الف شكر ويعطيك العافيه

يالله ورونا كرم الضيااافه يابنات :) ضيفونا بخبراتكم الحلووه

هلا فيك حبيبتي باقول لك طريقتي اول شي اساسيات
تحددين وش بتسوين حلى قهوه وشاهي وكم الاطباق اللي بتسوينها وحلى العشى علشان تجهزين الاغراض قبل مو لين دخلتي المطبخ تتعطلين نقص وبقى ومادري ايش
من الصبح افرش السماط واصف الصحون بالمقلط واصف المناديل وما احط فاكهة مع السفره وباقول لك ليش بعدين واسكر المقلط
فيه سلطات اسويها من بدري وما ملحها واحطها بالثلاجه
المعجنات والكبه وورق العنب قبل بيوم والغالب اطلب من برى واذا كان من برى اطلب من المطعم يجيبه المغرب واحطه على السفرة على طول مو لين جو الضيوف اقعد ادخل عندهم
انا ما احب فكرة العصير لانه يسد النفس
اقدم القهوة بس هنا السناعه طبعا قبل يجون اكون مصلحتها ومبهرتها بس احميها وعلى بال ما يكتملون تكون احتمت طبعا دلال مو ترامس وهذي صراحه السناعه
وطبعا الشاهي نادر ما احط معه شي علشان العشاء
وبعدين لما يتعشون اكون مجهزه المغاسل بورد مجفف وشموع وعطور ولبان ومبخره
ولما يقعدون بعد العشاء ويروقون اجيب الحلى والكيك والفاكهه بسله وعها صحون وكل وحدة تحط اللي تشتهي وسكين والحلى يكون بكاسات نوعين فراوله وشوكلاته كل وحده واللي تحب علشان ما اتبهذل قطعي ابي صغيرة ابي كبيرة وووووووووووووخلاص تعبت وطولت عليكم اااسفه

يعطيكم العافيه ياليت تعلموني طريقت تزيين مناديل طاولات طعام ابيها ظروري جزاكم الله خير

يعطيكم العافيه ممكن تعلموني طريقت تزيين مناديل طاولت طعام

حواء الكون...
مشكورة علي مشاركتك المشجعة

شوشو مشاكل..
هلا حبيبتي وأذا عندك اكثر مانقول لأ حياك الله

لكن العصير انا أفضلة لأن يكونو حرارنين او عطشانين وعلا بال ما يكتملوا
واذا كان شتاء مشروبات ساخنة

وفكرة دلال القهوه حلوة بس المشكلة ماتقعد حارة وتعرفي الحريم يحبوا القهوة وكل شوي يشربوا فكيف تسخنيها؟يعني اروح وأسخن وأرجع وهكذا؟

واكيد اذا بيتعشوا مأحط مع الشاى شئ يكفي العشاء وفي ناس مايحطوا الشاي اصلا يخلوة بعد العشاء

عند المغسلة تكوني مولعة الشموع والمبخره تبخر .. اخاف يقولوا ياهمي رايحة فيها

والحلي احس افضل كلة علي السفرة مع الفاكهة عشان الحوسة تنتهي مرة وحده

وبعدين اقدم لهم شاى اخضر بالنعناع

علمتنى الايام...
ماعندي فكرة اكيد البنات مايقصروا