكلام كله.. واظل اردد بيني وبين نفسي الي قلته صح ولا غلط .. ولا هي سمعتني ولا صوتي واطي..

اكره الزيارات بسبب خجلي هذا.. طبعا زيارات الاهل ومعارف امي.. اما صديقاتي طبعا غيررررررررررررررررررررررررر.. :)


ياليت القى عندكم حل :(



وجزاكم الله كل خير .. خصوصا راعية الموضوع.. اهنيج على شجاعتج.. وان شالله تبيضين الويه يوم العزيمه... مع كل هالنصايح الزينه من الاخوات...

:)

تصدقين ؟؟
عندي نفس المشكله ...... لما اجي بعزم احد يمسكني هم وااحس الوقت مايمشي ....
حتى زوجي يتتريق علي يقول لي اوديك المستشفى ؟
ههههههههههههههههههه
مشكلتي اخاف اطيح من عينهم ...وانا مااسوي عزايم الا لحمولتي
وحمولتي مايحبون الا السنع ..
يعني ابوو الورطه من جد يعيبون عليك في كل شي حتى لو ماكان عندك عيب يطلعوون عيونك لين مايقولون انه حلو لا وياااااله يقولونها

اسفه طلعت برى الموضوع ..
اتمنى اساعدك بس انا اعاني ضعف المشكله :(

:(