البارحه رحت عملت سونار عشان اطمئن على البيبي لاني دايم احس بالم اسفل البطن ويمتدد لين الظهر مثل الدوره ...لكن الحمدلله كل شئ فيني كويس ,,,,,,انا بصراحه ما سالت الدكتوره شو جنس البيبي لان الي يهمني صحته وصحتي ويكون طبيعي ما في شئ ...لكن الدكتوره من نفسها قالت فيك بنت قلت الحمدلله الله عطاني على نيتي لان اريد اخت حق بنتي .....وطلعت قلت لزوجي فيني بنت قال الحمدلله نعمه من الله قلته ادري تتمنئ ولد وكل زوج يتمني الله يرزقه بولد عشان يشيل اسمه ..لكن الحمدلله زوجي ما يعترض على رزق رب العالمين ....المهم رجعنا البيت قال زوجي اقول حق امي قتله قول لها لو هي سالتك فوقت العصر زوجي قعد مع امه وانا كنت عند بنتي داخل فام زوجي سالت زوجي زوجتك شو فيها قال بنت فقالت يمكن الدكتوره ما تعرف المهم زوجي قال لها فيها بنت ...فقالت حق زوجي يالله ربك كريم......المهم بعد ساعتين على العشاء رحنا انا وزوجي نتعشي بالمطعم فقال لي زوجي ان امه متصله علي اخته اي اخت زوجي ......تخبرها ان اخوك راح تجيه بنت ...وان ام زوجي قالت لبنتها مسكين ولدي خاطره وايد مكسور وهو يقول لي ان بتجيني بنت حرا م وده ولد .....المهم انا قلت لزوجي يمكن انت بينت حق امك حزين ومضايق قال والله العظيم ان لما كنت اقول لامي ان فيك بنت كنت جدا عادي و اضحك وقال هذه نعمه من رب العالمين......
انا بصراحه اثق:arb: بزوجي واعرف ان ام زوجي بالرغم انها طيبه الا انها تزيد بالكلام :22: وايد ....لكن عن جد انا تضايقت :( ......... ليش الوحده لما تجيب بنات كانها ناقصه والي تجيب ولد كامله والكمال لله وحده ....يعني انا سويت الي في بطني تراها نعمه من رب العامين في ناس ما محصله ليش نعترض على رزق الله سواء بنت او ولد ....ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟مو حرام
ما يدرون ان السبب لنوع جنس الجنين هو الرجل وان المرأه مجرد وعاء .....بعدين السبب الاول والاخير لنوع الجنس هو رزق من رب العالمين وليش البعض يعترض ويتضايق لما يدري ان المولود بنت شوفيهم البنات ......ما اعرف ؟؟؟؟؟؟؟
بعد كل هذا شو موقفكم لوحصل لكم نفس الموقف؟؟؟؟:30:
اللهم احفظ لي بنتي وزوجي والبيبي الي بين احشائي واجعله كامل الخلقة والاخلاق قولوا امين
انا دنيا من الوله @ana_dnya_mn_alolh
عضوة فعالة
يلزم عليك تسجيل الدخول أولًا لكتابة تعليق.
ميييمه
•
فيه ناس ماتخاف من الله وهذا رزق من رب العالمين
والبنات والله هم اللي يزينون البيت ويملونه على أهلهم
وحتى تربيت البنات أسهل من الولد
وبالنهايه كله رزق من رب العالمين
والبنات والله هم اللي يزينون البيت ويملونه على أهلهم
وحتى تربيت البنات أسهل من الولد
وبالنهايه كله رزق من رب العالمين
يا شيخه روحي الله يرزقني ويرزقك بالولد الصالح والسليم آآآآآآآآآآمين
خليني اقول لك عن حالتي انا ام لبنتين الله يحفظهم ويخليهم لي والان حامل وانا من اول حمل وزوجي واهله يقولون ما نبغى بنت نبغى ولد وكاني انا الي باختار وجات بنتي الاولى وتضجرو بس ما وضحو كثير لانهم يعرفون اني اني ممكن اغلط عليهم اذا ضايقوني
وعدت الايام وحملت في بنتي الثانيه وقام الكل يقول هاه وش في بطنك عسى ماهي بنت !!!!!!! تخيلي والله اني باموت من القهر كل ما يسالون هذا السؤال
والادهى والامر انه زوجي الي مجنني يبغى ولد باي طريقه مع انه مايحب الاطفال كثير ولمن يجي لاحد بنت يقولون مسكيييييييييييييييين الله المستعان ..... ولمن يجي لاحد ولد يقولون ماشاء الله يستاهل والله والف مبروك
ويوم جا وقت الولاده وجبت بنتي الثانيه اتصلت على زوجي وبشرته انه جالي بنت قام تفاجئ وقال لالالالالا صدق !!!! قلت له ايه والله جالنا بنت قال خلاص خلاص الحمد لله وهو زعلان ما تتخيلين كيف اثر على نفسيتي حسيت اني وحيده وحزيييييييييينه ولا ابو زوجي تخيلي ساكنين في بيت واحد اسبوع كامل من يوم ولدت ما قالي مبروك وسلم عليه وعلى البنت الابعد اسبوع لو هو ولد كان كل يوم وهو عندي المهم ما اقول الا الحمد لله
الان انا حامل وادعي الله في كل لحظه وكل وقت انه يكون الي في بطني ولد وان شاء الله يرزقني ربي ولد صالح وسليم يااااااارب
المهم كنت انا وزوجي في السوق وشفنا طقم عربيات للاطفال وعجبنا مررره قام قال: اذا جالنا ولد باشتريه له اما اذا جات بنت لا والله ما اشتريه >>>> خنقتني العبره ذاك الحظه
وكل الي يشوفني من اهله يقولون لي: انتبهو تزعلون اذا جاكم بنت خلاص هذي سوات الله ما في ايدنا شئ هذا وما بعد جالي شئ
ادري اني طولت لكن من الي في صدري وانتي اصبري يا اختي والله بيرزقنا ان شاء الله وما يخيب رجاءنا
خليني اقول لك عن حالتي انا ام لبنتين الله يحفظهم ويخليهم لي والان حامل وانا من اول حمل وزوجي واهله يقولون ما نبغى بنت نبغى ولد وكاني انا الي باختار وجات بنتي الاولى وتضجرو بس ما وضحو كثير لانهم يعرفون اني اني ممكن اغلط عليهم اذا ضايقوني
وعدت الايام وحملت في بنتي الثانيه وقام الكل يقول هاه وش في بطنك عسى ماهي بنت !!!!!!! تخيلي والله اني باموت من القهر كل ما يسالون هذا السؤال
والادهى والامر انه زوجي الي مجنني يبغى ولد باي طريقه مع انه مايحب الاطفال كثير ولمن يجي لاحد بنت يقولون مسكيييييييييييييييين الله المستعان ..... ولمن يجي لاحد ولد يقولون ماشاء الله يستاهل والله والف مبروك
ويوم جا وقت الولاده وجبت بنتي الثانيه اتصلت على زوجي وبشرته انه جالي بنت قام تفاجئ وقال لالالالالا صدق !!!! قلت له ايه والله جالنا بنت قال خلاص خلاص الحمد لله وهو زعلان ما تتخيلين كيف اثر على نفسيتي حسيت اني وحيده وحزيييييييييينه ولا ابو زوجي تخيلي ساكنين في بيت واحد اسبوع كامل من يوم ولدت ما قالي مبروك وسلم عليه وعلى البنت الابعد اسبوع لو هو ولد كان كل يوم وهو عندي المهم ما اقول الا الحمد لله
الان انا حامل وادعي الله في كل لحظه وكل وقت انه يكون الي في بطني ولد وان شاء الله يرزقني ربي ولد صالح وسليم يااااااارب
المهم كنت انا وزوجي في السوق وشفنا طقم عربيات للاطفال وعجبنا مررره قام قال: اذا جالنا ولد باشتريه له اما اذا جات بنت لا والله ما اشتريه >>>> خنقتني العبره ذاك الحظه
وكل الي يشوفني من اهله يقولون لي: انتبهو تزعلون اذا جاكم بنت خلاص هذي سوات الله ما في ايدنا شئ هذا وما بعد جالي شئ
ادري اني طولت لكن من الي في صدري وانتي اصبري يا اختي والله بيرزقنا ان شاء الله وما يخيب رجاءنا
الصفحة الأخيرة
اهم شي انتي وزوجك فرحانين
الله يخلي لك اللي عندك
ويتمم حملك وتشوفين الكتكوته الصغيره عن قريب