مرة في اشي كنت محتاجته بس مافي امكانيه اقدر اجيبه صليت عالنبي وقت السحر وطولت صليت الفجر ونمت رأيت الرسول صلى الله عليه وسلم ماشفت ملامح ولا اشي كان نور بس ..صحيت الصبح والله اجاني تلفون وتحقق الشي اللي كنت بدي ياه الحمدالله يارب.

حلمت قبل كم سنه جايه ع بيتي بندخل الحي حقنا ماقدرنا فيه قرود كثيره ترمينا ب الاحجار حاولنا مرا م قدرنا بعدين زوجي حاول من طريق ثاني وقدرنا ندخل بيتنا من دخلت البيت كله صراصير ملونه اخضر احمر ازرق كل الالوان قدامي انقهرت وعصبت وقلت انا طالعه من البيت نظيف وش جاب هاذي هنا وجلست اتذوق منها لان الالوان ومنظرها يغري كانها حلوى مرميه بس تتحرك فسرلي المفسر القرد لللي يرمينا قذف ناس يقذفوني بشرفي
والصراصير الملونه اللي اكل منها ناس يوضحون لي محبتهم ويبطنون كرههم لي بعدها عرفت من حواليني مين هما من حلمي وبديت اركز عليهم

مرا كنا انا واختي متواعدين نزور حرمه العصر دقت اختي تقول خايفه حلمت حلم بولدي الظهر مو زين حلمت يروح البقاله ويجيني يبكي يده مجروحه جرح كبير تقول خايفه نروح للحرمه ويصير بولدي شي ولدها عمره ٩ سنوات ما يروح معاها فسرت الحلم اختي انو عندنا قريب لنا مسافر وراح يرجع وتذكرنا خالنا كان مسافر بعثة عمل وقتها كان مقهور عشان بيترك عياله وزوجته اتصلت اختي عليه قال ايوا راجع الليل وكنت ابغاها مفاجاه كيف عرفتي سبحان الله واختي علمت امي وكلنا عرفنا ههههه

حلمت بأم زوجي الله يرحمها كان تبكي بحرررقة وفسرته قاله المفسر طلعوا صدقة
وطلعنا بعدها حلمت انه كنا بمجلس انا وأخواتها يعني خالات زوجي وجت اخذتني من بينهم وقبلتني ع راسي وقالت انتي بس اللي تحبيني...
وكانت مبسووطة فعرفت ان الصدقة وصلتها بإذن الله
الله يرحمها ويجعلها في جنات ونعييم

حلمت بأحلام كثيير وكان ينبهوني المفسرين ممكن فيه شي راح يصير لك
وواحد من المفسرين رفض يفسر حلم ليى
بعدها طحت طيحة بسبب خطأ طبي دخلت معها بسلسلة أمراض،، والحمدلله اللي نجاني