كل الأسامي موجوده :

هذي سالفة أغلب حواراتنا .. !! ودي اعرف من الأخت صاحبة الموضوع .. إذا تكرمتي .. انتي وش هدفك من طرح الموضوع ؟؟ هل تبغين تعرفين وجهة نظرنا ؟؟ أو تشوفين بنظرة عامة كيف علاقة المتزوجات مع أهلهم ؟ أو موضوع للتسلية ؟؟ أو تفرضين رأيك علينا ؟؟ >> وهذا هو اللي أشوفه في ردودك .. اللي تتفق معاك قلتي يسلم فمك هذا هو عين العقل وووووو واللي تخالفك قمتي عليها واقري الموضوع زين شكلك مافهمتي أو وييييينك يارسول الله تشوف حال الحريم !!! يااختي الخلاف في الرأي لايفسد للود قضية .. ماتنامي عند أهلك بسلامتك والله يهنيك بزوجك ويهنيه فيك .. بس ليش بالقوة كذا تبغين كل الناس زيك ؟؟ وكل وحده تنام عند أهلها صارت مهملة ومسكين زوجها ومقصرة بحقة ويمكن تدخل النار بعد !! :06: بس أظنك فاهمة الزواج غلط >>> لاتزعلين هذي طريقتك في الرد علينا اتحملي ردي وآسفه لو غلطت عليك يعني الزواج مو انفصال عن الأهل وعبودية للزوج .. كلنا عارفين حق الزوج مو بس انتي واللي ردو مثل ردك .. لكن أبي أفهم وين المشكلة اللي تشوفونها لما أتعب نفسيا أو أحس بضغط المسئوليات في البيت .. أو لو أزعل مع زوجي وبعادي عنه يومين يصفي النفوس ويهديها وبحيث كل واحد منا يراجع نفسه ويعرف قيمة الثاني وأهلي ماعرفوا أصلا اننا متزاعلين .. وغرفتي ببيت أهلي لازالت موجوده يعني ماراح أزعجهم ولاشي ماعندي إلا بنوته وحده .. وزوجي يحثني على بر أمي بما اني أنا البنت الوحيده في نفس المدينه .. وماعنده أي مشكله أهله عنده لوبغى شي والنوم في البيت ماراح يجيه البعبع ويخوفه !!! ولو عرضتي الموضوع هذا في منتدى عام كان شفتي آراء الرجال ع الموضوع لاتنظرين من زاوية وحده .,. أنا أجزم أن أكثر الرجال يؤيدون هالشي .. لأن أي شي بهالدنيا مقابلك طول الوقت بتملينه وهذي حقيقة ثابته محد يشك فيها .. ووحده قالت عمركم سمعتوا زوج يقول بروح أرتاح عند أهلي كم يوم >> مع كل الإحترام لها مدري وش يبي هالرد !! من المعروف ان الرجل أقل من المرأة ارتباط بأهله وحتى هم غالبا مايفقدوا الإبن إذا تزوج عكس البنت .. والشي الثاني . الزوج مايقول كذا لكن يروح للبر >> أو للبحر كم يوم مع أصحابه >> وماقال هذي أسرتي مسئول عنهم وهم رعية امرني الله بحفظها مدري عنهم قامو للصلاة تغدوا تعشوا !!! وبعضهم يسافر مع اصحابه بالأسابيع ولافكر .. وجارتي زوجها طلع كشته للبر أيام الاختبرات لأن الجو مايتفوت على قولته .. وعياله بالثانوي والمتوسط وبررررضه مافكر !! واللي زوجها يوميا بالاستراحه وماسأل عنهم وبعضهم إذا قالت له الولد مرتفعه حرارته تعال نوديه المستشفى قال كمديه والا دقي على اخوك يجي ياخذه !! ماسمعناكم تتكلمون عن هالنوعيه من البشر .. والا الحريم مخلوقات فضائية لاتكل ولاتمل ولاتحتاج للراحة !! والا المصيبة الثانية اللي تقول إذا غابت يمكن يجيب وحده بفراشها >>> وين عايشين يالغاليه خذوها كلمه وحطوها حلق بآذانكم اللي مايمنعه من الخيانه خوفه من الله .. والله لو كل البشر حوله مايمنعونه فمابالك بزوجه ربما تكون مغفله !! والأهل مازوجوني عشان ماعاد أجرع بيتهم مره ثانيه >> ليش تبروا مني !! بالعكس تعلق المرأة بأهلها في صالحها وفي صالح أولادها .. لكن تركها لبيت زوجها مقابل هذا التعلق هو الخطأ .. بيتي هو مملكتي .. لكن بيت أهلي هو بيتي غصب عن الدنيا كلها .. في كل ركن لي حكايه وموقف وذكرى .. عمري قضيته فيه مع أغلى وأحب الناس وبسبب زواجي أعتبر نفسي ضيفه عالمكان اللي حضني عمر بحاله !! أنا زوجي ديام يغبطني على حبي لأهلي وحبهم لي >> ماشاء الله تبارك الله لأنه محروم من هالشي في أسرته والزوج معروف حقه لكن الوالدين كذلك معروف حقهم .. وياليت نلقى ناس مثل ماتفكر بأزواجهم تفكر بوالديهم .. واللي ماتنام عند أهلها وربي انها فاقده أعلظم شي بالحياة .. وماراح تعرف كلامي غير لو بعيد الشر فقدتهم .. صديقة لي هنا في الرياض وأهلها بالقصيم كانت تروح لهم كل فترة وبين عشية وضحاها توفت أمها وثنتين من خواتها واخوها .. الله يربط على قلبها .. الله يعينا على أداء ماعلينا تجاه والدينا أولا ثم تجاه أزواجنا وأولادنا .. وفي الأخير .. ماحب أجبرك على تأييدي لكني ماأحب تفرضي رايك علينا ..

هذي سالفة أغلب حواراتنا .. !! ودي اعرف من الأخت صاحبة الموضوع .. إذا تكرمتي .. انتي وش هدفك من...

مصرقعة هانم :

<p></p> <p> </p> يسلم فمك نفس اللي لاحظته على صاحبة الموضوع جمود في الراي من غير النظر لظروف غيرها واسلوب حياته وكل اللي يخالفونها تنادي الرسول عليه الصلاة والسلام والا تذكر النار والا الخيانه خخخخخخخخخ ماتدري ان اللي بيخون بيخون سواء في هي في البيت والا برااا وشكل السبب في هذا الموضوع كالعاده وضع اسباب الخيانه على المرأه وتبريء ساحة الرجال المسكين المغلوب على امره اللي ماعنده حساب يوم القيامه ويمشي على راي زوجته وما يرفض لها طلب حتى انه المسكين يوم راحت لاهلها يومين في السنه راح وخانها ياحرااام هي السبب ولو بيسافر للخارج وزعلت هي الغلطانه لو شكت فيه !!!!!!!!! شكلي بعطيك عين ماشاء الله ياصاحبة الموضوع شكل زوجك مقابلك وموفر لك سبل الراحه ولا يعرف السفر ولا طلعت البر ولا النت واذا مرضتي ساعدك في البيت ولا يرميك عند اهلك بالايام غصب عنك ويسفه مكالمتك كله علشان يقابل النت

<p></p> <p> </p> يسلم فمك نفس اللي لاحظته على صاحبة الموضوع جمود في...

شموخي في ذاتي :

حلو الوحده من فتره لفتره تبعد شوي عن زوجهااا يعني تاخذ اجازه بالسنه كم اسبوع تسوي نيو لوك جديد ومالها وقت معين علشان ماتصير عند الزوج عاده او وقت محدد لازم تروح فيه. لان بعض الازواج خلاص يتعود على بعدها واهمالها لدرجة اعرف وحده قريبتي تقول جلست اربع سنوات في الوكيند اروح يومين من كل اسبوع لهلي تقول قرررت هذا الشهر اروح بس ازور اهلي وماابات الا في بيتي واستغل اجازته ونطلع نسافر مع بعض نتمشى تقول انهبل وصار يهااوش فيني وخلقه مررررره شين لدرجة قالها بصريح العباره يومين في الاسبوع هذا لي اجلس بهدوء في البيت خذي الاولاد وروحي لاهلك,بالرغم انو حياتنا روعه ,لكن تعود على غيابي عن البيت واللحين هي مجبوره مش برغبتها بالنسبه لي اسبوعين الى ثلاثة اقضيها بالسنه عند اهلي وباي وقت اختاره ممكن بالوكيند يومين لكن مو دايم عند الضروره القصوى.. وكل وحده تعرف تنسق حياتها بنظرتهاا الخاصه

حلو الوحده من فتره لفتره تبعد شوي عن زوجهااا يعني تاخذ اجازه بالسنه كم اسبوع تسوي نيو لوك جديد...