رأيكم يهمني !!!! الدخول للجميع

السلام عليكم ورحمه الله وبركاتهابي إبداء بالموضوع على طول  زوج أختي الله يصلحه  يكذب كثير الله يغفر له بس كذبا ته كانت على خفيف والوضع ماشي لين جتنا أختي ذاك اليوم منهاره تصيح وتبكي وحالها يبكي الحجر وش فيك يافلانه قالت زوجي فيه السرطان بالأمعاء وبكي وصياح وانهيار وجلست تسولف عن حالتو كيف منهار ويصيح ونفسيتو تعبانه وصارلنا يومين نصيح ونبكي قالبينها عزااا!! المهم هو قالها انو راح لمستشفتين خاصه وخلص كل فلوسو على الكشفيات وأول تشخيص كان في مستشفى حكومي بعدها اخوي سأل عن ملفو في المستشفيات الخاصة مالقى اي شي  اوا اي ملف باسمه والا عراض اللي قالها انه يستفرغ دم وقطع لحم ولما بحثنا عن المرض وأعراضه تختلف عن اللي قالها طبعا الرجال لما جاء يقول الموضوع لآختي طلب منها تطفي النور وجلس يبكي وانا راح اموت وماكبروا عيالي قدامي وما حطيت لكم بيت ملك وان الدكتور قالي انت تسوي الحرام وهو رد على الدكتور انه متزوج ويحب زوجته وأنها مافي منها انها طول بعرض !!!! وحلمت أختي ان اخوي. يطلع من زوجها حجره سوداء ولما صحت جاها اخوي وقالها ان الرجال ماله ملفات بالمستشفيات الخاصة مع انها مستشفيات كبيره وقمنا نربط الاحداث حسينا انه في شي ما يدخل المخ !!!  وحال الرجال يوصي على ملابس وبرمودات ويحلق. ويرسل لها صوره وهو بالدوام وخدوده تبي تتفجر من الدم والصحه  وآخر موقف اليوم عشان عندهم مرابطات يقول انه طاح بالدوام ودوه للطوارئ سالته أختي عن اسم الدكتور وعصب وقالها انت تلفين وتدور ين  وياويلك تدورين وراي او تسألين احد بالمجال الطبي وانا ابي ارسل اصداقي يسحبون ملفي مع ان المستشفى. الحرس ومو بالسهوله  سحب الملفات اللحين يا حلوات اللي ابيه منكم حللوا معانا ليه يكذب هالكذبه تهقون وش وراه  1/ علاقة أختي بأهل زوجها كانت مرره روعه وبعدين صارت اكشنات بينهم وصارت العلاقة رسميه يعني كل شهرين مررره وهالشي مررره مضايقه لانه يحب يأخذها بالقوايل يتغدون وفي رمضان يحب انها تفطر عندهم مع العلم انها دايم ترسل العيال مع أبوهم  وأول مقالها انه مريض على طول قال يالله نروح لامي وراحت معاه قال لخواته طقو لي ابي ارقص !!! 2/ الشي الثاني انه صير يدعي الله لا يهتك لي عرض وأختي تزعل تقول ادعي الله يشفيني   وأحنا شاكين انه معرس عنده طفل وابتلش ويبي يبين لها انه يبي يموت وانه يحبها عشان يفاتحها بالموضوع  

*اللحين أبي رأيكم  في الموضوع وانا مااشك بقدراتكم الخارقة بالتحلليل. وش السواه وهل يستأهل ان أختي تعيش معاه وهو ماينعرف صدقه من كذبه 
واللي أزواجهم بالحرس هل هم مرابطين  والا    لا انتظر كم