راحتي و الا كلام أمي .

مساء الخير ...
عمري ٣٦ سنه لدي ٥ اطفال و حامل بالطفل السادس .


انا ان شاء الله راح اولد بمستشفى حكومي وخاصه اخر ولاداتي قيصري و الحين ماادري اجيب قيصري او طبيعي و بيكون نفاسي ببيتي ...
امي هنا رفضت الفكره و تبيني اولد بالخاص وتقولي : بيعي ذهبك او انا ادفع لك ، وتبيني انفس عندها .. وانا ماابي اكون عندهم ابي راحتي النفسيه و الجسديه ببيتي ...
اجيب شغاله و عيالي عندي وكل شئ بمكانه ومرتب ..
تعرفون حوسة النفاس من اغراضها و اغراض البيبي و غير عيالك ماشاء الله ملابسهم و احذيتهم و العابهم كأنك مسافره واذا رجعتي بيتك اغراضك يكثر ، غير ازعاجهم و صياحهم و لعبهم ...


وامي وابوي الله يطول بأعمارهم فيهم ضغط و سكر و قلب و كلسترول الله يشفيهم .. وابي راحتهم و راحتي ... ببيتي امسك عيالي و اقفل عليهم و عندي خدمات من بقالات و مطاعم و حلويات ... ...


بس المشكله امي للحين متمسكه برايها الا اولد بخاص و قلت لها ممكن قيصري و هو غالي ب ١٠ الاف ، قالت : ندبر لك لو نتسلف ... و تنفسي عندي و عيالك عند ابوهم يتحملهم .. و زوجي عسكري يرابط و يستلم ماارتاح اخليهم لحالهم ...
....


بنات كيف اقنع امي من دون ماازعلها ؟
...
طبعا انا ماخبرتها و لا جبت لها طاري ،، بس اهلي سكنوا بيتهم الجديد و تكلمت امي مع زوجي عن اسعار الفرش و الكنبات وهو تكلم على نياته قدام امي ، اننا بنفرش البيت و نجدد الاثاث عشان نفاسي و انفجرت امي علي 😭😭😭😭 ...