في البدايه نحب إنعرفكم على أبطال قصة حب مجنونة أبطال عاشوا في مخليتنا وأحببناهم أكثر
بطل قصتنا مجهوم <<<وهاذي صورته لبا قلبه سارق قلوب العذارى
>>>أنشهد من شاف هيبتك خق من رزتك
وبطلة قصتنا الوضيحي >> وما أدراك ما الوضيحي كل من شافها أغمى عليه من زينها
وأبوو الوضيحي
أم الوضيحي
في يوم من الأيام قررت بطلتنا المصووووون تطلق رجيلتها وتمشي بعيد إشوي يابالفييت تبي تثبت إنها بلغت سن الرشد <<<يا مالت عليش إقضبي أرضش لو تزوجين وتورعين بتظلين بزر عند أهلش
>>>سامحوني طلعت برا القصه بس شسوي متى نكبر في عيون أهلنا
<<<أبج كرمينا بسكاتج وقولينا القصه :
المهم مالكم بالطويله نرجع لقصتنا ؛؛؛؛
الوضيحي راحت وسرحت من غير ما تحس بعمرها وراحت دجت في الربع الخالي ما وعت إلا هي بعيده وما إتشوف أحد قريب حوووووووووولها وقامت تلف وإدووووور واتحوس مني مناك لكن ابدا ما لقت شئ وادووور حول نفسها
<<<كسرررررررت خاطري هالمنحووووسة
ولا تسمع صوووووووت فجأه صووووووووووووت ذياااااابه وخافت وقام قلبها يدق مثل طبووول وما اعرفت شتسوي ولا وين تنحاش وما تقدر تحتمي بأحد >>> محد قالش كابري ع الفشيش هههههههههههههههههههههه
ولا يطلعووون 3 ذيابه ويقربووووون حولها وكل واحد يطالع فيها ويطالع جمالها الخلاب <<ناقتنا كل من شافها ساح عند جمالها يالبييييييييييييه بس يالوضيحي
ويفكرووووون شلون يهجمون عليها ويلتهمونها لكن تفكيرهم ومخططهم ما طول أبد لان حدثت مفاجأه كبرى والكل انصدم منها وعيووووونهم طلعت لي برااااا والوضيحي أكثر منهم يا ترى شنهي هالمفاجاه
يتبع
وقعد يصرخ لوضيحي بأعلى صووووته رووووووووحي ابتعدي من اهنيه خطر عليش يا بنت وهي مسيكينة غاصتها العبره لكن تطمن قلبها إشووي في أحد يدافع عنها
وقالت لا ما أقدر شلووون اتركك برووووحك معاهم وعصب إهني مجهوم أكثر وقالها يا مرة ابتعدي من اهنية بسررررعه ولا بيجيش شئ ما يسرش وإهني خافت الوضيحي وابتعدت من المكان !!!!!
والحين نرجع لذيبتنا الثلاثة ومجهوم البطل >>> مجهوم لبا قلبه خاف إشوي من الذيابه وقال شلون هالثلاثه ضدي وانا برووووحي وقعد يفكر بينه وبين نفسه إنشهد إني رحت وطي بس لعيون ذا المزيوووون بواجهم وماني خايفه منهم
>>>ابعدي يالسنافي أنشهد إنك مجاهمي أصيل <<<اسمحولي انفعلت اشوي وبشجعه ههههههههههه
المهم ودخل معاهم في المعركه وابشركم فااااااااااااااااااز بالمعركه لكن تعرض لبعض الكدمات البسيطة ...
وقال وهو يتألم كلي فدوه لها تستاهل هالخشف انضرب عشانها ..
وراح للوضيحي متوجه لها وييقول في قلبه يقول لها لعيووونج السوود كل شي يهون
واهي تقول بقلبها يالبى قلبك عليك عيون.. من شافها ضاعت علومه.. من شاف رمشك غدا مجنون
يجي مجهوم متوجه للوضيحي ويقولها السلام يا مرأه شجابج اهني لحالش وين أهلش وربعش وإهني الوضيحي ماعرفت شترد وشتقول فسكتت ابرك لها <<<بعدي زين سوت عشان ماتفشل روحها قدام هالسنافي يالبيه يالوضيحي انشهد انش عجبتيني وغديتي مره في ذي
وبعدها قالها تعالي ابي وصلش لاهلش أكيد تلقينهم قلاقنين عليج ويدورونش وحبيبنا مجهوم يقول في قلبه أجل أحد عنده مثل هالنيره وما يدور عليها ههههههههههه والله لو انا من اهلها ما أخليها تعتب برااا السور ولا يحد يشوووف جمالها
وينتظر جواب من الوضيحي بس هم ساكته المره <<ماعندها شئ تقوله غيره انها احرجت روحها قدام هالسنافي واهني الحبيب مجهووم عجز فيها وقال شكلها ماهي متكلمة وقالها امشي معي وإن شاء الله اوصلش لاهلش سالمه <<<وطبعا الوضيحي في قلبها اتقوووول عادي لو اظل معك طول العمر وما القى اهلي المهم اقعد معاااك وما انحرم من هالجمال >>>إنشهد قلوووووووووووووب الحريم رهيفة وبسرعه يعشق
ومشت معاه الوضيحي واقترح عليها وقالها شرايش نمرح الليله إهنيا ومن اصبح الصبح نسري اندور اهلش قيد الشمس طالعه وانطالع العرب وما تكلمت بعد الوضيحي وسكتت بس شكلها موافقه ع الاقتراح وكل واحد راح له في جهه وتسدح وكل واحد فيهم قام يفكر في ثاني وعقب من التعب ناموا ع طول <<مالومهم يومهم طويل من اللي شافوه
وفي اليوم الثاني بعد طلعة الشمس ولا يقعد مجهوم ويشوووف الوضيحي إلا وهي تمشي ع فووووق الطعس وقال يالبيييييييييييييييييه من ذا الزين يا جعل من جابش يطول بعمره <<<الحبيب شكله غرقان بالحب وانسحر من جمال وذاب فيه
وهي إتطالعه وإتقول بخاطرها ،،،،،
منــت اختــياري ولكــن صــرت لــي قســمه
.... اللـه كتبلي أحـبك مــاهــو بكيــفي
ويوم شافته صحى راحت له متوجه وتصبح عليها بالخير لكن الحال واحد ابدا ما نطقت بحرف واحد بس عطته نظره اللي ضيعت علومه كلبيها وقالها يلا يا مراه مشينا ندور ع أهلش وراحت هي وياه ويمشوووون في الربع الخالي ويمين ويسار مني ومني لين اوصلوا لعرب يقالهم المغاتيير وقاموا بواجب الضيافه وضافوهم واحلفوا عليهم بالغداء لكن مجهوم قالهم القصه وقال أنا أبي اوصلها لأهلها قبل يظلم الليل وإعذرووووه وطبعا المغاتيير ما قصروا ودلوه الدرب وقام مشى مجهوم هو والوضيحي ومشى ع الوصف ووصل لأهل الوضيحي وإهني طاااااااااااااارت الوضيحي من الفرحه بس تذكررررررت شئ وقلب مووودها 180 درجه
تذكرت إنها بمجرد وصوولها لاهلها ماعاد راح إتشوووف مجهوم أبد وإهني ضاق خلقها وغاصتها العبره <<<إنشهد إنها إعشقت من كل قلبها وضاعت كل علومها مع ذا السنافي
ودخل مجهوووم والوضيحي عند أهلها وفرحووووووا بعودتها وقامت أمها تلمها وتبجي مو مصدقه شافت الوضيحي مره ثانيه وأبو الوضيحي قام يشكر مجهوم ويسأله وين عينها <<<انشهد سوالف الابهات هههههههههههههه
وقام ابو الوضيحي وحلف إنه الليله عشاءه ويمسي الليله عندهم وما اقدر يقول مجهوم شئ لان وده يقعد مع الوضيحي ولا يفارقها لحظه وحده وقاله ابشر تم
واهني الوضيحي طااااااارت من الفرحه يوم سمعت هالخبر وإنه بيمرح الليله عندهم وقالت لأمها محد يسنع العشاء غيري <<<ابااللفيت تبي اتبين انها جيده وسنعه وترقع الموقف <<ياسلام عليش يالوضيحي انشهد عليش افكار جهنمية يامره
وقامت الوضيحي وسنعت العشا اللي اعجب الجميع وامدحوها ومنهم حبيب اللي القلب وقال في قلبه زوجه كاملة والكامل ربي ومن بعد هالعشاء الكل راح يريح ونام وقي اليوم الثاني وفي حزة الضحى بعد الريوق الزين من إيد الوضيحي <<<انشهد إنش غديتي مرة سنافيه لبا قلبش هههههههههه
وإهني جت اللحظه الفراق الصعبه ع الحبيبن كل واحد زعلان أكثر من ثاني أصعب لحظه لحظات الوداع قاموا ودعوا ببعض وهم كل واحد يطالع الثاني وفي قلبه كلام مقدر يقوله وقام مجهووم يبتعد ونظر الوضيحي يتبعه والدمعه ما فارقتها..
وفي خاطر الوضيحي..
ودعتك الله يانظر عيني^^
بأمانة اللي ماغفت عينه^^
وفي أحد اليالي والوضيحي منبطحه واتفكر في حبيب القلب واتقووول هو يفكر فيني ولا نساني وساعه اتقول لا ما نساني وساعه اتقول نساني <<<انشهد ان ذا الخبش عاشقه ومولية وضاربة فيوزاتها ع الاخر ههههههههههههههههههه
وفي الوقت نفسه نلقى حبيب القلب مجهوم سارح ويفكر في حبيبة القلب وإنه خلاص قرر بيروح يكلم أبيها ماعاد يقدر ع فراقها أكثر <<<يا عيني ع الحب هالرومانسيه يارب يرزقنا بواحد مثله قولوا ءامين ههههههههههههههههه
وفي خاطره يقوول؛؛
ياليتني من قبل لا حبه اقفيــت؛؛
ولا دروبي عن دروبه تناحت؛؛
الي يحسب إني على البعد سجيت ؛؛
ولاإن عيوني للرقاد استباحت؛؛
عرفت كيف الحي يفرق عن الميت؛؛
وعرفت قيمه نعمتي يوم راحت؛؛
قولوله إني عقب صده تناديت؛؛
ورجلي عن دروب المعافين شاحت؛؛
وفي اليوووم الثاني من صباح الله خير قام السبع مجهوم وراح لابو الوضيحي ويتقدم لها رسمي عند ابوها طبعا بعد ما تسنع وتسبح وتزقرت عدل وتعطر من عطر شيخ يا زين ريحته زيناه كل من قرب صوبه داخ من زين ريحته هههههههههههههه
>>>>يالبببببببببببببببيه يارزة عقاله أذووب أنا
وراح لابو الوضيحي وتقدم لها رسمي وابو الوضيحي وافق وقالها ما نلقى لك أفضل منك لبتنا ولو هي ذبيحه ما عشتك
>>>خارج الموضوع دايم اسمعها بس ما فهمتها ههههههههههههههههههه
وبالأخير ألتمت قلووووب المحبين واعرسوا وسوو اكبر عرس في المنطقة بكبرها وإعزموا المغاتيير والشقح والصفر والشعل وكان العرس أسطورره ويحكي فيه <<<صكوا ع عرس الاميره ريم بنت الوليد بن طلال هههههههههههههههههههه